今日識左兩個小朋友，好有趣呀!~好耐都未識過哩d人啦...下午又要去做報告，煩到爆，夜晚番到去又要忙，M仔早上打黎話出去都冇出到，懶呀@@!~聽日星期五嚕，可能有片睇，期待呀!~

一大早就落雨，喇喇聲沖番學校，今日會有人黎睇堂，有d緊張，不過之後係到玩NDS，哈哈!~幾個FD係到玩找錯處囉，有幅圖搵極都搵唔到，無奈...第二堂，有兩個阿Sir黎睇堂，有一個阿Sir成身濕晒，陰公囉XD...小息，肥神係廁所俾人圍住黎狂鬧，但佢聲都唔敢出，條友上堂一直話去廁所，原來佢淆底要吹雞@@!~班友直到第四堂都好好，但第五堂班友開始玩野，不過都好正常...平日嘈慣又點會咁易靜落黎...上完第五堂終於放學，下午超唔願意咁番左明愛，坐到夠鐘閃人，好彩番到屋企都冇落雨姐，但要搵周公，今晚要趕報告><...

今個星期全落雨，真係煩，好彩早上冇雨姐，早上同佢地連左幾堂高達，好玩呀@@!~食完Lunch番去果陣落雨，真係邪，番到去上電腦堂，突然聽到話有人唔見左PSP，之後搜書包，不過冇事，但魚蛋就慘啦，唔見左部機，不過有人見到Lunch肥神上過去，阿輝打去問佢，佢死口都話冇，聽日番到去都唔知會發生咩事!~放學閃人，陪阿明去借書，買左d雞仔餅食，耐冇食都覺得幾好味，但好多油...番到去睇左陣漫畫就訓死左，起身食左個飯就訓到成十一點先起身...哩幾日又要乾報告，好煩...

琴晚完全冇訓到，兩條友打機太嘈啦，成七點先有得訓，佢地十一二點就起左身玩電腦，我繼續趴床=.=...一點幾先去食飯，之後落葵芳，陪雄仔買袋加上台，本身諗住落旺角既，係到等阿耀等左成個鐘都未落黎，不過都遇左...之後由於已經成六點都廢事落，各自歸家算，雄仔串左好多呀...一開口就串人...差唔多句句粗口...超無奈囉，你條死仔你再係咁冇得救架喇!~ 

今日晨咁早就醒左，又訓唔著啦!~煩!~之後下午謝豬豬同佢個fd話上黎，記錯站搞到佢地早左一個站落車，哈!~等佢地行下當減肥@@!~又話上黎打下機，點知玩左陣就冇玩，坐到三點幾閃人，本身話落葵芳，點跳落超大雨囉...唔洗落了，之後佢地去油麻地搵fd，自己就去太子俾禮物Koey，見到佢個樣好想笑，成個小朋友咁傻下傻下，仲病埋，多d休息啦!~今日悶親謝豬豬你地真係sorsor呀><...俾完禮物就番熊貓搵佢地，等地鐵等到火滾...多人到痴線等左勁耐先上得，去到頭暈暈，陪佢地玩左陣就去左食野，夜晚諗住走果陣雄仔打電話黎話就到，啞左= =...今日太多人啦，冇機玩，之後去玩玩篤篤機，肥亨玩找錯處好勁呀!~次次玩親都爆機，哈!~玩左陣就番左屋企，佢地就留低，無耐雄仔打電話黎話同M仔上我到，兩個傻仔= =...上到黎M仔掛住玩電腦，悶死...之後咪同雄仔玩PSP，玩到四點幾自己就訓，佢兩條死仔玩就玩啦，仲鬼死咁大聲，正死仔黎!~