今日股市又大跌496點,平常心面對.希望在明天ma,呢排都係跌多過升,好難有物作為,都無心戀戰,但又無錢再去旅行喎.係陽光海灘既沙巴番來后,呢度每天潮濕,天色灰黑,搞到人既心情都差晒.煩.悶死啦.點好吖?天啊!几時先識笑吖?唔該俾的陽光來啦.得唔得呢?

係徬徨.沮喪迷網既日子,正好係反思.反省自己既日子.須然過程十分艱辛.但只要捱過去.自己會更加珍惜所擁有的一切.我信只要希望還在,更困難都終會過去的.又要供車.又要學費.又要旅費.總之點都要掂啦.

今日當大部份人認為個股市仲會跌時,竟然係升307點,現階段買貨怕跌,沽貨怕再升,不知何去何从,有既貨為有等升,想買既貨等佢跌先算,希望個市有轉機啦.睇唔通個市最好係抽新股.成個悶局咁,的貨到價既話真係要放個悠閑.憩靜假期先得,如果唔係心機梗塞都似.望到時的仔女可以一齊就好la,唔知暑假得唔得呢?再唔係聖誕都好吖.跌就快過落雨,升就慢過釣魚,唉....等待係几咁痛苦既事.希望個天俾個機會嚟啦.

昨日個仔同我講,今日補完習同我去睇'翻生朱籮紀'我等到佢補完習又話落雨地下濕唔肯去,等我仲以為佢咁有心陪我睇戲啦.原來混吉ga,越來越有孤獨老人fel.好渴望同的仔女行街睇戲.吃飯.不過到今日為止肯陪我睇戲既只有Irene,好掛念你ar,希望可以番來升學啦.唔使我擔心你之余又可以陪下我多好呢.希望心想事成啦.不過美夢未成真時都要做住孤獨老人先啦.唔可以一己私愿埋沒佢前途的.

今日一早個仔去咗買旗籌款,我昨晚先同佢講有的'無謂人'買之前會問下物野教籌款如果你係佛教佢係基督教佢就會唔買,阿仔仲話唔會咁無聊既,點知今早同個女諗住一齊吃早餐,落到樓下有人買旗行埋來,佢居然係個个'無謂人'黎,我真係諗唔到佢咁有學識,都應該有的自辦能力既人,都會係一個唔識明辦黑白既人,唔係一~二元捐款既問題,真係對佢所信仰既教更加反感,因為如果一個人遇難就死求救係咪應該問咗佢物野宗教,先救呢?見到一个就快餓死街頭既人,係咪都要問下物野宗教,先俾飯佢吃呢?我同佢都唔同信仰係咪唔應該俾佢住,俾佢吃呢?我諗係佢心目中我只不過係個代母,生佢出來養大佢,其它全部都係主賜俾佢既,我諗我真係要有佛教緣盡既心,唔想再有什么期望,唔再想為佢付出分毫,因為我哋係有分別的,唔同信仰ma,佛教又云'行善積福'其實唔應該有什么宗教之分的,如果行善都須計量還行什么善呢?真係唔明吖.