今日6點起身溫書,點知有隻四腳蛇係廳到陪我溫書,

佢一見到我就即刻躲埋左,勁搞笑...

之後一返到學校,係咁搵人借計數機俾倩兒,

（因為我都唔想有人步我舊年的後塵）

問到蘇國昌,諗住問下佢阿哥有冇,點知佢阿哥竟然書包都唔帶,(唔好話計數機)

然後佢就轉介左朱哥俾我,佢話朱哥好似有兩部

之後就去搵朱哥,點知佢真係有兩部

佢就借左俾我啦....

之後就要入禮堂考數學lu,份卷唔係好難,

而且我諗數學係我第一份check完卷仲有時間淨

之後小息溫世史,

溫左一陣又要入禮堂lu,

真係有冇搞錯呀!!得個半個鐘時間點做得晒呀!!

我有一題8分冇做呀!!我個手已經冇停過,咁都做唔切

Miss馬洗唔洗咁呀...份卷出得唔係好難,但係都要俾多d時間我地呀!

之後我地個個隻手都濕晒,但我覺得最搞笑嘅係秦庭豐,

佢做到連個鼻都濕晒,之後我同佢講番,

佢都話佢做做下覺得個鼻濕濕地......

之後就上左去搵Miss Lau,

今次一如以往,又係秦庭豐最高分,冇d新意,

不過好彩有人陪佢,就係Peggy

我就得65分,我諗都算唔錯嫁啦,

高過個八婆就得啦!!

不過好驚聽日派卷呀!!尤其係生物,因為我真係唔係好識

神啊!!求你保佑我

琴日10點幾就彈左起身,之後再係我阿媽張床到碌,碌下其間,

阿媽話我阿爸話俾100蚊我去入八達通

但有條件,就係要幫佢晾衫,

係逼於無奈下,終於幫佢做左...

之後阿媽又話二家姐將d錢入左落信封到俾我,

搞到今日收穫好豐富

下午兩點幾到,表姐同佢個女黎左玩,

表姐就同我阿媽係咁傾,我地就係咁玩...

傾到三點到,佢地話去食下午茶,

之後就去左pizza huts,

食到好想嘔呀

之後入埋八達通就去搵蔡蔡

蔡蔡剪左頭髮,差d認唔到佢

 我地去搭72x,搭左1個鐘到,終於到左奧運站lu,

可能食完pizza嘅關係,搭到勁想嘔

之後再轉港鐵去迪士尼,點知搭迪士尼線個陣鬼死咁多人,想影都冇得影

所以我地冇落車,來回左兩次

我地行到邊,影到邊,迪士尼好鬼死靚呀!!(遲d再post番d相出黎)

入到去就搵倩兒lu...搵到之後就去玩馳車天地,我個架車都唔知咩事,

左fing右fing,撞黎撞去,佢地架車都冇事

玩完之後就排隊玩鬼屋lu...

排隊排左成個幾鐘先有得玩,

對於第一次去holloween的我,d鬼屋都算恐怖,

但d鬼嚇完你之後唔會好似ocean park咁追住你,

玩完之後就去左小鎮大街行,買左份禮物俾倩兒,

之後就去左睇煙花,d煙花超靚,掛住睇所以都冇咩點影相

睇完之後去玩太空飛船,冇咩特別...

之後就去睇巡遊,好好睇...其間有個男人同我地單眼喎,

我咪整番個飛吻俾佢...佢又勁受喎,超正呀!!!

睇完之後就走lu...

行行下倩兒阿爸黎左,我地就跟住佢地行,

行行下發覺有d唔對路,就問倩兒"我地去邊呀?"

原來佢阿爸車我地返去,半個鐘到就返到大埔,

之後又請我地食野,好好人呀!!!

最後就車我同蔡蔡返屋企lu     (個blog好似好長咁)