今朝我9點幾起身,一起身以為老豆未帶狗,不過好彩帶左,因為見到兜水,

之後我10點幾出門口返工, 今日一返去4叔已係公司,

今日約左uncle同aunt飲茶, 同埋父母仲有姨媽~

之後我食完就回公司!~ 今日下午4叔同老豆又嘈交, 又為左船而嘈,

阿媽又一齊講, 今日仲嘈得緊要,尋日我打俾社工, 同佢講我email左俾佢

今日我差唔多5點先放工,今晚約左文睇戲, 今日我,5點幾出到cwb等文放工,食飯睇戲

之後,6點文放工,我由佢放工時間等到7點,個陣佢打黎話要幫媽禁錢要晏少少黎到,

之後我等佢搞好就食野,點知愈等愈晏,之後我信息,又call佢, 打俾佢個陣,聽到佢開始禁錢,

佢係hkbank拎錢, 之後,冇幾耐, 佢又叫我去世貿搵佢, 因為佢以為係總統睇

後來,佢想係世貿食, 佢又唔講佢媽同妹係到, 之後行去搵佢後,見到aunt同佢sis

之後,我就同佢地食野,佢妹冇食, 得我們三人食,  

之後,今晚文行開左,aunt就問我點解同文散,我個陣都唔知點答, 佢又問阿文唔好咩,

我話佢好好, 之後佢叫我地快結婚,因為佢哥就結, 之後我平常心答,順其自然啦,

之後我地食哂野,剩番aunt 走前,aunt 叫我得閒上黎食飯, 佢想我禮拜上去食,

但我唔想拒絕又唔想應承之間,我揀唔答,之後我無視同文走左去睇戲,

之後文同我講佢尋晚屋企家變,因為話說佢二哥想結婚,之後佢媽本身應承左付錢去結,

點知尋晚佢媽突然反口話唔pay,之後佢哥嬲得滯走左, 之後文打俾佢妹同大哥解決

後來佢妹pay錢幫佢二哥,結婚費, 唉 其實~佢d家事,又關我咩事, 已唔到我理,我只聽完就算,

今晚睇x man, 最後一部電影,今集講x man死左最後, 都算完成男主角最後為作,

之後睇完戲,我同文都冇講d乜,  今晚文主動問我部戲好冇睇,又問係未好悶

之後我們過對面商場去洗手間, 今晚我去完洗手間時,聽到隔離個女仔搵手機,佢驚到喊,佢以為唔見左手提

之後出到黎洗手時,佢左找友右找, 之後出去問男友,男友手提係佢到,之後個女仔先放心,

我感受過唔見左自己野真係好驚同緊張, 之後我出去,文等我,之後我去搭車,

今晚文問我, 你依家係未去巴士站,我話係, 之後我們行去坐車, 佢都未俾番錢我,

後來,我叫佢去到總站俾番錢我,佢個陣仲想走左去搭巴士,不過我死都唔俾佢走,因為佢都未俾番錢我,

之後,我車開出,更係我上車啦, 之後,見佢又要等下一班,

我唔知點解,覺得文自從上星期~佢行為,同表現,佢好似想同我反兜咁,同埋佢好care我感受同埋,超越左友誼感覺

但我唔想諗多左,佢亦都冇開聲講d乜, 但上次,我叫佢返去先時,佢突然問番我,咁你呢, 以往佢同完人睇戲食飯,就散band

佢問都唔問, 但佢依家開始把家事同我分享,無論公司~家庭都同我單聲, 可能見一場朋友,同埋覺得我信任所以先同我講

而且~阿lok 都未必知文家事,以往佢只同lok講公事上,但家事就唔會提,

唉 不過~我咩都冇諗呀, 只當知心朋友心態關心佢, 至於佢媽心態,我GET到佢想我同佢仔一齊番,

BUT 有時感情既野,唔係一時三刻, 我依家想平靜日子算, 感情事唔想諗太多, 

我又唔可以拒絕~AUNT心意,但又唔可以答應佢, 咩都好啦, 你個仔問題太多,我唔想講佢仔唔好,總之就,保持依家距離算,

同埋,尋晚,我同文講左,我買左飛,之後問佢做緊乜, 之後收線前,文叫我冇咩事就早D返屋企,

不過~以往佢好少主動關心我,依家佢關心多左, 不過~都係隨緣~,