唔
今日
最後一日了
係我作為F.5學生既最後一日
最後一日
通常都應該會唔捨得
玩到癡晒線
大喊一番（？）
可惜
最後一日
我卻甚麼都冇做到
完完全全...
或許有人會跟我說
"你第時會後悔"
的確
將來我或許可能會後悔
可是
我現在所作的
我並不後悔
因為我唔想向呢到
留下任何既"回憶"
"回憶"總是痛苦的
記下來有何用處（？）
差唔多10點先返到屋企...
在想
時間過得真快
眨下眼就17年了
話咁快就輪到我要會考了
我可以講既係
我考得一定比任何人都還要差
叫我努力也沒用...

又一編無聊既廢話...

今日
同貓＆L出左K記打Deck
無意中
比我見到有兩個人向到打"無雙獵人"XDD
多得佢，我先識得交換卡片
打完某幾關
升左1 - 2 Lv..."
跟著花膠會合了
過天悅~
大出血.../___\
又買左set女王咭套>///<
今次呢個唔用的><
買多set大套
豪會合了我地
行左陣
走人~
見貓，L＆花膠咁慢
我同豪搭MTR走人
返到屋企
有點悶，有點空虛，有點無助
on左MSN，on左ECO
還是有點郁悶...
搞左咁多野
都係冇感覺

朋友
又是甚麼
當你孤獨時
他們卻不知道
那又有何用...？

最後交貨既一日
但結果
我都係冇交到...
"心"
究竟去左邊？
這係成為了"Heartless"後既後遺症嗎？
還是因為我失敗了
而感到無助，空虛...？
假使我從來冇生存過有幾好呢~
當然，我唔會傻到去了結自己既性命
皆因我仲有好多野未接觸過
有好多想擁有既野，但未曾擁有過
前日Miss播"秒速5厘米"
雖然我一年前已睇過
但今次睇
都係有點感觸呢...
男主角跟女主角
最後只擦身而過，並不能走埋一齊
當經過既時候，一轉身
就有架長長既火車隔開了兩人既視線
首歌幾好聽
歌詞都幾鍾意
哈哈哈哈
一個臭男人向到講埋d咁既廢話真係好似有點膠膠地呢...^^"

哈哈哈哈
年紀大
機器壞
我18歲都未夠
咁快就開始腰骨痛，周身痛...（前幾年都有啦）
今朝一起身
痛到我...
返到學校
兩隻腳都痛...= =
我可不想咁快就玩完啦（？）
每當諗到
捱埋下個禮拜
就放假既時候
就不禁有股空虛既感覺湧上黎...
究竟我搞緊乜...？？？

哇哈哈哈...
垃圾的我...
數學MC：21/44
I.H：20/80
英文聆聽：16/95
英文口試：12/24（合格）
英文閱讀：11/60
電腦卷一（甲）：23.5/40
電腦卷一（乙）：21/60
卷一總分：44.5/100（合格）
電腦卷二：17.5/60
D.T：29/100

咁多科，先得一兩科合格
仲要係緊緊合格
你話係咪垃圾都不如
講真
我係識做的...（指唔少部分）
至於點解唔做...
我都唔多清楚（...= =）
I.H堂Miss話唔開心
話我上堂，平時都OK
但冇用心去做
Hea做就算...
英文堂Grace話我唔爭氣
明明有能力可以考好d
但又只拎到呢d成績...

唉...

今日
放假~~~
因為唔洗考中國文學~~
所以就訓到10幾先起身..."
發左個夢...= =
見到學校某個人（唔記得個名點串...= ="）
同佢打起上黎...
照常理我係唔會贏的
結果都係冇贏到
但又冇輸到...= =
之後唔記得了~

玩左陣電腦
升左個分身一陣
去左沖涼
執左陣野
出發>﹏<
下一站：油塘（指母校）
囧
so煩
轉左制...
以後出入都會好麻煩呢..."
見到家家，彥皇，阿一，瑜雅...（希望冇打錯..."）
個個都大個左呢~（茶）
好彩阿一見我唔到..."
其他依舊都係咁鍾意...
踩我，打我...
sosad
偶話呀
我返黎係為左比你地打架咩..."？
同左幾個老師傾左陣計
同班阿姨傾左陣
同班細佬傾左陣...
果然大個左
冇咁癡我~XD
真好

返學校（依家果間）
田徑
水城要幫班學先補課
Fran唔知要跑...= =
豆...
早就估到佢唔會跑架啦
點解？
水城唔跑，佢點會跑丫...
結果
都唔知為左咩而返黎的...
唉...

祝單身節快樂~（？）

我今日同左班FD出街~
亦冇左四舊幾水sosad（爆盒）
L伏晒wwwwwwwwwwwww
真的唔好意思呢~
我唔算伏~
又玩具龍，三頭....
副同調被改左名.../___\
叫$350同250
皆因副Deck有張價值$250同$350...
sosad
我想話
我Hero都唔平架><

哼！
咁爽向到串HiHi
情人節冇女陪又如何！？
我仲有大把FD陪我~ ！！！
我地既友情，實比你地既愛情更堅固！（即被推散..."）
sosad
（呢part只係唔抵得有女既人...並冇被串...囧"）

兩年前播出既春季日劇"求婚大作戰"
向機緣巧合之下
前日
睇左第一集...
今日
用左幾個鐘時間
睇晒成套（即使係考緊mock都好..."）

呢套片
係我現時既人生中
能令我落淚唔止一次既第一套片...
嘛
唔知係跟主角既事情相近
還是甚麼
雖然我跟佢並非"青梅竹馬"
"同班"，"坐隔離"......
但感覺是一樣的
而且
跟"健"既諗法一樣
為何當初唔肯坦率咁去面對？
坦率既去表白...
跟"健"不同的是
佢有一班，真的很要好既朋友向身邊
佢有機會去嘗試改變過去
佢有勇氣向"現在"改變"未來"，而唔係靠"過去"改變"未來"
以上都係我沒有/無法做到的...（其中一樣為虛構事情，沒有是正常的...）

之前個禮拜日
正是佢既生日
而我卻咩都冇做到...（預左的吧...?）
聽日
係西方既情人節
唔知佢會點過
又一個人？
定係同那個人一齊過？
而我
就決定了跟我既好朋友一齊...

去完瑩祭...（指上個禮拜六＆日）
真係...
真係開始有點發女寒呢~~~XDDDD
仲要咁樣過住情人節...
超痛苦~~~ ><
sosad~~~~~~~~~

今日
係經歷完我一生人中
最多事情/問題發生，
我改變，
擁有和失去一些東西，
既露營一週年...
以往既我，現在同樣
可是雖然當日既情感，今日依舊
但是當日既關系，我決不選擇依舊...
實在太辛苦，忘記唔到...
失敗...

當年今日
我做左一個
改變左我既命運既決定
那就是入左HKDMC...

踏入第四年了
假如我冇入過HKDMC
我決唔會向呢到出現
亦唔會有依家既我...

而那件事...
差唔多一年了...
我依然未忘記
那係因為自己愛面子？唔想輸？固執？還是真的未死心...？

又唔做SBA，成績又差...
我仲可以咁擔定地打機，出街玩...
我究竟向到做緊乜.........

Sosad
跌爆左電話個mon（內爆）

仲有一個鐘左右

祝大家新年快樂（牛聲）

講真
投拆既我唔多講
來來去去都係果d
冇大分別

我只希望Evan你做任何事都諗清諗楚
唔好拖拖拉拉
不知你係唔打算正視，想逃避，還是真的很忙
應承左人，幫人做野
都盡快搞好晒佢
以免大家對你懷有不好既印象
雖然已有唔少不好既印象囧...
但總要去解決的
正如"這次"
雖然我並不知道事情既來龍去脈
亦不知事實既真相
但都希望你可以簡單而又中點既比大家一個交代... 

唔知講咩好...
但硬係覺得
作為朋友
我有責任去提醒你，去幫你
講真
我唔想見到大家有咩唔開心
或任何一方都出左事...
或者我講得唔係太好啦
我都唔多知自己講緊d咩...
不過都真係希望你認真既去諗諗
這唔係叫我地得咩益處
這全都係為了你自己的
就為左自己
做好比人睇好唔好？

今日放學
落左九龍城那邊搭車歸家
途中比我見到"黃金包"@@
$30/包，$300/盒
於是就爆了一盒~~~

返到屋企
解封
Oh~
Sh**~！！！
F**K抽......
雖然差一張就全套齊
但差既就係最想要那張囧
冰結龍都得白咭一張...
L中左金閃...
唉~
Sosad...

期待ECO快d出6~~~

女神...
唯一想玩既原因...
GC圖only囧

今日
中午返左學校
搵左大May傾計
佢話我真係好需要做一次火鳳凰會較好（指死過返生）
一直以黎我既生活都太過平淡
冇甚麼大既錯折
和社會經驗
所以就認為我工作會較好
不過就冇知識
就會可能就要連$18/Hr都要做下等
而我自己就認為我都係較適合工作（XD）
佢話我基本上所需要既牌都齊了
只還欠兩張牌
一張係知識
第二張忘了（囧TZ）
我都認同
所以先會選擇繼續讀中五
但我發覺
這種模式不太適合我
不過冇辦法
依家先搵大May都太遲
而大May就話我冇逃避
但我就覺得
我唔係冇逃避
而係唔識去逃避，無法去逃避...（可能我副面得濟掛XDD）
不過點都好
我都想要多謝佢
佢都比左D意見我
同支持我
而我父母淨係識叫我讀書讀書讀書讀書讀書....
一係就話唔讀書就做野養家唔讀書就做野養家唔讀書就做野養家唔讀書就做野養家......
煩到HiHi...
唉~