終於都完成左兩日既camp,呢兩日都勁熱同勁曬...都算辛苦~~

其實呢個係一個team building camp,去訓練我地既團隊精神同合作性~我地大約有38人到~

第一日就係室內活動,都係一d靠清晰的指引和接收&合作先可完成既活動~我地1430係公司出發,3點3到就去到,大約6 點到就出發去大榮華食晚飯,有好多送食,不過我最鍾意食都係最後個樣,"馬拉糕"~~~~好好味呀....!!!!如果唔係之前食得太多,我都想食多幾件!!!!實在太正!!!!跟住仲去左食B仔涼粉~嘩~~~真係唔食過唔知,好大碗架,仲有好多生果tim~~~

跟住到第二日,重頭戲黎喇~~~~戶外活動~~早上7點半要起身喇~食完早餐就開始喇~首先係玩單人項目,要爬上一條分別由三條木組成既柱,到頂之後就響鍾,咁就代表成功完成~~條木有成三層樓高架... 真係好難先爬到上去~~

then 到雙人項目,呢個係要雙方扶持既活動,因為要爬上一堂木梯,由五條橫木組成,仲要係每級既差距會愈遠,所以比較吃力,真係要互相幫助先可以上到去,都係上到最高就響鍾~~嘩.....真係辛苦呀~~上到去真係會腳震,因為好驚....好高架....仲高過頭先.....哈哈,最後都完成哂....掌聲鼓勵鼓勵~~~~~跟住睇返d玩緊既時候影低既相,好好笑,then食埋午餐,就懷著累累既身駒回家去了.....

夜晚都有同小金名去食"炳記牛牛"跟住介掛埋8號風球tim.....