今日勁遲先起身,然後阿媽打黎叫我去阿嫲個到食飯
懶惰的我梗係睇埋龍咁威2003先上去啦,個到冇野可以做
我去到個陣已經差唔多4點,今次真係厲害啦...
個到搞到成個賭場咁.....總共開左三圍,
兩枱係打麻雀,另外個枱係賭睥牌同牌九......
d大人全部都係賭錢,d細既就要匿入房褒碟... (唔好睇我咁大份,我係個到被撥入細路行列）
係細路之中我應該係最大個個,我係完全同d真正既細路係唔合群囉...
去到個到仲以為佢地又睇彊屍戲 (我地全部由細睇鬼片睇到大,睇鬼會睇到笑個隻)
點知我去到已經播完
之後佢地全部落晒去玩,得番我同兩個好少見面既細路...
佢地兩個係到打NDS,我就自己睇有線(個陣做緊慳錢家族)
明明睇緊電視,點知佢地兩個走去播超人.......
我又冇得反抗,(佢地一喊又搞到我俾人鬧)
搞到我要訓覺......
好彩過左一陣阿媽就話要返屋企,咁就唔洗冇野做......
我臨走先記得我成日都未食過野....點知又俾人鬧話我做咩個到有野都唔食
個到人煙稠密,我點都唔會離開間房嫁啦...費是又俾人鬧啦......
之後番到屋企等埋家姐就搭的去大埔墟.
去到個到竟然見到阿婆豆腐花未關舖,跟住食完豆腐花先去新街市
上到去,鬼死咁多人囉.....好彩都有位坐.......
二家姐又俾人趨婚lu......睇佢個樣肯定有拖拍啦,但係都未介紹俾我識,不過你唔講我都知係邊個啦
跟住就拿拿臨咁食野,食到7點幾就走人
二家姐帶我地去冒險樂園玩......係咁掟彩虹,掟左幾百蚊,點知贏得個幾百票
玩到9點到就番歸睇獎門人lu......
|
