JORDAN 團隊嘅Dwyane Wade、Chris Paul及Carmelo Anthony
將會喺7月27日嚟到香港同各位球迷見面，
大家想唔想同佢哋近距離接觸？
作為特派員嘅我哋手上有20張當日嘅入場券送俾大家，
快啲玩我哋一連四日嘅遊戲，搶先拎飛啦！

遊戲玩法：我哋7位特派員喺7月16-19日，
一連四日都會寫一篇關於三位球星嘅故事，
而每個特派員blog將會有收藏一個密碼，
大家只要答啱 問題就可以解碼，
每日最快集齊7個密碼嘅4位讀者連同所需資料電郵俾我哋
就可以得到入場券一張！
得獎名單將於7月19日公佈！記得每日密碼都唔同，
錯過咗 都仲有機會！
---------------------------------------------------------------------------------------------------------------------------------------------------------------------

好啦 , 而家就等我介紹下 今日我要講既球星啦 !
佢就係chris paul 啦 ! [ 其實之後既post , 我都會講有關chris paul 既事~ ]
甘我係尼到先先簡單介紹下 chris paul ~
Chris Paul , 有睇開nba / 留意過nba 球賽既朋友 ,
都會知道 大家都會叫佢做 CP3。
[C=Chris , P=Paul , 3 其實就係佢既球衣no . ]
哈哈 , 以下係我自己畫既一個標誌 !

[上面尼個就係chris paul 既標誌啦 ! C字同P字相信都好易睇到 ,
但係仲有個3宇係隱藏左 , 就係係C字同P字上間啦 !
 唔知你會唔會睇到呢 !?]
 
而家講下佢未入大學之前既生活先啦  ,
首先 CHRIS PAUL生於一個名為城鎮Lewisville
[ 位於美國既得克薩斯州] ,
佢係Charles Edward Paul 同  Robin Jones 所生既第2個兒子 , 
Chris Paul有個大哥 , 叫Charles Paul (下稱"C.J." )。
佢地大個左之後 , 暑假就去祖父既氣油站幫手工作啦 !

講左甘耐冇理由仲未知chris paul 係邊個ga wor ~ ! 
如果唔知既話都係去圖先 la ~

(photo from wiki)

眾所周知 , chris paul 係新奧爾良黃蜂隊( New Orlean Hornets )
既成員 ,
但係你又會唔會記得Chris Paul (下稱"CP3" )係幾時出度nba ,
或者初初踏出球壇既時間呢 ? !

如果唔知 , 就等我話你知啦 !
其實 , CP3早早係2003年 [高中時期] 已經有非常耀目的成績 ,
當時 , 相信已有不少球探番意佢啦 !
而CP3係2005 NBA選拔賽中 首度亮相 ,
當年係比 新奧爾良黃蜂 選入隊中。
CP3打既位置 , 當然就係Point Guard (PG) 啦 !

我對 CP3既感覺 :
以PG黎講 , 其實係NBA早年 , PG位置係不被重視的 ,
你可以睇到 Michael Jordan , Magic Johnson , Patrick Ewing ,等等既大球星 . . .
佢地打既位置都係PF(大前鋒) , SF(小前鋒) 既 ,
都係一D接近內線得分既位置。 
始終得分都係一個非常好睇的時刻 , 造就成要當上球星 ,
就要是那些位置。

去到近十年 , PG (控球後衛) 開始受到重視 ,有好多好出色既球員都係PG.
大家開始知道PG既重要性 !
PG唔單只是控球傳波比隊友 , 而且能夠串連起整隊球隊 ,
控制整隊的得分 , 亦是穩定士氣既必然位置 !
[ 我認為無其他位置能夠取代 ]
CP3 , 佢就能夠做到以上所講既事情 ,
不論得分 , 傳波 , 剷籃 , 突破分波 , 都做得非常之好 ,
有睇過佢比賽既人 , 相信都應該感覺得到 !
而且佢現時就是新奧爾良黃鋒 既靈魂人物 !
縱使 黃鋒隊 不是*"星光熠熠" [ 球星眾多 ] ,
但係仍然能夠與其他球隊比拚。
CP3當然就係最大功臣之一啦 !

就係因為CP3 , 我就留意多左PG這個位置啦 ,
唔知你又會唔會因此留意多左呢 ?
-------------------------------------------------------------------------------------------------------------------------------------------------
我既問題就係：CP3係係邊年踏足NBA 呢 ?

請將答案輸入到我下一個post 的密碼 ,
之後你就會得到一個code啦 !
 

由於U16的人數眾多 , camp site沒有剩餘的床位
所以都沒法緊貼追蹤他們啦 !
不過唔緊要 , 我地reporter都會有佢地既報導呀 !
其他特派員的網誌 , 可到此遊覽  :
http://blog.qooza.hk/nikebbl2011.php

大家都報導了有關 U16 同 G19既訓練情形 ,
其實U16 + G19 的訓練方式 , 和 U22 + U19的是大同小異 ~

我的感覺 :
在我看來 , U16是比較著重基礎訓練 , 如控球 , 射波 , 速度
[ 畢竟還很年輕 , 當然從基礎訓練慢慢提升 ]
睇睇下訓練 , 有時睇到球員射波既動作 ,
我都認為大家要注要一下 ,

首先 , 都有唔少入左CAMP既球員 , 係射完波 落地既時間 ,
右腳會向前踢出 [ 向前swing ] , 以致落地既時候 ,
只有左腳先著地。
***[ 可能學了nba的球星 , 如kobe ]
我之前其實都會睇nba , 而模仿左球星射波既動作 ,
覺得尼個姿勢應該可以帶來更好既命中率 !
不過 , 我之前學校球隊既教練都有就此 同我講 ,
射波後 , 只得單腳 ( 如 : 左腳)落地 , 係會好傷左腳膝頭  ,
因為 先著地的腳既膝頭 , 係會承受好大既壓力 ,
而家後生 , 復原速度都好快 , 所以甘做都冇乜痛 ,
但係久而久之 , 可能會變成傷患 , 到其時就真係冇得好番 !
所以係射完波 , 落地個下都要保持身體平衡 , 雙腳落地呀 !
就好似下圖甘啦 !


睇左男仔甘耐 , 好應該到女仔啦 !
記得係第二次選拔既時間 , 我都有睇過一輪比賽 ,
覺得 速度係比男仔慢 , 但係射波都不錯的 !
不過 , 由於慢得濟所以都冇乜留意。
**[希望女仔唔好介意我甘講啦 ]

入左camp之後 , 發覺 原來女仔打波都好快ga wor ~
在係場邊觀察[ 睇左幾次常規比賽 ] 既我 ,
都覺得女仔打波都唔比男仔輸蝕呀 !
記得有教練行過 都同我講 :
你睇下 , 女仔話攞分就攞分 !
又係wor , 有時見到真係由後場帶波 ,
帶到上前場 , 都無人能阻 , 仲要上籃得分 真係好勁呀 !
以下係一條片段 :

[ 由於唔識cut片既關係 , 大家可能要睇耐少少啦 ]
不過 , 有d位置大家都可以留意下 ,
**3:50 既一球偷波快攻 ~
   3:58真係由後場帶到上前場上籃得分 !
   4:06防守真係有待改善啦 !
   7:22發生左小意外 !!

係片段中 , 大家都可以睇到 女仔都唔會輸蝕比男仔ga !
而係場邊睇波既我 ,
其實都不時會同G19既助教 - 張彬彬教練(圖左)傾計 ~

她提到 : 女仔傳波差左d , 射波既命中率都要改善下 ~
              仲有一樣 , 就係好多女仔都會係一接到波 ,
              都會即刻拍波。其實不仿拎實籃球 ,
              睇好情況 , 再傳波呀 !
除左以上3樣之外 , 我覺得防守都應該要加強一下 ,
如果唔係,  就真係 人地話得分 , 就得分啦 !

個人感覺 :
睇女子籃球 , 氣氛一d都唔差 ,
係片段入面 , 你都會聽到佢地既打氣聲 , 提隊友防守/進攻 , 
真係聲勢浩大 , 尼d係男子組 比都比唔上既地方 !
加上 , 佢地每場都可以係甘嗌 , 就係能人所不能呀 !
就算連比賽結束後 , 佢地都可以傾唔停 ,
要教練出面制止 , 先會靜靜排隊 ~
[其實我都鐘意熱鬧場面ga , 但係有時又真係嘈左d既 ~
 正所謂3個女仔/女人一個墟 , 係現場就唔知有幾多個墟啦 =_=]
尼d都係我形象比較深既情節 !
仲有一個印象好深既就係 , 女仔都好捱得痛 !!
就算比人打到 , 踩到 , 痛得好緊要 , 仲喊埋出黎 ,
但係佢地依然迄立不到 , 依然返回戰場 ,
繼續同人火拼到底 !  尼種精神 真係好利害呀 !
我都要多多學習呀 ~

最後 , 當然唔少得大合照啦 !
U16 +G19 :


G19的 :

睇睇大家都幾有動感 ~ ! !

一次過打左 甘多篇係時候要休息下 ,
事關 好快就會有新工作 !

 

上回標題講到 - 戰不斷 ~ 又點會甘快就結束呢 ? !
所以而家又多左個加長版出黎啦 !
[ 尼個絕對唔係為打blog 而打blog !
其實我打blog都打到好攰 , 只不過係camp入面搵左甘多資料 ,
唔比番出黎 , 點對得住大家先 ?! ]

上次咪講到 影完大合照就完結既 ,
其實仲未完ga !
之後我地都仲要番到 烏溪沙青年新村 ,
係入面 仲有一個非常重要既程序要做呀 !
就係派信封啦 ! 當然係由大會派比球員啦 !
講起尼個信封 , 它唔單只係信封甘簡單 , 其實仲係一張成績表 ! 
它決定每位球員能否晉身到下一階段 - 隊伍訓練 Team Training !
所以是一個非常 , 非常 , 非常重要既時刻黎 !

都係唔講甘多 去圖先 ~ !

球員都分成u19 , u22 兩行去拎信封啦 !

登記完之後 , 大家就可以拆開信封黎睇啦 ! 
[ 係回車搭車番黎既時間 , 無意中偷聽到 ,
  有部分球員都覺得 " 燒賣" (右1 - 正在拆信封的)
不能進入下一階段 wor ! ]
唔知結果如何呢 ?!
答案係  ：  佢得左啦 !!!!! 哈哈 , 其實唔知有冇聽錯 ,
據聞之前有參加nike league既佢 , 都係落選既一員 ,
但今次佢都成功入選 , 真係可喜可賀呀 !!!

大家係知道自己入左邊隊之後都分分尋找其餘的隊友 ,

一睇就知搵到隊友喇  [ 圖中握手的人 ]

你睇下佢 , 當佢知道同棟樑一隊 - 騎士隊 , 心情幾興奮呀 !

熱火隊的2名猛將 ~~



好啦 , 之後大家都走喇 ~
準備下一階段la ~

有人入選 , 就會有人落選 ,
其實我都留意到有人失落地離去 , 我都唔意思走埋去搵佢影相啦 !
希望來年會見到你地入選啦 !
入到尼個camp , 得著都非常多 ,
有心學習既 , 得到既必然更多 !
我地 , 大家要努力加油呀 !
______________________________________________________________________________

上次有留言提到 , 點解我唔打 係車上面比一眾球員圍住既感受 ~
有見及此 , 我都係打番出黎啦 !

大家如果有參加 今年nike league 2011 camp既 , 都會知道
我平時都係會坐開車頭嘛 ~ 因為球員練完波 , 打完比賽之後 ,
都會 ..... 好熱嘛 !
加上又冇編排到我既位置 , 甘梗係同教練坐車頭啦 !
不過 , 最後一日既行程 ....
由於多了兩位reporter既來臨 - ar 筠 and 阿皮 ,
甘車頭的位置就沒有了 , 唯有被迫坐入去喇 !
[可能就係因為甘 , 我多左同球員接觸 la ! ] 
我仲記得 "球星"  呃我話無位坐 !
[由於說謊係非常嚴重既罪行 我都要揭發出黎先得 ! ]

尼位就係 "球星"(53號) , 至於點解佢叫 "球星" ,
因為佢叫自己 "球星"囉 ~! 甘我唯有順從啦 !
[ 幫佢賣左廣告添 , 哈哈 , 見到就係尼篇文章 讚好喇 !]

其實同一大班球員一齊坐 , 真係好熱 , 雖然都有冷氣 ,
但係身旁都依然feel到周圍充滿陣陣熱氣 !
不過 , 大家都有講有笑 , 幾開心呀 ~
另外 , 仲有一個要介紹既 , 就係你啦 !

係照片中間的那人頭 -,- " ,
每次見到佢練波 / 打比賽 , 永遠都會Gel頭 ,
[當然 gel頭都唔只佢一個啦 , 但係感覺上 , 佢都gel得幾型下既 ...
因為頭髮長嘛 ~ 不過我自己覺得 打波頭髮長都係一件麻煩事 ]
大家都叫佢 造型王 la~
之前都有佢既一d相post過出黎 , 唔知大家又搵唔搵到佢出黎呢 ?!

感想 :
雖然入camp 以及出camp之後既工作真係好多 , 但係尼3日亦有唔錯既體驗 ,
見到球員 除左球場上專注的一面 , 其實都有另外活躍既一面 !
加上亦學到不同既訓練方法 , 希望自己打波可以再打好d ,
成為下年nike league camp 既一員啦 !

Nike League 2011 camp (U19 , U22) 
最終來到最後一日了 ~
3日2夜既CAMP , 由7月8日到7月10日 即將落幕 !
而今日要同大家報導番既 就係7月10日 , U22既行程。

首先 , 當然要講番 前一晚(7月9日)miss左既戰況比大家知 la .

7月9日晚上 , 已經進行左季後賽既8強 ,
結束竟然係 係常規賽排名較低的2隊 , 速龍及牛仔, 勝出~
有點意料之外呀 !
而7月10日既早上 , 就會開始4強比賽 , 戰情愈黎愈緊張啦 !

開始講番 , 當日既情況喇 !
一大早 , 當然就係先先食早餐啦 ,
而早餐就係 尼幾樣la ...

仲有多士爐比球員烘麵包ga ~ !

食完早餐過後 , 大家都浩浩蕩蕩搭車去到基督教國際學校(石門) ,
進行最後一次既比賽。在車上 , 有些球員展示出球衣有損壞的情形！　

球衣給大會洗完後 , 就多出幾條破損的痕跡 ~

去到基督教國際學校(石門), 首先要做既 ,
當然就係熱身運動啦 ~


仲記得有一幕係 ....

教練們 : 快d嗌啦 , 唔嗌得淒厲點 , 就要再做多1 set 熱身 !
球員都不敢怠慢 , 即刻嗌出那些哀怨的聲音 ,
好像很痛苦呀 ! [ 不過 , 係現場既我 , 就覺得場面幾好笑la xD]

話甘快 , 4強比賽就開始喇 !
 
而家開始 爵士 對 牛仔 既比賽啦 !
**(Ar .. 唔記得同大家講 , 其實直至4強比賽既時候 ,
球場上都是沒有3分線的 , 要去到決賽先會有3分線呀 !)

比賽花絮 ~~

爵士隊的蔡龍德 - 效力甲一飛鷹 ( 人稱:德哥 ) 帶波進攻呀 !
不過 , 牛仔都唔執輸 , 以遠射還以顏色 !

最後 , 結果就係 ...

決賽 竟然會係 牛仔 vs 速龍 !
大家都意想不到 ,
就連教練們都慨嘆說 :
兩大中鋒 ( 留棟樑 - 太陽隊 和 德哥 - 爵士隊 ) 竟然無一隊能夠進入final ? !
加上 牛仔 同 速龍 係常規賽的成績都是最尾的兩隊 ,
能夠絕地反擊 , 真利害呀 !!

之後就到 牛仔 vs 速龍 之爭喇  ! 以下係一段比賽片段 ..

最後 , 結果如何 ?! 留待今晚分解喇 !!

結果就是牛仔以39 : 16 大勝速龍 ,
成為nike league 2011 camp 入面既U22冠軍隊 !

除左常規比賽 , 季侯賽 , camp入面仲會有 shooting game ~
shooting game 內容如下 :
每隊要派出3個代表 , 要在4個不同位置射入一球 ,
最快入哂所有位置的球就係羸家 , 而各個位置如下 :

畫得核突左少少 , 都係解釋番先 ,
首先 第1個係 零度位 , 第2個係 罰球線 , 第3個係 3分線
而家最後一個係半場 ~ [ 你冇睇錯 , 係要係半場射入一球 ! ]
u22 最快既一隊都要用上45秒 , 才射入哂4個位置 ~
而u19 只係需要30秒就入哂 , 真係犀利呀 !
[ 要係半場射入一球 , 除左有足夠既力量 ,
我覺得運氣都係一個重要既因素之一 ] 

玩完game 之後 , 就到頒獎禮 , 亦都可以話係尼個camp 既結束禮啦 !
大家都黎個大合照先 ~ ! U22的 :

U22 + U19 :


U19的 :


最後 , 係今次CAMP既 ALL STAR TEAM
[ 由教練選出 , 都只限於U19  ]
以下既球員都有機會同之後來港訪問的NBA球星有互動交流 ,
大家要番意下啦 !

好啦 , U19及U22的CAMP 報導 , 就此完畢 .

明天繼續 U16 (男子)+ G19(女子)的報導喇 !!
敬請留意 ~

對唔住呀 ,  其實之後仲有個加長版ga ! (u22)
大家都去睇下啦 ~!
http://blog.qooza.hk/YukFung?eid=24223060
 

在報導nike league camp 第2日的情況之前 ,
我先先要感謝 謝志強教練 ( 現任 福建隊副教練 ) ,
全靠謝sir 借出D300相機 , 我先可以影更多令相比大家 !
(其實我都是剛剛接觸攝影 , 水平還有待改善 , 但係有部好的相機 ,
 相片都應該會清晰一點~ )

好啦 ! 而家就開始講下 , 訓練營第二日的情況 la ! 

首先 , 球員就要7點半左右起身 , 梳洗一番之後 ,
8點就要準時到飯堂食飯喇 !!

以上係個朝既早餐 ~ ! 
[ 分量會因應 坐位人數而有所不同 , 但係分量似乎有點少 wor~ ]

早餐過後 , 又是一輪的訓練 ..
早上9點鐘 , 大家又回到訓練場地啦 !
先先是一輪熱身運動 ~


yi , 唔知係咪前一晚唔夠訓呢 ? !
有些球員出現 一點疲態喔 . . .


其實熱身一點都不馬虎 , 你睇睇大家都好落力去做~
尤其係一齊拉筋的動作都好震撼呀 !


熱身過後 , 又回到了 Position training la !!
每次訓練都會有不同既課題 , 不同的練習方法 ,
務求球員能在此camp學習更多打波技巧 !
仲記得 , 以前有好多黎過香港訪問的球星 / nba球星 ,
都會認為 香港的球員射術是不錯的 , 但係在對抗性方面是非常弱 !
在籃底下 , 對抗性差往往都是輸波因素較大的原因之一 , 
所以在訓練中 , 5號位 的訓練亦非常注重對抗性這一方面 !
[ 其實在這方面 , 亦是我較感興趣的一方面 ]

wa , 又係留棟樑 la ! [ 最高個個就係佢啦 ! ]  身高已經高人一等 ,
未打就已經勝人一籌 !
如果有更佳的對抗性 , 必定如虎添翼呀~
不過身高雖有優勢 , 但係後天努力都是非常重要 , 尼個亦係我打波堅信的理念 !
所以大家都要加油呀 ~~!!
69號的鍾俊昇 [花名 : 昇昇] , 如果你係屯門打開波 , 都會有聽過佢既名 la ~
[ 如果想睇到其他的位置訓練 , 係我的相簿會有詳細的情況 ! ]

當然 , 一小時的訓練完結 , 又到隊制比賽既時間啦 !


看看大家上籃時都非常有速度 ,
54號 球員的彈跳力也很利害呀 ! 不過都係阻止唔到攻擊球員 進攻得分 ,
可惜呀 !
棟樑打快攻 ? ! 無錯呀 , 真係留棟樑打快攻 , 身為中鋒既佢 ,
跑起上來 , 速度也不差 , 當然都是不及打後衛的快 ~
不過 是罕見的一球呀 !

一輪比賽過後 , 就是結果公佈喇 ~!

在第2日的上午 ,  常規比賽都差不多接近完成了 !
大家都可以見到 爵士隊 已經領先其他隊伍 ~

經驗上午的一課訓練後 , 來到午飯時間 la！！！ [ 中午12時 是午飯時間 ]

睇睇大家都幾開心甘迎接午飯既來臨 ~ !
午飯亦比早餐豐富了不少 ~

之後又開始另一課操練 ~
今課是體能訓練 , 由南華的體能教練 Derek 向球員作出訓練 !
Derek 會按照不同位置的球員作出不同的操練方式 ~
首先係1,2,3號位的操練


利用紙碟做出不同動作 , 紙碟的作用可以幫助球員作出更大的動作幅度 ~
因紙碟減低了球鞋興地下之間的磨擦力 , 所以都訓練到球員的平衡力 ,
以及肌肉之間協調 !
還有另一些 利用紙碟的動作訓練 ...

訓練中 , 都有球員表現得有點疲累呀 !

而4號位的體能訓練係 ..
 
利用籃球作上下左右移動 , 主要訓練腰部的肌肉力量 ~
據吳教練所講 , 腰部力量 是普遍香港球員忽略操訓的地方 ,
球員可能會較注重手部 / 腿訓的力量訓練 ,
但是腰部力量也是非常重要的一環 , 因為它主宰著騰空的時間 , 
亦靠它平衡射波的姿勢 , 加上往往受傷的地方都主要是腰部。[ 因缺乏訓練 ]
當腰部受傷 , 會大大打擊球員表現 , 甚至連打波的機會都沒有 ,
所以是非常重要的 !

體能操練中 , 除連用紙碟外 , 還用上了網球作訓練工具 ,,
(圖1)
 (圖2)
球員手上的就是網球啦 !
網球考驗球員的反應速度 , 亦考驗球員的爆炸力 ,
球員都會分成2人一組  ,
圖1是 一個球員( 1 號)疊著另一球員(2號)的手 , 2號球員就隨時放開手上的網球 ,
甘樣1號球員的任務就要是在網球落到地下之前 , 把網球接實。
圖2是 一個球員在另一個球員的身後 , 在身後的球員會隨時碌出網球 ,
那麼在前頭的球員就要跑上前 , 把網球拾回來 ~
累倒了 ....

體能訓練後 , 當然少不了常規比賽 la !
剪影如下 ,


在最後一場的常規賽 , 由熱火對速龍 ..
熱火發揮出超水準的表現 , 入球命中率非常高 ~
第2節完結後 分數已經是 36 : 14 !


雖然之後的入球命中稍為下降少少 , 但是最後都已大比數羸出 .


最後的常規賽成績係 ,

空格是 熱火 55:22 速龍 .

比賽結束後 , 就差不多是晚飯時間 !
由於當晚忙於更新blog , 所以沒有跟隨到比賽場地 ,
所以都沒有拍攝照片提供。
不便之處 , 敬請原諒呀 !

　　　　　　　　　　　　第2日完 ...　　　　　　　　　

之前　我係咪有講到點解球員會帶杯麵 ,
原因就每當晚上操練+比賽完畢後 [ 約晚上10時 ] , 球員都會非常肚餓 ,
由於不能外出用餐 , 所以大家都自備杯麵 ,
在晚上時候 , 充飢之用 ~~ 哈哈


**請支持我地nike league 特派員呀 ! Facebook 群組 :
http://www.facebook.com/pages/NIKE-LEAGUE-REPORTER-2011/172025106178983
大家快d讚好 , 甘就可以緊貼到nike league最新動向 !