3月5日(下午)至3月7日(上午)最新近況：

(1) 哀——星期六下午放工回家，食過午飯後，就去永安shopping，諗住買sofina嘅primavista系列嘅柔亮持久粉餅，因為之前睇廣告時，睇漏咗眼，以為成套粉餅連粉盒只需$280，去到睇過先知唔係，仲要佢新出嗰個靚靚粉盒原來係not for sales，要買夠$400先有得送，我覺得好取巧，唯有含恨離去。之後落咗去地牢買心愛嘅WORKE活力素蘆薈健康膏，睇吓睇吓，又比個sales"說"到我買埋個對保濕有效嘅月見草油蘆薈面霜，不過都好開心滿足，因為呢隻牌子嘅products一向不錯，彌補咗我買唔到粉餅嘅遺憾！

 (2)喜—— 逛完街後，就行去永安後街嘅"綠寶餐室"同屋企人食飯， 我點咗過廚師推介嘅椒鹽九肚魚、明爐上嘅砂鍋雲吞雞、意式海鮮炒意粉，全部都好有水準，尤其係嗰碟椒鹽九肚魚不愧為名符其實嘅廚師推介，只需$38就有好大碟，而且味道調較適中，一個字——正！

 (3)怒—— 噚晚出咗糧，發現並未如某人所言："有人工加"，覺得好失望、好沮喪，而且好憤怒！覺得自己被人出賣咗！

 (4)樂—— 今朝食早餐時，飲咗支好好味嘅"安怡黑芝麻膠原蛋白荳奶"，超好飲啊！