今日會番深圳同阿媽.老爺拜年.
今日豬年初一祝大家新年快樂.身体健康.老少平安.財源廣進,年年有餘.得心應手,學業猛進,心想事成.愿望成真.生意興隆,股運享通.今年勝舊年.一帆風順.去行山行番個好運.大運先得.今晚係波叔屋企吃飯,嘩!正吖,有鮑魚生菜,發財好市,老虎蝦,雞鮑翅,飲紅酒,咸鵝.加自釣既海魚'石碼頭'吃到勁飽吖.不過年三十晚,年初一兩埸麻雀輸咗800元.無物賭運,
今早5:30am起身煲茶,拜神,希望狗年衰既嘢走晒,來緊豬年,从年頭好到年尾.2月28日遠走高飛去馬來西亞沙巴旅行,希望行番個大運番來啦!
今日年二十九,狗年股市最后一個交易日,我個的股好鬼殘,都無眼睇囉.下午收市后收拾心情去買咗盆牡丹花几靚吖先$128.買支菊花都$15啦,几抵.另外買咗一小盆四季桔$68,出動阿仔,老公,車仔先基本買齊過年拜神用品,忙到頭都痛埋.好彩早兩日得閑早的搞好衛生,如果唔係今晚都無得訓吖,又過年,好掛住個女irene吖,希望出年有環境可以飛過去陪佢過年几好呢.
今日原來係情人節吖,都同平日無物差異,係綱上e到irene先知,跟住就收到佢速遞俾我既朱古力啦,好甜吖,個心,暫時忘記的股事,煩事,享受吓啲朱古力先,祝天下有情人(親情.愛情,友情)快快樂樂!
