尋日又係同蔡蔡一齊去運動場,

我地係下面等點名,冇上去,

點完名後就上去坐...

完左110米跨欄後,就係跑800啦...

我睇得勁肉緊,成日無端端係到尖叫

徐啟邦又拎多塊金牌...毫無驚喜

之後又到跑家際4x100,

又係徐啟邦個組第一名,超恐怖囉...洗唔洗跑咁快呀!!

到左11點幾,終於到班際啦

賽果一如早前所料,

都係B班的文X恆，晴晴，葉X賢&徐啟邦第一

好彩我地A班都有第二名,

不過對於B班咁強勁的對手,輸都輸得抵啦...

最估唔到就係點解蘇X昌可以跑得咁快,

我地成班睇到o晒嘴...

睇完班際就到家際幹事&老師跑4x100

阿SAM(沈志明)跑得超快...最後好似贏左

不過最勁都係香sir啦,跑幾步已經可以交棒,快到睇唔切

跑完之後就lunch,同倩兒,蔡蔡&方寶儀去糖x豆食,

我地隔離枱係文X恆,傑哥,奶豐&徐啟邦成班,好嘈囉...

食完同佢地一齊行返去,同miss Lau影相,

最後一日見佢,好唔捨得呀!!

我地成班本來影得好開心,點知影影下個八婆走黎攝位

你有冇搞錯呀!!我地都冇叫你影相,勁唔知醜囉!!

最後佢仲係到大聲話點解冇人叫佢黎影相呀!!

你知就好啦!!我地都冇叫你影相,你自己又要走埋黎

最後得佢同miss Lau狂影,我地成班同miss Lau影得兩張

之後睇友校跑步,有一間唔知咩中學快到傻左,

4x100可以48秒...全校睇到o晒

不過我地學校高form班際三男一女都有50秒喎,

都差唔多嫁啦......

睇完之後係閉幕禮,周蜜做嘉賓,正!!!                           (不過林丹黎會仲好囉...)

曾子家攞勁多獎,全場總冠軍&啦啦隊都係曾子,勁!!

晴晴攞女子乙組亞軍,佢細佬拎男子丙組亞軍,兩姊弟都咁勁!

拎左6面金牌的徐啟邦係男子乙組冠軍,(恭喜佢囉）

不過如果唔係鄒智恆去左英國,徐啟邦都有d危險囉...

放學見到周蜜,勁多人搵佢簽名影相,

不過我咁近距離見到佢已經心滿意足lu......

今日真係一定要打blog!!因為我有太多野講啦!!

不過我諗以後都唔可以打個八婆個全名出黎啦,

因為之前我係呢個blog到話秦庭豐飲奶大,佢尋日竟然話打佢個名出黎就見到我個blog啦,

所以都係叫佢八婆好d...

今日要早讀,我又係攞個本有中文字,教英文會話的書出黎睇,

跟住miss黃行過黎見到我本書,佢就叫我下次唔好帶本書出黎

之後就派最後一科--地理科的卷啦!!

係我個班度都算唔錯,42/60

最高分就係陶陶,50/60,勁呀!!!

我諗我的分數已經比我想像中好啦,滿意啦!!

但係一諗起中史同物理就慘啦...

呢兩科的分數已經足夠將我拉落谷底...

之後英文堂,已經唔係好記得做過d咩黎。

小息,要落去搵miss劉練英詩獨誦,

練練下就話要28號比賽,

有冇搞錯呀!你唔好再遲d先同我講,

我練得幾日,你就話要比賽,咁就死梗啦...

之後數學堂,教教下書又勾起我地物理的傷心事

潘sir話除左數學之外,最大興趣就係物理,

跟住個八婆又話"不如你教我地物理啦" "我覺得潘sir會教得好過張照光喎"

"你不如食埋張照光份糧啦"

擦得就擦,個個聽到都想嘔

lunch,同方寶儀,蔡蔡&陳倩兒一齊去左大快活

中文堂,作文

一係就寫最鍾意邊個同學,一係就寫最憎邊個同學,

難得有個途徑可以爆晒八婆d衰野俾張sir知,

我梗係寫最憎邊個同學啦

一寫佢d野出黎,d靈感"bang bang"聲咁出晒黎,

我比喻佢為"溏心風暴之家好月圓的莎姨”

我覺得好貼切囉．．．而且仲可以"牙"下d字數

而且最後我仲加左句"人在做,天在看"   (我都覺得自己作得好正)

所以呢...邊個話睇電視劇冇益嫁?!!