今日係情人節,祝大家有個開心既情人節啦!

今朝好早就起左身,有幾聲咳,

早餐就食粥,之後就係屋企發夢....夢....

下午,悶得制,我覺得情人節應該要出街,

想約人,不過佢地街人有約,

咁唯有自己行啦!!

諗住去樂富行街街,點知呀詩打比我,

跟著咪約埋佢一齊行,

我地去左樂富吉之島行,

呀詩話要去買鞋,

跟著我地就行左去九龍城,

行到5點幾先返。

今日都唔錯,幾開心!!^^

今日係新春匯演,

有好多表演睇,

例如:現代舞,話劇,鋼琴獨奏,唱歌,長笛獨奏,銅管樂等等.....

首先,有現代舞表演,佢地首歌係『Don't Push Me』

幾好,唔錯。睇完d咁刺激既表演,就睇返d柔和既表演,

就係鋼琴獨奏,都幾好聽!!

聽完咁多樣表演之後,就有30分鐘小息,

30分鐘後........

就到第2場表演,

上半場係學生表演,

當然下半場就輪到d老師表演,

首先有施老師,Miss Wan,陳sir,莊老師,Miss Lee,

佢地表演『Lemon tree』

佢地又跳又唱,勁「得意」牙^^,

陳sir搞到自己好型,笑死我啦!!

之後就到廖老師同賴老師為我地演唱一曲,,,,

完左唱歌之後,就有個財神入黎,

一入黎就派糖,跟著同d老師玩遊戲,

仲有2個阿sir寫揮春!!!

到11:45就完左成個活動,

跟著到校長同我地講下野,

因為校長今日有個典禮要去,

所以睇唔到d表演,

佢同我地講,佢一返黎就有幾個老師同佢講

話冇睇到d老師載歌載舞,好可惜!!

跟著,我地就叫佢地再唱,

佢地再唱多次^^

好似開演唱會咁,好開心牙!!

成個活動完左之後,

我就同小鄺去食Lunch,

跟著就要去佢屋K做普通話既閱讀報告,

做到3點先走。

仲有,我今日收到9-10粒既朱古力,

多謝你地牙!!

聽日就係情人節,我係到就大家有個開心既情人節啦!!

今日上IS堂,

做實驗,要用火柴點著個本生燈,

跟著有d人玩火柴同玩水,

激到呀sir死下死下.....

放學比佢留堂,留左一陣,

我就可以走...走LA....

跟著玩火同玩水個d人,

呀sir話要扣佢地2分操行分,

陰公!!我地要等K倫練法國號,

等到5點幾,其間發生左好多野,

男班長話要辭職,唔做班長wor。

5點幾就走啦,但我心情唔多好,

係架車到一句聲都冇出過。

直到返到屋企都冇咩點講過野,

返到屋企彈左陣琴,心情好返左d。

跟著就做功課,

勁多功課,有中文既短文啦,課後練習啦等...

聽日仲要中文默書,英文又要背默10句格言。

死啦,咁難,點溫!!!