每年夏天，當天大忙住避開太陽嘅時侯，就係我立即變黑嘅時間！得咗！
比起美白，我較concern 皮膚嘅水油平衡。都係個句啦，護膚嘅重點並唔係塗些什麼，而係皮膚什麼令佢自生出什麼。最好嘅皮膚滋潤品一定係自生油脂，最好嘅美白元素，一定係自生黑色素修補，而呢日一切一切，都同水好有關！
身體冇水不運作，皮膚冇水亦都自生唔到。除咗要飲多d 水之外，用hydrating skincare 亦都係我嘅護膚tips!! 呢個初夏，其實早由轉季開始，就開始用以下組合，效果唔錯，冇轉季敏感，亦都改善咁冬季乾燥時帶來嘅暗啞，當然保濕補水功夫亦做得足，絕無戲場，記錄一下先！
大家有冇習慣早晚用唔同嘅skincare?皮膚對新產品嘅適應期只有2-3 星期，一reach 到呢個平台期，用貴貴嘅護膚品都冇用，所以我好早就開始，護膚品不停switch, 有時係3星期轉一次，亦有時（特別係轉季嘅時侯）我會分早晚，減少皮膚受嘅刺激！
Step 1 - 爽膚
早 - Watson's Water 360 mineral spring toner
早上都係清爽d 比較好，由其係我超易出汗。爽膚水用後的確舒緩咗潔面後嘅繃緊，亦不失點滋潤，不過唔會過潤，留有足夠空間比之後用嘅護膚品吸收。
晚 - ERNO LASZLO Hydraphel Toner
滋潤型Toner，toner texture 帶杰身，用後皮膚已經好夠潤，方便之後唔洗再塗太多滋膚產品，減輕皮膚負擔。Weekend 日子唔出街，我就淨你塗佢架咋。
Step 2 - 眼
早 - Watson's Water 360 mineral spring eye roll on
朝早時間通常到眼瞳瞳，加上一晚冷氣早上起來又鼻敏感，對眼又黃又啞，用呢個就最啱。3粒走珠係眼想碌幾碌，幫助深層吸收補水又可以按摩加快血行，咁眼就冇咁黃咁啞啦！精華清爽，油眼寶貝或妝前用唔洗怕溶妝，所以返工日或出街前我都會用佢架。
晚 - Estee Lauder Night Repair Eye
對於我呢個乾皮膚，淨用上面嘅精華一d 都唔夠潤，但出街怕妝溶唯有用住先，唔洗化妝就要用返d 夠滋嘅產品！呢個eye cream 唔洗我講係公認的好，晚上我仲會用佢做眼部按摩，比對眼好好享受一下！試過咁多眼產品，佢真係最好按又易吸收。唔捨得都要買！
Step 3 - 修護
早 - Organic Natralox organic hydrating serum
早上繼續清爽，精華唔夠清爽真係好難上妝。精華質地以gel 狀，2泵夠用全面，三兩下已經吸晒，用後皮膚仲好滑。加上佢係organic 又有似玫瑰嘅花香味，我好鐘意用佢架。
晚 - Missha Night Repair Ampoule
一個係香港已成歷史嘅品牌，離職前公司送比我嘅product 用到呢支最後啦。講真佢d 嘢真係唔差，由其係魔幻水用呢支修護露我真係好鐘意，佢地就等同神仙水到EL night repair 嘅平民版。最正係，用佢黎做導入一d 都唔肉痛呀！
Step 4 - 滋潤
早 - Watson's Water 360 mineral spring intensive facial moisturiser
本身冇抱太大期望，但用落又幾唔錯。先講佢雖有香料味但一點都唔過份，凝膠質地最易吸收最鎖水，當妝前霜用個妝仲好貼添。略嫌佢對我皮講未夠滋潤，不過我之後用嘅BB Cream,滋潤度好高，所以呢個配搭的確剛剛好！
晚 - Rosehip Oil
自成香薰治療師黎，知道 Rosehip Oil 對皮膚組織幾有益，亦都親身經歷過佢嘅好，所以一年四季我都會同住佢，牌子唔定，係信得過嘅Organic 油就得架啦！
Rosehip Oil 係高效修服受損皮膚組織，加速細胞自然更生，滋潤抗氧。讀書時已經聽過無數用Rosehip 嘅成功個案，某年打斑打到花面貓後亦係用Rosehip Oil 極速3日去紅退砂。自個時每晚用，我都成30歲人touch wood 都未有皺紋，Rosehip Oil 功不可沒！
除咗表面保養多飲水，我亦開始咗唐安其嘅宇宙飲食法，等體內嘅毒素团填再少一d，體內乾淨，自然皮膚好。我實在係太怕老啦！！！
----------------------------------------------
Follow Me on Gi C Life
[email protected]
-------------------------------------------
|
