今日又要返學~朝早7點幾就醒左~跟住擦牙返學~呢個時候家明打黎話係油塘等我同我一齊返~我求其整下頭髮跟住出門(求其都整左幾個字-.-)結果返到ive遲左半個鐘~~

今年ive教既野深左好多>.<

聽左個幾鐘都唔係好明佢講緊咩-.-跟住呀sir比左d功課我地做~我一睇發覺無一條識做>.<"結果最後都係copy人地果份

今日去中大睇地盤果陣唔小心[扇]腳中左落張電鋸枱果到張枱上咁岩有兩枝鐵係到,我差d比佢插到>.<

好彩我用雙手撐住~唔係既話可能無機會寫呢篇日記>.<不過最後都係擦傷左右手同左腳而且左右手都比d鐵枝撞到菸菸地

都唔知係好彩定係唔好彩-.-

最近我發現左一個奇怪既現象~唔知係咪心理作用~我覺得自己好似肥左>.<可能係因為呢個排食多左飯既關係

以前我不嬲都係食一碗飯既~最近改左食兩碗~而家都唔知節唔節食好-.-

哈哈~~估唔到我都會有呢d煩惱~比我d fd知道左一定會笑我杞人憂天

不過我真係feel到自己肥左喎~~咁點好>.<"

今晚公司食團年飯~~食之前同d同事玩左一陣廿一點~~結果贏左百幾蚊^^不過世華同傑仔就無咁好彩~~一個輸百幾一個輸左五百幾,唉~~都叫佢地唔好玩咁大架啦~~又唔聽我講-.-

食飯果陣平哥突然講左句:明仔~睇黎成間公司淨你得你襯到呀mandy喎~~

我一時間都唔知講咩好~~唯有將個波推左比其他人:邊個話架~呢到有好多人都係22歲,大把人襯到佢啦~

平哥跟住話:我唔係話年幾呀~你睇下呢到除左你之外仲有邊個夠高襯到佢呀~~

我即刻o晒嘴.....然後偷偷地望下隔離枱,見到mandy無咩反應,希望佢真係聽唔到啦~~唔係有d咩誤會就唔係幾好>.<

食食下飯d高層又係到賭錢~~我見無聊行過去睇下~~點知淨係見到三種紙幣係枱面------一百,五百同一千蚊~~

我心入面諗使唔使玩到咁大呀~~期間李生都加入戰團~不過唔夠十分鐘就輸左一千蚊~恐怖>.<

我都無眼睇~~跟住返屋企涼埋涼上左陣網~同車車傾左幾句就訓左囉~~

今日同家明去左旺角做果件唔急但係好重要既野,點知去到先發覺d埔頭無開門,激死我>.<於是我地走左去睇數碼相機~睇完之後發覺原來旺角d野貴過灣仔好多~~係灣仔只係賣二千一百幾既相機係旺角竟然要二千六百幾>.<結果當然係無交易-.-之後同家明去左美心MX食野~~本來我已經好飽,不過家明話肚餓,無辦法啦~~陪下佢食~食完我地去左新世界廣場買衫,去到先施果陣家明睇中左件POLO既褸~果件褸真係幾靚~~可以一分為二,一件冬天著,一件夏天著,合埋一件又可以變到勁暖~原價千幾蚊~而家只係賣$499,不過家明都係覺得貴,所以無買到,但係行左幾圈之後家明都係忍唔住走返去買,於是我地叫個sales拎件新既比我地,點知呢件已經係最後一件,呢個時候家明細細聲同我講:機會黎~俊明,快d挑剔下佢件衫~我即刻會過意黎跟住話:件衫甩左好多線頭喎,可唔可以平d呀~個sales話:無得平~我繼續講:件衫擺左係到咁耐都唔知比幾多人試過,不如平d啦~~個sales都係果句:無得平~跟住家明話:一係咁啦~你拎過件新既出黎,我即刻買,唔講價~sales:本來仲有一件架~不過頭先岩岩比個鬼佬買左,而家無晒啦~家明又睇準機會細細聲係個sales耳邊話:大家都係中國人,不如你八折買比我,唔好咁張揚啦~八折我相信你做到既~~個sales話個口繼續話唔平比我地但係又張件衫裝落袋到,最後真係八折賣比我地~咁都比我地講價成功^^比完錢之後,原來可以用張單去換兩粒珍珠返黎~家明比左粒我,本來可以係果到叫人鑲埋佢,變成一條頸鏈,不過我又無女朋友鑲黎都無用,最後就咁帶左粒珍珠返屋企~

哈哈~~原來先施都有得講價~~我真係而家先知~~

今朝返學果陣竟然係地鐵撞到以前教我英文個呀sir------科士打果陣地鐵勁多人,佢就企係我隔離我都唔知同唔同佢打招乎好....諗左一陣多一事不如少一事,都係決定側側搏唔多覺...扮唔識佢點知搭左幾個站之後佢突然間望住我我果陣勁緊張,心入面諗住:唔會呱~~我地咁耐無見...佢唔會認得我呱....冷靜..冷靜...其實我估佢已經認得我係邊個...不過我當時都唔知點算好,無理由果陣先突然間同佢講:呀sir~~咁早既...返工呀~~哈哈~~而家諗起都仲有d心虛既感覺,畢竟佢以前對我都算唔錯,我咁都唔同佢打聲招乎似乎有d望恩負義

今日放學果陣係灣仔地鐵站見到有線寬頻係到擺當,於是行過去問下佢幾錢過月啦~佢話$129一個月,我問佢有無得再平,佢好堅決咁話無..仲話已經係全港最平,我聽完就話唔係好岩我,於是想走,點知我一走,佢即係話只實可以平$50既(又話無得再平-.-)呢50$其實係我私人拎出黎既,不過第二個月開始要比返正價,我問佢可唔可以再平d,佢話:我連自己果$50都拎埋出黎,真係無得再平架啦~~我都係嫌貴左少少,而且有線d速度又唔係快,所以無理佢繼續走,點知佢見我走又話:第一個月唔收你錢啦~免費比你上(成日話無得平,我一走又話可以再平,咁夠竟幾時先係最平我又係果句-----仲有無得再平,佢都係果句------已經係最平我勁枇比呢個佢----->我話考慮下啦~~於是走左

返到藍田我又見到有線同香港寬頻係到擺當,於是想行去香港寬頻到問下價,點知佢咁岩有客,咁我唯有等下佢啦~點知個客好似雞啄唔斷咁=.=我無無聊聊又行去有線到問下啦~~果個人照舊又係果句---->$129已經係全港最平,無可能再平,於是我同佢講返係灣仔件事,問佢可唔可以好似果個人一樣送一個月比我,佢話唔可以,因為咁樣做係犯法既....我跟住話呢d野你情我願既姐,無話犯唔犯法既~~跟住我地又傾左幾句,期間我講左話係因為同老豆鬧返左所以先要再申請多個寬頻黎上網,佢聽完唔知係咪可憐我,竟然送多個家居電話號碼比我,話可以任打唔使比月費,仲有100分鐘IDD免費任打再送一個月月費我聽到O晒嘴....最後當然係裝左啦^^

其實我都唔知係咪比佢氹左入局...不過佢送咁多野我真係覺得幾底~~我將另一個電話裝左係房入面,而家打電話方便左好多^^