今日一早就起左身,然後返學睇下讀咩班

之後返學見到倩兒佢地,跟住倩兒同我講話我同佢一班,

睇完之後好開心呀!!!入到A班,

但係蔡蔡就入左B班,好唔捨得呀!!點解會咁嫁

睇完之後就去課室,

一入到課室就見到Leo,傑哥同秦庭豐佢地坐埋一齊，

之後等左好耐個班主任先黎,

佢一係門口,我地成班就係咁笑,

因為佢實左太似郭渭文啦!!!     (成個戇豆先生咁）

跟住唔記得佢講咩廢話之後就要去操場集隊,

行緊落樓個陣見到3B嘅班主任竟然係MR.BEAR   GOOD LUCK FOR MY 3B FRIENDS!!

之後落到2樓,見到李sir呀!!!好唔捨得佢呀!

入到禮堂之後唔記得做咩,淨係記得要唱國歌同校歌個d囉...

上番課室之後就派個d簿,回條個d

再講埋d上堂時間表,11點都未到,

之後阿sir就話放學啦,

我地都覺得好怪,鐘都未打就話放學,

我地成班行緊樓梯,聽到話「邊個俾你地放學嫁」

跟住我地又要爬返上去

我地叫佢講邊個老師教我地,我地就係咁估,

之後終於可以放學lu...

Miss莊係門口等方寶儀,原來係叫方寶儀係孔子生日個日陪佢上台唱歌,(唱S.H.E喎)

點知又比陳嘉昕聽到,佢又話要幫合唱團唱歌,

跟住又話陪Miss莊一齊唱歌.......

不過點都好,帶定耳塞去做好預防措施好d

之後去到樓下,見到西瓜好唔開心咁,

原來佢入左D班呀!!個到d人佢都唔識,真係好慘呀!!唔好唔開心啦...

今朝11點到家姐無端端打電腦話黎,折醒左我

佢問我話要買邊本低能書,話送俾我,+

我咪講叫《我們的低能婚禮》,

好野!!!唔洗俾錢買,好在之前我冇買到,

之後家姐番左黎,俾左本書俾我之後,

又話要走喎...

佢話要去機場睇「地心探險記」

真係搞笑,睇戲睇到去機埸,去九龍都有3D睇啦

不過佢話機場個度有水噴,佢鍾意啦,都唔關我事

之後同阿爸阿媽佢地食野,食完之後俾阿媽拖左去買鞋,

買鞋又唔講聲先,搞到要著住拖鞋去買鞋

去到大埔超級城,點知見到安得尊

不過都冇咩理佢,行晒成個商場,

最後都係去番Converse買,

我同細妹一人一對,之後話爭幾十蚊可以送野，

跟住我阿媽求其塞左對襪落去

不過點知係送一個嘔心的水樽...

之後就向屋企的路進發,

行行下阿爸話要買西瓜,

點知買完要我抽個西瓜,

之後就死死下咁抽返屋企lu......

暑假@2008,我好唔捨得你呀!!!

仲有鄒智恆呀,不過我諗我都見唔到佢嫁lu,

除非佢係英國聽唔明d英文,要返黎讀......　　(好似咒緊佢添）

暑假,我地明年再見啦!!!