卉澄琴日終於去完salon啦

真係好開心因為我脫離左火海啦

由2點坐到7點坐到pat pat都痛

冇人同我講野就更加悶

雜誌舊得黎仲要有隻曱甴

第一次真正覺得自己d頭髮好長

我一同個髮型師講要拉直佢就好驚訝咁同我講......

「又長又厚,要加錢wor」

超O咀....

陳封左係屋企兩日

自覺咁樣落去都唔係辦法

我超唔想成個暑假都係係屋企hea

所以決定由天日開始約人搵野攪下

如果唔係我覺得我會變化石

而且我都唔想浪費辛苦咁耐換黎既2個月

今日一早起左身

冇野做坐係廳睇新聞

原來Michael Jackson咁朝早死左

仲要係冇啦啦心臟停頓

真係好化學......

不過我發現我原來未見過MJ黑人個樣

雖然知道佢整過好多次容

但久而久之已經接受左佢e個樣

而且當時仲細根本唔會留意

卉澄好想談戀愛

wa, 1点幾啦

好耐都冇試過咁夜訓lu

不過e+我既暑假終於來臨啦

同時代表我將會睡眠不足

等我又打一篇日記俾自己睇啦!!

今日考完試冇野做好悶呀

所以古靈精怪既我又要搵野玩啦

話說TSA真係易如各掌所以做完卷後有好多空閒時間

呢次既空閒時間我冇訓教而係係到畫畫

而模特兒就係我自己隻手

由於我對畫手、面ed身體部位都好醜所以要練習多d

返到屋企冇野做就継續畫

但模特兒竟然係自己既自拍照

最尾個張好醜

打算天日去拉直個頭

不過一諗到要入salon就好驚

咁大個囡一入salon就周身唔自在架啦

再加上永遠都同髮型師唔岩咀型

攪到salon成日我一生日中最討厭既地方

程度可以比美垃圾站同鬼屋

不過一切只怪自己個頭唔爭氣

卷曲既髮根叫我不得不入salon攪攪佢

唉 唯有認命啦  樣衰埋個幾個鐘頭啦

「反正以後唔會再見面」e個諗法係我做一切樣衰野原動力

琴日阿公黎左我地到住

因由係我e媽去蒙古旅行

本來我媽媽都去架

只可惜係既男人唔肯跟埋去 

我地兩姐妹又唔想幫佢睇住個男人

攪到我既10日勁free假期報銷左lu

卉澄好想談戀愛