本來諗住今日5點起身溫書,

點知訓到7點先彈起身.

上到課室就立刻溫電腦,

文裕恆見到我冇電腦書就借俾我睇,

不過我睇左一陣就俾番佢,

因為我係完全睇唔明本書。

打左鐘之後,徐美無端端俾左本logo書我,

原來super之前攞左我本書去睇,之後佢以為係徐美,所以就俾左徐美

不過算啦...因為都已經開始考試lu...

其實份卷唔係好難,有溫過啲一定識,

但係我冇溫過書,所以我係唔識,

考左之後我立刻去問陶陶啲問題撞得啱唔啱,

點知問問下個死河童又黎踩場,

佢搶走我個陶陶都算啦...

但係佢劃花晒我個份電腦試題,仲要搶走我個份試題,

我就真係火都黎呀!!!

我冇鬧到佢,我只係搶番份電腦試題就番埋位溫書,

點知呢個死河童好似唔識死咁

禁住我張枱係到玩體操、搵野黎「put」我個頭仲有無啦啦笑我

我真係火山爆發,要爆炸啦!!!

我係咁鬧佢,點知佢係一個覺得自己唔會做錯啲人,

之後仲要俾佢鬧到痴線...

俾佢鬧完之後就開始考中文作文,

我揀左第二個題目--我們這一家

寫左半個鐘就差唔多寫完lu

之後就寫通告&籃球比賽

寫完仲有啲時間剩...等一陣就收卷lu

點知徐美仲未作完篇文

放學個陣落大,

雖然我住好近,但係都做左落湯雞...

尋晚溫書溫到4點半,今日又6點半起身,

訓得個兩個鐘,所以唯有飲奶茶吊命...

返到學校,去4樓,點知全層樓啲課室都冇開門,

搞到全部人係晒走廊溫書

好遲先有課室入,點知入到去部冷氣又唔郁,

溫左一陣之後陳翠微黎監堂,佢成個阿婆咁,勁多野講,

又話呢個場係佢睇嘅,佢話晒事,曾蔭權都冇面俾...

煩死!!!

份卷有啲唔識,尤其係第１１課個啲，唔係好明。

之後小息係咁煩住陶陶問英文，有啲唔係咁好意思潻．．．

小息完左之後有個不知名老師監堂，

經過上一次考試啲教訓，我一開始先做後面個啲，

但係open cloze,tenses和M.C cloze完全唔識,

今次英文都係9成唔合格嫁啦,所以唯有靠其他科拉番啲分嫁啦...

明日考電腦&中文作文,

但係我本電腦書&Logo都唔見左,

都唔知溫咩好呀!!!