2007 年 3 月 20 日 星期二  |
| 起色 |
分類: 未分類 |
呢兩日股市有少少起色,希望跌定啦,早日可以到家鄉就好啦,如果唔係日日好似行尸走肉咁,發夢都發到$$$$$$........太大壓力la.
|
| 2007 年 3 月 19 日 星期一 |
| 命運 |
分類: 未分類 |
有時真係唔到你唔信命ga,老公个股票戶口97之后都好少買賣,點知8/1/07佢叫我買股,點知出事啦,股災.97年又係咁,我本來都唔信邪,但每次經佢戶口買入股票,每只都跌,無次升ga low,今日又試下,又死la,本來升緊$1.07.點知一買即跌至$1.02收,我都服la,但irene戶口呢,今年買親都有一仟几佰進帳,新股咁難抽又抽中喎,都唔到我唔信啦,命運既野都唔到你唔服氣ga,你有運既求其都可以ok,無運既點樣求存都係晒氣ga.我唔會再係老公个戶口買貨ga la,除非想個市大跌,買平貨la.費事佢累街坊啦.成個丁蟹郊應咁靈吖. |
| 2007 年 3 月 18 日 星期日 |
| 春天 |
分類: 未分類 |
今日同老公去咗行山,而家係春天的樹木都長出嫩葉,滕都會開花係一串串的,花朵很像一只只小烏,蘭花係紫白色的.仲有山姜花係黃白色一朿咁好靚吖,春天行山真係好正吖,如果人生好似春天一樣多好. |
| 2007 年 3 月 17 日 星期六 |
| 周末 |
分類: 未分類 |
今日帶个仔到樓下美容院清暗瘡,佢肉痛時,我又唔見几仟心痛,不過見佢塊面越來越嚴重,而家唔整,到時重金呢.唉!自己無物錢都為佢哋咁多,叫佢哋洗下只碗都鬼咁惡,真係唔想理佢,但自己又衰做唔出呢,有時諗下,真係唔知為物.你為佢哋就物都得,掉唔番轉頭為下個媽呢,我其實係己經係心力交碎,死頂.唔知仲可以捱到几時架.你哋都大个la,好自為知la. |
| 2007 年 3 月 16 日 星期五 |
| 等待中 |
分類: 未分類 |
今日股市又係咁款,無物進帳,等待中(等升),凈係irene个户口呢兩日有些少進帳一仟几佰都殺,好過無啦.睇个款都未跌完,唔通真係要五窮(五月)六絕(六月)七翻身(七月),而家先三月嗟,咪有排等囉.好想去旅行吖.最鬼衰又做咗大閘蟹呢,無多餘錢ma,幻想下先,日本,(北海道.仙台.大板.東京)馬爾代夫.沙巴.台灣.泰國(布吉島.蘇梅島.華欣)嘩!陽光海灘,綠樹林陰.鳥語花香........好正吖,最鬼衰貪心,搞到而家物都無啦,仲有排捱添吖.唉.........真係有苦自知. |
|
|
|
