今日一朝７點２起身　７點半出門　去到俊宏軒　見到呀峰　佢個頭超搞野　之後見到賀腸

唔見劉邦　去到天恆　劉邦係到　仲以為佢唔返添...　返到學校　都係咁啦　早會　都唔講啦ｄ野

返到去　先記得中文功課未做　英文冇做一頁　仲以為只係做１頁　數學個張野　明明尋日仲係書包又唔見左　慘呀！！

睇書　我朝早借左本９個人的心事（好似）　睇左少少　比陳紀銘拎左黎睇　之後上２堂數學堂啦

都係立體　２堂上完　我同賀腸去左廁所換褲啦　返到去　都好快打鍾啦　上ｐ．ｅ啦　去左有蓋操場做熱身

ｄ女仔就走晒啦　得返我地１ａ同１ｄ　ｄ男仔　何ｓｉｒ帶左我地去學校出面個個足球場　去到　就要環住個場黎跑　

我停左一陣　跑完　第３個跑完　跑２個圈　之後就要做個好似引體上升啦　３下　我得左啦　劉邦都得　賀腸就未得

我地就係到踢波啦　都冇乜點踢既　只係得一個龍門姐　唔知點踢　未打鍾　仲有時間　何ｓｉｒ叫我地返去換返條長褲

或校服　我返到去換返條褲啦　賀腸同葉文禮好咩　（丘）到條褲勁高　件衫好長　好似冇著咁　好咩呀佢地

上英文堂啦　派返尋日默書本野　我差２分就合格ｇａ啦－＿－"'''''　

上完　上基商　都係個ｄ野啦　食飯啦　我地食緊個陣　嫻過左黎偷野　都唔算偷既　比（送）佢　食完仲有幾件

一件比陳可塋偷左　一件我比左劉邦　小息　劉邦又幫人去買野　我係課室扒左係到訓　但訓唔著啦

陳紀銘又睇緊我借比佢個本書　佢好快咁睇到六十幾頁啦　好快打鍾啦　上中文　講背影　同埋尋日書ｄ功課

上完　上時裝單雙　雙數上髮型　　我地單數上去先　今次測驗呀　要穿晒面線同底線　楊ｓｉｒ叫我地放左底線個個野先

我開頭練習個陣　最快　點知測個陣　手震　係咁穿唔到落個洞求　晒左我２分鍾　整到我３分幾先完成

第２次　快ｄ啦穿晒啦　楊ｓｉｒ過左黎　點知條線好難拉出黎整到加２０秒　我本來１：４１得　加２０秒

２：０１　呀周恩俊超快　５４秒得左　１００分呀　賀腸今次慢過我啦．．

返到課室　講留堂　嘩　我３科都有呀　好無奈．．　之後其他都冇乜野啦　中文要留係到造句

作３句明喻句出黎　我作晒　得啦　走得　走前　陳ｓｉｒ問我英文呢　我話做晒　佢話下次唔好啦

走啦　我跑出去　再跑　好彩部車仲未走姐　跑到去　鄭家俊同我講　岩岩好　部車就開

坐左係到　自己一個坐　返到屋企　做左功課先　之後訓教．．　訓醒左　又訓過－／＼－

十點幾呀哥先比時間我打日記　想打個陣　係咁上唔到網ｗｏ