好耐冇打blog lu...

今日唔洗早會,上課室早讀,

我就攝左張紙係本書到溫中文,

之後就中文堂lu,

默書,雖然有人頭但係豬腦的我當然唔係好識啦...

默完書之後就睇報紙,

好鬼死悶,睇報紙睇左兩堂,

最重要的係冇娛樂版睇呀!!!

之後又到沈悶的物理堂,上去做實驗,

做做下又一堂lu......

小息係到抄番上一堂英增嘅野,

之後英增堂,講咩唔知咩presentation

數學堂,小測,

有d唔係好識做,只望合格...

lunch後去到課室門口等校工開門的時候,

無端端上演左一場勁震撼的live show,

係一個老師大鬧F.1學生,個時全層都O晒,

係到睇老師鬧,學生笑......

之後就去左搵陶陶細佬,

佢細佬真係好得意呀!!!

不過我搵佢係有目的,就係叫佢聽日攞d公文俾我抄,

佢就真係好順攤咁話好,搞到我好鬼死鍾意佢呀!!!

之後英文堂,小測

佢又冇教過grammar book就話小測,所以都係亂做,

之後佢行過黎,我就忍唔住問佢"你幾時先會教grammar book嫁?"

跟住個陳嘉昕又搭嘴,

搞到個miss係到同佢講話幾時教,

我問miss嘅問題佢只係同陳嘉昕講,冇同我講,

超黑人憎呀!!!

音樂堂,做分組,抽唔中我地,好彩...

放學,我留低係課室到玩,

得leo佢地做壁報,我地又係到hea,

老昌同王少禮超無聊,又用垃圾桶打羽毛球,

又玩擲水樽,又玩籃球,咩都玩餐飽.....

我同倩兒係到做公文....

做到5點到全班就撤退了

今日開頭集會的時候好鬼死熱,點知後來好鬼死大風,吹到個頭亂晒

尋日冇帶生物同Eng.R返屋企做,

諗住上到課室即刻做,點知個張sir一早坐左係課室,

成班o晒.....

生物堂,掛住做功課,冇聽到書,

點知做做下個陣話要即刻收,搞到有一題冇做,我咪即刻掟出去,

希望佢唔好鬧啦!

之後英增堂,冇做到功課,

個陳X昕自己做左就大大聲係到講答案,

我好肯定個份野有人教佢做,佢冇可能識嫁!!

之後仲要俾阿sir話:Keep your voice low,Lolita

之後經訓堂默書,唔知點呀......好驚呀,唔想輸俾佢呀!

電腦堂,冇咩野做,只係記得教左我地榴槤的英文,

叫Durian,然後徐美就叫Durian啦

英文堂,做listening,好鬼死悶,

地理,係咁答問題,好快就過左,

數學,我都費事聽佢講野,自己係到做數,

放左學,見到蘇國昌,我係到問佢:你憎唔憎陳嘉昕嫁?

佢係到話:少少啦

我好無奈,不過我相信佢地遲d會明嫁啦!!