|
今日訓到好晏
一開Msn胭就同我講佢好寂寞
我本身都諗住今日出mk
睇下有咩生日禮物買俾雯雯
於是就問佢一唔一齊啦
最後約左6點係mk等
我地十分十分準時去到
於是就打俾胭少 不出所料
佢果然係遲到小天后黎-_-
佢遲左3-4個字啦 又唔係好耐既
係新ソ城行左一轉 家姐買左對鞋子
都幾靚架 我都好想買
不過2個人買埋同一對鞋把鬼咩
得閒偷著下咪算囉XD
之後去左行朗豪 大家都已經好肚餓
因為起左身未食過野
本身諗住等埋家姐個哥哥去打笨佬
所以行過滿記果陣入左去食糖水
 
不得不提係食糖水既時候
大家唔知做咩突然之間哂馬
拎哂手頭上d 電子產品出黎
當中我同阿胭領先 一齊拎電話
我拎相機佢拎nds 出黎XD
之後我嘈住問佢有咩手機鈴聲
佢就好好地幫我分好哂類
點知 我一打俾佢 響起一串好懷舊(柒?)
既單音鈴聲 第1時間o左嘴 之後爆笑XD
因為佢D 鈴聲移過位 所以Set好果d 冇哂
好似次次食糖水都有搞笑野 正!!
食完糖水熙少都係咪嗌餓
其實又真係幾餓既 糖水又幾飽肚丫
真係頂唔順 最後決定食左野先
本身話去食焗飯架 但係太遠
我驚熙少過到去已經暈左 所以...
最後去左食沙嗲王 @@
估唔到又幾抵食喎 4個人食
每人叫一個主食+3個小食
都係每人$54蚊落樓 味道仲不錯
食完野醒起自己出黎既目的
就即刻起行去掃下有咩買俾雯雯
行左好耐 見到好多自己鍾意既野
可惜 都係揀唔岩野買俾雯雯
不過今日都好開心呀!!
真係好希望可以多d 咁樣出黎
我地一見面就有講唔完既話題同笑料
感覺真是十分好呢!!! | 
