|
7月24號就係李秀雯小姐生日既大日子
都估到佢正日好忙架啦 所以預祝啦
12點幾果時接到胭姐電話
佢都係好想去書展咁feel
本身我都唔想去 因為真係好多人
不過見胭少真係咁想去 就陪下佢啦xD
去到行左2個圈 胭少嘈住話要去hall 2
但係好可惜一定要經hall 1先去到hall 2
唯有焗逼住去左hall 1先啦.....
係hall 1真係全無收獲喎
逼下逼下 就見到指去hall 2既箭咀
跟住行下行下見到1個叫 -- grand hall
天真既我們以為grand hall就去hall 2
(因為好似唔見有果d 箭咀)
於是就行去睇慢慢睇啦
點知行左一陣 發覺冇咩特別 都係好少書
我feel到胭少同我都有d 失望
於是就行左出去想睇下有冇咩買黎食/飲
最後大家都買左杯乳酪雪糕 坐左係一邊食+傾計
傾左好耐下 胭少好似如夢初配咁諗起自己有野未買
於是急急忙又打俾佢小弟 問佢個攤位係邊
最後得出黎既答案係 -- 我地從未踏足過hall 2
當時已經係7點幾 唯有硬住頭皮黎個狂風掃落葉
最後胭少發現左佢係grand hall 買貴左書
把口死話冇事 但係口up up左好耐 頂佢唔順
出左會展之後 我地2個都好累
於是胭少提意不如答渡海小輪過返尖咀啦
$2.2 抵到爛 又過癮
行到去碼頭等上船 真係等左不可思議咁耐
期間熙少仲要打黎話佢出緊旺角 真係急死人><
上到船 同胭少你眼望我眼 發現今日係不宜坐船
丁多海風都冇咁作死 焗到痴肺...不過都幾好玩@@
不如我地冬天再去坐過啦好冇XD??
去到大家都餓到死
拿拿聲搵野食
最去去左魚心食日本野
真係平到你唔信呀陰公
野食水準就真係唔知啦 我唔食生野
不過熙少就話一般啦 咁既價錢算係咁
食完飯本身諗住去飲野 但係胭少睇諒阿熙聽日要開工
話係旺角搵間cafe 坐低飲野同玩就ok
咁好啦 反正我地幾條友坐埋實有好多笑料 永不例外
一坐低阿胭就話玩鬥地主
我聽就聽得多啦 玩就真係未玩過
好在熙少識玩 如果唔係就開唔到局lu
坐左一陣大蚊到埋 可以2個人1 team咁玩
刁妹真係勁好笑 黑到冇人信xDD大蚊牌都唔俾佢掂
真奇既係刁妹唔掂副牌真係會靚D 邪到死左A"A
鬥地主同鍘Dee不同之處係2家聯手打地主
只係唔俾地主羸就得 所以2家人就要聯手
鬥地主入面 有色鬼牌係最大既 其次係冇色鬼牌
話說有一局 熙少好型咁出左隻冇色鬼牌出黎 諗住羸硬地主
點知當時我地既戰友--陳大蚊小姐 竟然出隻有色鬼牌出黎打熙少xD
熙少當場好似中左槍咁四支無力 之後唔知好笑定好嬲咁話.....
真係鬼打鬼啦今次 即時笑到我地失控
不過真係好正A__A多謝大蚊xDDD
玩到差不多點幾鍾 熙少真係好累好累啦 於是就散場
不過今日真係好開心呀 希望下次再有機會咁樣出黎玩啦
| 
