有d人簡直自私到極點，以為自己條命好矜貴，人哋條命就賤過地底泥！自己病緊，食飯都唔用公筷，仲要對住人咳，又唔掩口！噴咗d"嘢"落我衫袖度，我見到就想作嘔！我火速抹咗佢，阿媽鬧我唔大方，唔理人感受，應該凡事都要忍！喂！咳要掩口，呢d係常識同基本禮貌嚟，唔通咁快就忘記咗"沙士"帶比我哋嘅教訓？就算係親戚都係咁話！又唔係10冤9仇，佢何苦要咁對我？而家究竟係邊個唔理人感受先！？唔好本末倒置好喎！大家都係人，唔通剩係得佢一個至有感受？而我就冇嘅？我又唔係冇忍，只不過係火速抹咗佢之嘛！唔通明知有污糟嘢都要忍！？點解又講到好似係我唔啱咁嘅！？仲有樣嘢我好唔明，既然佢個手袋有咁多貴重嘢，點解要叫我幫佢看住個袋，而唔係叫佢個寶貝女看住嘅！？我噚日罕有地洗碗筷，佢個女竟然將個袋仔"揼"落我對筷子度！妖！咁我仲使食嘅！？佢呢家人認真老實不客氣呀！我呸！如果要我食得咁吞聲忍氣，呢d咁嘅家族團年飯以後都唔好預我！我唔稀罕！！！

(基本上，噚晚佢哋一家好似"交響樂"咁輪流咁咳！我已經嬲爆！下次見到佢哋嗰家人，我都一定會"運路走"，避之則吉！)