今日到左英文堂,

Miss Chui 話要搵人參加家際問答比賽,

以我咁差嘅成績仲以為肯定冇我份...

點知佢竟然叫左清哥、我、金金＆Leo去參加,

我立刻o晒嘴...

真係唔明點解會叫我,

成績好過我嘅人有咁多,

偏偏就叫我...

算啦...已經係事實,我會將悲憤化為力量，

因為我係唔可以俾曾子家輸嫁！！！

到左lunch,

原來係學校訂飯啲人冇飯食,

聽Leo講好似係飯商炒車,

但又唔知點解過左一陣又有飯食...

lunch之後因為課外活動日所以唔洗上堂

但我寧願上番堂算啦...

今日個天熱到個個濕晒,

之後仲要遲放學,

不過都ok開心啦~~

放學之後去左禮堂睇張敬雯唱歌,

點知等左勁耐都未到佢,

原來佢冇參加到,

跟住王詠琦去左prefect room搵佢出黎,

最後佢都係參加左,

不過佢要清唱...好唔好聽就見仁見智啦!!!

之後方寶儀又參加左,

我諗點都好聽過佢啦...之後就番屋企lu

尋晚車個家政功課車到凌晨1點幾,

搞到今日勁眼訓...

今日派左考試時間表,

點知我生日個日竟然要返去對卷!!!

之後就開始連續五堂Miss莊啲旅途啦...

我地去左新翼個MMLC度,一路考普通話口試，

一路睇花師奶電影版．．．

我仲以為好早就考我，

點知都幾後先到我考，

啲字都ok易啦!!合格應該唔成問題嘅...

之後啱啱打鐘就考完lu

隔左個小息之後，

就係中文堂啦，

我係咁打喊路，無停過，勁眼訓呀!!!

到左lunch,

我一返到屋企就立刻再車過個家政                    (因為太樣衰,所以再車過)

我車到好想喊，實在太失敗啦！！！

亂咁車完之後就返學校lu

到左英文堂,有人冇帶log book,

要成班起身睇下邊個冇帶,

點知竟然冇叫我個名,

但係我係明明交左,

之後無端端又搵番我本簿,

不過我身家清白,我都知我唔會有事嫁啦...

對完書之後就落堂lu

到左家政堂,

Miss蘇講講下野個陣竟然停電喎,

奇怪之處就係冇電，但係冷氣就冇事喎　　　　（勁好彩呀!!!)

之後摸黑整完個暫縫就係到呆坐，坐到放學．．．

返到課室之後先知道原來D.T室都停電喎

但係佢地就冇冷氣嘆,

佢地只得阿sir個部電腦冇事,

相比起之下我地真係好好多呀!!!