周圍都升但香港跌真係唔明,可能明天假期啦,大陸仲放到8/5先開市無方向.
昨天等師傅上門改煤氣開關制,佢話我個爐無自動關氣制要換過,即時買咗換埋,今日又等另一師傳煤氣改道.熱水爐更改為用天然氣,其實所謂改道係拆開個熱水爐蓋內一塊鐵鉆几孔,再裝番個蓋就ok,我真係唔多放心,問咗几次係咪真係得ga,個師傳話100%得low,所以昨天到霞妹家住,又參觀咗阿靜的新居,裝修得几有品味,ok靚喎.不過俾我發現咗佢哋一個習慣係唔接被,撿床,我昨午擺低鎖匙叫個周姐搞衛生,今日再番去即刻干凈晒,下星期可以番去住下ga.
今日期指結算,昨日升今日跌,未到價又係等,明天要番寶田苑換煤氣製,搞吓衛生.有老公.仔女又點吖,個個都係自己顧自己,或者佢哋有佢哋既興趣同生活啦.又咪係孤身上去.唔怪得呢個世界有陳振聰呢的人存在啦.有時人都害怕孤獨.特別係開心.傍徨時.卻無人分享.或者現實生活就係咁,甜的吃,苦的也吃吧.不過都希望佢哋開開心心咁吃甜的多苦的少,做個快活人,我都會繼續尋到自已喜愛甜品的"旅行".
昨日過咗一關,諗住今日可過多關,點知唔得呢,希望在明天啦,搵啲旅費生日目標係北海道,仙台或韓國.
今日開市先升后跌,見機不可失,係今日最高位好彩把握機會沽咗1/4貨,下午后全部回咗15%,希望明天可以再沽2/3貨,其實都好想个女番來陪下自己既,但又想佢可以擴寬下人際.視野.獨立自主,襯暑假去其它地方遊歷下,又驚佢番到來對佢好的,佢又唔愿走,對佢惡的.佢又覺得無家庭溫暖,唉!總之十分矛盾啦.
