今日係咁打喊路...勁眼訓

但一到科學堂就勁生猛，

因為有得劏牛眼

我真係覺得劏牛眼好好玩，

一開始摸個舊野覺得好涼浸浸

之後我地就開始剪個啲肌肉

我地剪左勁耐先剪晒啲肌肉,個啲肌肉剪完出黎好黏立立,勁好玩呀!!!

之後就剪個啲X膜,全部都係我個仔剪,好彩冇爆汁...

剪完個啲膜之後就攞個舊啫喱出黎,我地個組整得勁成功,好靚呀!!!

欣賞完之後就開始汁野lu

我本來諗住抺啲墨去我個仔嘅手套到嫁,

點知佢郁一郁，啲墨全部抺晒去佢隻手到

佢話啲墨好黏立立,不過我真係唔想抺落佢個度嫁......

THE END

已經有成個星期冇打blog lu...

中文堂,做小組討論

一個就係講學生應否穿著校服返學,

一個就係講在公眾場所吸煙是否侵犯人權

同徐美佢地討論完後Miss莊又要抽人lu

一向黑仔啲我當然唔會冇我份啦

我被抽中左做第二個題目,不幸地更要同陳八婆一組

一開頭我都同張X熙講呢個題目根本冇得講

之後個八婆就開始講先

但係我一直都冇聽到佢講咩

直至佢講到新加坡都唔俾人食香口膠

我立刻如夢初醒，但又諗唔到點駁佢

最終都係放過佢啦!!!

點知Miss莊竟然陰我地,佢話呢個題目根本冇得講,

不過出到去冇可能唔講野

英文堂,

Dictation,我諗我同倩兒都係100分啦

之後再問王少禮個陳八婆幾多分

個八婆竟然錯一個喎

終於贏左佢啦!!!

到左lunch,

發覺原來我同我老公傑哥個把傘一模一樣

之後玩玩下個陣要落去搵Miss Ma

佢問星期日去唔去ATV個到唱歌,

開頭我真係唔想去,但係佢一話有積點

就有啲心郁郁

之後都係揀左去，不過仲未話俾阿媽知

之後上完一堂I.H堂後就去hall到聽講座

都唔算悶...起碼有歌聽

之後聽埋梁秋雲講廢話後就返屋企lu...