岩岩同老豆鬧翻左佢話要cut左我條線唔比我上網

哼~~好叻咩~~等我自己申請上網~唔使靠佢,不過搵邊間好呢...唉~攪得都要幾日時間

咁我呢幾日豈不是上唔到網>.<好慘呀~~點算好~~上唔到網呢幾日點過....太殘忍啦佢...

激死我>.<

死亡筆記-> 生死簿

夜神月 -> 夜光俠(照耀黑暗世界的俠士)

秋野沙織 -> 趙靈兒(眾多古裝悲劇的女主角)

流克 -> 黑無常

雷姆 -> 白無常

Ｌ -> 亥(Ａ子Ｂ丑Ｃ寅Ｄ戊Ｅ辰Ｆ巳Ｇ午Ｈ未Ｉ申Ｊ酉Ｋ戌Ｌ亥)

彌海砂 -> 小甜甜

高田清美 -> 花木蘭

o晒嘴......

今日食lunch果陣聽d同事講呀豪返大陸比公安拉左,我即刻問點解啦~原來係因為佢去左嫖妓比人人贓並獲我聽完笑到收唔到聲唔怪得呢個星期都唔見佢返工啦,我仲以為佢遲左職唔做,原來係.....哈哈哈~~笑死我....聽講係大陸嫖妓比人拉到要剃光個頭以示重新做人,哈哈~~到呀豪返黎果日一定要笑到佢無地自容至得,睇下佢下次仲敢唔敢

話咁快又就黎新年啦~~財哥話佢新年會放成十日假,叫我都放返幾日,我都唔知放唔放好,放左都未必搵到人陪我去玩,覺得好似晒左d假咁-.-都係搵家明佢地傾下先決定放唔放啦~

好想搵人陪我過年呀~~

今朝起身周身骨痛可能係琴日嘉年華玩得太顛既後遺症~朝早9點幾果陣有個唔知咩人打電話比我,我聽果陣佢又唔出聲,又無來電顯示,無啦啦比佢嘈醒左,可惡~之後訓極都訓唔返,係張床偏下偏下偏到10點幾,跟住玩左陣玩電腦,然後家姐話帶我同細妹落街食飯,佢話落去先叫我地跟住落去搵佢,點知落到去我先知佢去左間食辣野既埔頭等我地,我都唔知由幾時開始起對辣既食物有d抗拒,所以唔係好想係果到食,家姐見我唔係好想食話走去第二間食,我見人地已經擺晒杯同刀叉係到,而家先走好似唔係幾好,唉~~一餐半餐都係算啦,於是我地叫左最唔辣果d餸黎食,其實間野d野都算唔錯....不過就係唔係好岩我食囉-.-

食完野同呀妹去街市配鎖匙,琴日去完嘉年華跌左鎖匙而家要配返,又晒左我35蚊>.<

跟住諗住去觀塘染髮,果度染髮勁底,染一次只係收60蚊,我上次染完覺得幾ok,跟住勁後悔以前去左d咁貴既地方到染>.<

點知去到間野先知有勁多人排緊隊染髮~我問佢地幾點先會有位,佢話要到5點先得=.=於是我登記完之後去左行街,但係仲有幾個鐘咁多...一個人點過好呢係喎~最近出果套[人獸戰]好似上左喎...約人去睇先~~點知打左比幾fd個個都話唔得閒,咁點算

無辦法~~唯有返屋企,遲d再出過黎,哈哈~打完呢篇日記都差唔多時間啦~~再去睇下先...

今日同ｄ ｆｄ去左嘉年華~唔知係我身體弱左定係d遊戲太激~我竟然玩左幾個就覺得頭暈

仲記得上年萬聖節去海洋公園果陣我玩晒d遊戲都未覺頭暈,但係而家....唉~真係菸死

不過最後都玩晒d遊戲除左低B果d之外不過最激都係果個成個摩天輪咁高,係咁轉果個遊戲,唔記得左叫咩名

本來第一次玩都無咩野,但係臨走再玩果陣唔知點解好鬼驚當佢轉我上上面等人果陣我突然間好後悔上左去玩,望住下面果陣心入面諗住:死啦....死啦....好驚呀...點解仲未開始架....快d開始啦...我要落返去呀.....

我自己都覺得自己好菸好彩無咩人知我果陣咁驚,唔係實笑到我要搵隆捐

果度d跳樓機都好刺激,衝落黎果陣快過海洋公園果個好多,個人完全離晒坐位,好鬼正>.<

去完嘉年華~夜晚去左同以前間公司d人食飯,因為食既都係公數,而今次又可能係最後一次食飯,所以d人食得勁豪,淨係龍蝦都食左5隻,咩煮法都食雲晒勁好味~~跟住象拔蚌叫左3隻,鮑魚魚翅都叫左兩轉....我淨係可以用~正~黎形容埋單果陣我見到呀東擺左勁多張一千蚊落去,我諗最少有7~8張~不過最後一次食飯,豪d都無所謂啦~因為可能大家可能無咩機會見啦~~

自從轉左公司之後我先真正體會到出面既打工環境,以前係宏利做無咩工作壓力,d人又好好,好肯教人野,但係而家轉左公司,做錯少少野就會比人xyz你,而且福利又唔係好唯一好處係多野學,如果淨係以學野黎計,我相信呢間公司已經係數一數二,好多人都話我呢間公司工程界入面既少林寺,捱得過既話將來應該唔會差得去邊,但係我夠竟捱唔捱到我都好懷疑