今日全日都係勁眼訓,不過到左科學堂就變得勁生掹

我同super,燕燕and muscle搞左一個勁複雜的人際關係網

首先就係

我係muscle啲老母

Super係muscle嘅女女(即係我個孫)

燕燕係muscle嘅老婆(即係我家嫂)

傑哥係我老公

因為太複雜嘅關係,所以唔記得左

不過我相信係不久嘅將來我會有更多家屬

之後講完呢個話題後,我地就講買牛眼嘅工作交俾邊個啦

我地係度猜包剪揼，邊個猜贏就抽先

首先係muscle抽先,之後到super,佢地都冇中招

之後就到鄒ＸＸ，佢一抽完之後已經覺得好唔妥

話實係佢抽中，點知真係中左

跟住笑笑下又落堂lu...

現在我俾你地睇下之前黎我屋企嘅bb啦....得意嗎?

{注意:採用高清拍攝}

今日專登早啲返到學校,準備轉位

點知super好遲先返到黎,所以等左好耐

科學堂,鄭sir又黎睇堂...

張sir今日主要係教眼睛的構造

但佢教教下又講番上次討論的題目——一「褐」的讀音

張sir開頭話係讀個「喝」音

但我地話唔信,之後佢就立刻上網查

最終我地都係拗輸左...

到左I.H堂

係度玩問答比賽

都唔知阿sir係咪盲左

次次到搶答題永遠都係冇我地個組份

所以最後都只係都7分...

Lunch,very busy

我一返到屋企,就立刻查字典(英文書)

查左幾個之後就立刻走去家政行買拉鍊

我行到背脊濕晒又胃痛

結果用左２０分鐘來回學校－大埔中心

返到學校，就立刻查返字典

查完字典又做返家政

好彩可以開冷氣,唔係實成身濕晒

到英文堂,終於可以休息下

Miss Chui竟然冇返呀!!!

跟住我就去左倩兒到坐

之後傾傾下又落堂lu...

到家政堂

我一直係度唔想俾塊布Miss So睇,

不過最後都比左佢睇

不過佢竟然冇鬧

最後都平安度過...