今日習會見到潘耀強拎埋d卷落黎,笑死.......
個個老師講完一大篇廢話就準備上課室,點知秋雲姐係我地面前派利是俾溫XX,個個o晒......
之後派數學卷,未派卷之前同陶陶揀左d黑馬,
我本來真係對數學卷好有信心,因為我係靠數學黎拉分...點知得個69/100
我覺得今次係太囂張啦...我唔應該咁有信心........連蘇XX都有74分,我已經冇野好講啦......
睇番d卷,雖然有d係大意,但係我覺得自己真係抵死囉......衰得抵
最高分個幾個大多數都貼中...最高清哥92,之後奶豐&朱哥91.5,呢三個高分係正常啦......
我為了要改進自己,好努力咁抄番錯個d題目,睇下自己錯咩....下次唔可以再錯啦!!!!!
M.C卷,平時我冇咩合格既MC卷,有16/30,對我黎講已經算唔錯嫁啦...但係面對住清哥既27/30,好自卑........
兩堂數學堂係咁傾計....個蘇XX成日問我係咪想喊,我話唔係,
跟住佢又話我之內心肯定好唔開心,
我明明笑左兩堂,成日話我唔開心,叫我喊出黎,問左我兩堂,煩死
之後世史,完全係意料之外囉.....有68/100喎....完全冇諗過咁高囉!!!(我覺得好高嫁啦...)
小息叫左佢地落黎開會傾番bbq條數,傾傾下又唔傾......
仲有5分鐘到,即刻上去搵邦仔,邦仔好似食左彈藥咁,我一上到去已經鬧到我狗血淋頭,
冇啦啦話中史一定打殘我,我都冇話我中史勁,o晒......
之後原來B班數學最高96分,輝爺都有94,好明顯係老師問題啦......邦仔就唔好提啦...雖然都係高過我
之後化學,果然不出我所料,51/65,雖然咁樣睇好似好勁咁,
但係勁多人6字頭囉.....計番100分滿分,6字頭個d已經變左做9字頭,
我變番都係得78分......又拉遠左啦.......
對左一堂就對完卷......之後教書,全班好似勁靜...我連本書都俾左蘇國昌,佢幫我間重點,
我係到冥想.......
之後lunch.....
番到黎又計番bbq條數,好快咁計完,勁!!!!!!忽然地多左咁多錢.......
之後普通話,本來我貼左吳淳璋,方寶儀,倩兒,超人,奶豐(因為佢用英文拼音拼中左)
點知吳淳璋得7字頭....我以為佢有9字頭tim.....最高分好似係李海兒83.5,
之後方寶儀83,再之後係超人81,咬得好緊呀!!!!
我都離奇地高喎....有72分,都唔明錯呀!!!!
之後講埋oral分,38分,唔錯喎........
之後中史堂,d卷亂晒,我第二個拎卷.....我仲以為係中史卷,好開心咁以為合格,
點知原來係中文卷....... 睇番全班,原來又有人6字頭,我差d唔合格呀!!!-66666666
之後派埋中作,我仲以為我後面個篇作錯左晒,點知計晒成份卷有60.2,
後面個篇三十分滿分,我都拎到21分,奇蹟呀!!!!!!!!!!中史派唔切...慘..........
之後VA堂,上得一堂就要落禮堂綵排,好無奈囉.....
個秋雲姐係CRAZY嫁!!!!!要上台拎獎個d躹躬要90度,10個人有8個都要俾佢話
第一次唱國歌個陣,我又係到笑啦!!!!我成首歌係完全冇唱到囉....係笑到震呀!!!
我笑到仲要傳染左俾方寶儀 ,我地係到俾人點黎點去......
最遲走係我地choir,6點呀!!!之後仲要上music room繼續唱.....
Miss馬話聽日唱冇得著冷衫,好核突呀!!!!!!!!!!完全唔理我地感受囉......
最後6點半先放學...................................................
嘩....今日打左好多呀!!!
|
