今日放假呀!!!
12點幾同家姐一齊出左行Mega Box,都算幾大呀=]
不過估唔到入面間Jusco真係咁細...
我地去左宜家入面間餐廳食野,叫左咖哩豬扒飯+白汁三文魚意粉+豬肉丸share(共$70)
再加蘋果汁~好好味,我食左好多
行左一陣,臨搭走果陣見到有間馬莎...家姐話入去睇,
睇岩左一件恤衫諗住買俾阿爸,不過唔知佢著咩size,打電話問媽咪,
答案都預左係九唔搭八 問左等於無問......好無奈=.=
係果度逗留左半個鐘(買自己d衫都唔使咁耐)
一直同家姐諗緊買L定XL size...最終都係買左XL,$395~同家姐每人夾左$200
唔可以俾阿爸知道價錢,如果唔係佢一定話我地曬錢,件衫唔值咁既價錢!!
返到黎屋企叫阿爸試衫,我同家姐真係無揀錯size...
希望12號會著住件靚靚衫啦^^
尋晚拎部新電話出黎差電,差到今日...頭先拎埋去貼mon貼,再加多個膠殼
兩樣野加埋$58...
今個月黎講暫時用得最多錢既一日~哈哈!!不過係值得既 | 
