電腦堂終於有得開電腦啦

今次係我地下半班啲第３次開電腦

真係要好好珍惜

到左體育堂又係玩棒球

終於有得打啦

點知我地都係輸左...

英文堂作文

數學堂同科學堂冇野講

原來今日唔駛返合唱團

跟住就番屋企

到５點，我就去倩兒同蔡蔡個間補習社測試左先

佢俾左幾份野我揀

我揀左最簡單個份

點知都係得３６/60

跟住叫我阿媽黎傾下

傾左好耐...

上星期五冇得番,所以明日就要番啦!!!

好緊張啊!!!

今日一行到學校門口,就俾Miss Ma捉住話要夾頭

跟住我話唔記得帶夾，之後佢竟然叫我門口等到有人肯借夾先得

跟住我等左勁耐，文婉先至有個夾借俾我。

到左普通話堂，要抽學號做明日的介紹香港旅遊勝地

點知一抽就抽中我。

中文堂，梁秋雲同姚ＸＸ睇堂

搞到葉ＸＸ同王ＸＸ都變得勁靜

然後就做一字不漏，點知又係抽中我

其實咁樣都冇問題

但之後又抽人講「想和做」啲中心論點，我係完全冇做過

點知又係抽中我！！！不過好彩倩兒提我...

點解今日會黑仔成咁嫁

溫馨提示：

如果你地今日想買六合彩啲話

記住買34號啊!!

包保你地中啊!!!