據聞3位 Jordan Brand 的NBA球星 ：
Chris Paul , Carmelo Anthony , Dwyne Wade 會黎到香港同大家見面呀 ! !
而今日就係第一日 活動的開始 ~

等我簡介下今日既活動 , 比大家知道係做緊D咩先 ~
今日 ( 2011年7月26日 ) 3位球星就率先到達修頓室內籃球場 ,
同一班nike league 2011既球員見面。
係nike league入面挑選出來的精英 ( 19歲或以下 ) ,
就會同NBA球星一齊訓練大約一小時。
當中 , 球星們都會以身作則 , 親身示範比各位精英球員的正確姿勢 ,
訓練的模式 , 以及一些打波經驗 !

經過一輪訓練之後 ,
有d精英仲會挑戰球星們呀 !  實行以行動證明自己的努力 !

事不疑遲 , 去睇下今日既活動啦 !
活動都未開始 , 我就已經到左修頓門口。
在修頓門口對出的電車站 , 原來已經有Jordan Flight Tour的宣傳海報啦 !


開始前 , 有d外國球員入左去wor , 究竟佢係邊個呢 ?? [ 睇落去你就知啦 ! ]


活動大約係1點開始 , 但係球星們都還未出場。
而首先出場既 , 就是Jordan Brand 的教練2人 !　


佢地就係帶領 nike league 的精英球員訓練 ,
下圖是一些熱身 + 訓練剪影 :



大鐘都為今次的洞動開始計時啦 !
(中間的紅字就是活動倒數的時間 )


大約2點左右 , 大家苦等的NBA球星進場 la !
由於不論傳媒 / 工作人員都蜂擁而上 , 為的就是霸得一個有利位置 ,
一睹nba球星們的風采 !

( 個個都是單鏡反光相機 , 而我拿著數碼相機走入傳媒群中 , 都顯得有點礙眼 .. )

Chris Paul 同 Carmelo Anthony 一齊參與球員的操練當中 ~


我知道 圖片都係唔夠 片段精采gala ! 去片啦 !
Melo雙手入樽片段 ~(大約在1:48) 
第一次親身睇到nba球星入樽 ,
感覺真係超級震撼呀 ! 我都不禁興奮到嗌左出黎 ,
如果嚇親你 , 就唔好意思啦 ~


Chris Paul 花式上籃 + 0秒出手：

大鐘的0秒 , 就是代表今次活動交流的完結 。

將近活動的尾聲 , Jordan Flight Tour 加插了球員 Q&A 的時間 !
而第一條問題 , 係由徐遠成問的 , 相信都是大家幾關注的問題 ~ !
想知球員們問左D咩問題 ? 甘快d去睇睇  la ~ !


最後 , 一眾精英球員同2位NBA一齊合照 ~ !
(後排 紫色衫的 , 就是NIKE LEAGUE 2011 的球員 la )



今日既行程都完滿結束 la ~
----------------------------------------------------------------------------------------------------------------------------------------
場地的一些特別佈置 ：

入場前的一條小樓梯 都貼上了3位球星的硬照 ~ !


而座位上的樓梯 , 大會都不放過 ,
都加上了形容3位球星的宣傳子句 !
快無影的CP3 , 翔無限的D. wade , 突無敵的Melo。

 

由於時間緊拙 , 加上也有其他特派員 報導了另外一些的球隊 ,
所以我都post番一些之前影下的相片吧 ~ !

球員可以拎番去睇啦 !

G19飛燕
教練：譚sir
助教：張彬彬教練
隊長：10號 - 呂衍塋 (下圖的 前排 最中間的那位 ) - 亦係隊中的1st pick
詳情可到另一特派員 - angie遊覽 : http://blog.qooza.hk/AngieArmchannel?tb


post 照都幾特別呀 !


G19銀羚
詳情資料 ar筠 都有其報導：http://blog.qooza.hk/ArKwan?eid=24261440&bpage#ecomments


女子組的post每隊都各有特色 ~ !


怎會少了你呢 ?!
U19 戰狼
教練：張子龍教練 (大家都會叫佢做子龍~) [ 右一 ]
助教：陳永強教練  [ 左一 ]

**註 ：上圖缺少了85號 - 徐遠成 - 隊中的1st pick ,  47號 - 郭穎峰
 

原本想今日介紹 U22的熱火隊 ~
但今天便看到 特派員 - ar筠 的報導 ... 

想不到 , 短短幾日 , 就有這樣大的反差。
在7 月19日 (星期二) 的採訪中 , 熱火的氣氛都與其他隊伍差不多 ~ 
趙sir 都會不時提點隊員 , 怎樣做才做得更好 ~ !
在拍隊相的時候 , 趙sir都帶有笑容 ~~

一看到熱火隊的陣容時 , 我認為他們是有非常大的可能問鼎冠軍
( 不論3人 / 5人賽) !
擁有身高2米的 棟樑 ( 上圖是沒有他的 , 因為他要出戰另一聯賽的比賽 ) ,
加上高大的 64號 - Tiger ,
內線是非常有實力的 !
外圍方面 , 有多年nike league經驗的33號 - 鄭澤 , 22號 - 寶揚 ,
控球方面應該不是問題。
還有 , 射波準繩的 24號 - 周士 , 43號 - 施嘉朗。
不論正選 / 副選都有非常不錯的實力和身形 , 我認為要勝出比賽應該不是難事 !

早早在未採訪前 , 都有看過之前nike league的報導 ,
看到 趙sir 都是一個比較嚴緊的教練 , 對球員都有要求。
比賽時 , 都非常緊要球員的表現 , 不時"提醒"他們。

回顧 趙sir 當天的訪問 ,
我：看到今年的熱火隊的陣容相得不錯 , 每個位置都有可替補的球員 ,
        教練認為熱火隊可以奪冠嗎 ?
趙：其實各隊隊伍都是實力平均 , 每隊都有能力奪冠。
        加上 , 不是說所有打波好既人 , 走埋一齊就可以贏波 !
        我只能說 , 今年的熱火隊是齊位。
        我認為能夠贏取冠軍 , 有3點的 ,
        1)團結性 - 隊友之間一定要團結一致 , 才能打出一場好的比賽。
        2)積極性 - 我不希望球員上場時 , 是hea住打波的。
        3)態度
        如果以上3點都能做到的話 , 奪冠的機會就會好大了 !
我：回顧上一年的nike league比賽 , 都看到你會責備球員 , 為何會採取這種態度呢 ?
趙：其實責備他們 / 說話的語氣較重 都是希望他們不會重覆犯錯。

在採訪之後 , 我會覺得趙sir 今年應該不會好似上年般 ,
在教練席上 , 大聲責備球員。
不過 , 現在的這種景況 , 看來都要進一步觀察了 !
希望 , 不會見到你們的剃頭照吧 !
 

今日要介紹的 , 就是U22的騎士隊 ~ 

一黎都係去圖先啦 !  ( 由於FORMAL相無教練 , 甘我放左POST照先啦 ! )
(最底仲有另外一張post照ga ! )

(請支持香港先生 6號 方世傑 ! ) <－ 影相前講既 ~
U22騎士隊 一成員包括：
主教練：李達誠教練 (人稱：達sir ) [  右一 ]
助教：胡瑞良教練 [ 右二 ]
隊長：17號 - 韓旭健 ( 是上屆冠軍隊 - 速龍成員之一 )

相對於其他隊伍來說 (不論U22 , U19/16 , 甚至係G19) ,
騎士隊比我既感覺係：都幾輕鬆 ~
其實 , 整隊球隊給人的既感覺 ,
我相信是與主教練執教的手法有關。

一去現場 , 觀看練習的時候 , 坐左一陣 ,
達sir 就已經好nice甘 同我傾計啦 ~
影相 , 訪問完全配合 ( 仲主動過身為小記者既我 , 真係有d慚愧 )
當時 , 第一日去睇隊制訓練 , 有好多野都未熟習 。
故此 , 同達sir傾計都遺漏左不少 我應該要問既問題呀 !


違sir教波既情況 ~   <--[ 無籃球 , 用住足球頂住檔先啦 ]
好多時候 , 違sir都會同隊員講解下 球員應該要做的動作 ,
怎樣才做得更好 , 怎樣出手才有更多機會入波。
雖然是以教練的身份教導球員 , 但是感覺上就是朋友般的指導一樣。
隊員亦會不時向達sir請教指導 ~

教練都會從旁指導 ,  上圖就是達sir在教授45號 - 梁浩健投籃技巧 ~ !
球隊的氣氛都是輕鬆為主。

講一講 , 隊中有咩重要人物先 ~ 首先 , 就係 ...

70號 - 蔡龍德 (德哥 ) [ 左一 ] 同埋 17號的隊長 la ~
佢地同樣都是上屆5人賽冠軍隊既成員黎ga ! 默契一定十足啦  ~
不過 , 如果今年想蟬聯冠軍 , 相信必有一番惡鬥 !
因為 ...... 甘就要睇埋其他隊伍介紹啦 !

另外 , 德哥是今屆2011 nike league U22的狀元。
他當然就是騎士隊的第一選擇( 1st pick )啦 !
身高上的優勢 , 加上穩紮的籃底基本功 , 相信是騎士隊的一大得分支柱 !

而第二選擇 就係 .... (影相有手震 唔好意思呀 )

68號 - 潘嘉駿 (人稱：panda)
身高1米91 , 加上射術了得 [3分線都是他的射程範圍 ] ,
很自然就是隊中的2nd pick 了。
(  大家如果睇過之後camp的5人比賽的片段 , 他就是Final比賽中牛仔的一員啦 ! )
片段：http://www.youtube.com/watch?v=iMRBYdjv0gA&feature=player_embedded#at=64
( 片內 , 更紀錄他多次在3分線上的入球 , 所以真的有很強的命中 )
有這樣的身高 , 加上穩定的命中率 , 是nike league中少有的一人 !

操練過後 , 隊員們都仲係甘開心 ga !

35號 - 陳梓仲 手上拎住既 , 
就係今年入選nike league team所送既球鞋 - KD III


後記
今次少問了些關於隊中的問題 ,
所問的問題 , 大多都在上面POST了出來 ~~
不過 , 當然我都有問到關於達sir 的小小資料啦 !

原來上年達sir因工作關係 , 而並沒有當上nike league 任何一隊的教練 ~
未知今年執教 , 成績會是如何呢 ? 拭目以待啦 !

閒話當中 , 先知道原來達sir都係住在元朗 ( 我都是同路中人呀 , 哈哈 ! )
要走到沙田 石門教波 , 來回都要2小時多的車程。
其實 , 達sir 都講到nike league當中都有不少球員 / 教練都住在屯門 或 元朗區。

哈哈 , 睇黎 屯門 同元朗區都有不少好波之人呀 !
----------------------------------------------------------------------------------------------------------------------------------
最後 , 當然就係送上post照一幅  ,,, Magic ~o3

騎士隊 加油 !!

聽日繼續下一隊的介紹 ~ :)

-----------------------------------------------------------------------------------------------------------------------
其他特派員報導：(最新的post) HOT !
Issac： 常規訓練速報 (1) http://blog.qooza.hk/Skinskin?page=1
kwan：越級挑戰，遇強越強 (U19+U22)
http://blog.qooza.hk/ArKwan?eid=24263064
kevin：隊際訓練之U16 泰坦和皇峰隊 Part 2 + 籃球小知識
http://blog.qooza.hk/kevinwht?eid=24262604
angie：Team Training 預告~
http://blog.qooza.hk/AngieArmchannel?eid=24263517&bpage=1

未有我地特派員facebook群組讚好 的 朋友仔 , 記得快d上 ：
http://www.facebook.com/home.php#!/pages/NIKE-LEAGUE-REPORTER-2011/172025106178983
讚好啦 , 甘就可以收到我地特派員最新資訊啦 !
如果讚左既話 , 都叫埋其他朋友一齊黎支持我地特派員啦 !
有你既支持 , 就係我地最大既鼓勵啦 ~~

今日要同大家介紹既 , 就係 U16的天蝠 !
( 因為有人好心急想睇 天蝠既介紹啦 haha ~~)
(U22的隊伍 , 我都會好快講gala , 比d時間我)

好啦 , 先黎梗係唔少得一幅隊相先啦 !

哎呀 ! 而家睇番張相先發覺 , 原來有球員影漏左 , 29號的 對不起啦 ~
( 因為一隊應有14個球員的 , 攝於7月17日的操練日。 )
主教練：黃志明教練  [右一] (大家都會叫佢 - 明 sir )
助教：曾友正教練  [左一]
隊長：62號 - 李啟政 (花名：雞精 , 位置：PG) - 是上屆nike league 2010的MVP.
           更是今年U16的狀元 ! (所有隊伍中的First Pick , 第一選擇 )
[ 但根據nike league的官方網頁 , 雞精的位置應該是PF , 何以 .. ? ]
明sir安排的位置相信都有其原因 , 問題留待下回探討 ~
不過 , 雞精在U16中打法全面 , 射波都較準繩 , PG應是不錯的位置。

點解個標題會打成 嚴師出高徒
相信不用我多解釋啦 ~
明sir當然唔係nike league入面最惡的教練 , 他亦笑言自己還不是最惡的 ,
還有比他更惡的教練呢 !
不過 , 明sir教波 給我的感覺是幾嚴厲的 ~
整隊球員都應該感受得到 ~~


球員做得不好 , 明sir當然立刻 "提醒" 啦 !
看看球員們都很嚴肅的聽明sir講解 ~

還記得 , 在run form (組織攻勢) 上籃時 , 球員都好似有d驚左明sir既說話 ,
連普通的上籃都 "炒粉" ,
明sir就會即刻講 , 你唔係連甘基本都做唔到呀 ?!
無人防守 , 你都唔入 ?! 如果講句野都嚇親你 , 你落到場點打波呀 ?
其實 , 明sir講得好有道理 , 相信球員都清楚教練所期望要做到的東西呀 !

除此之外 , 球隊既紀律 , 亦係明sir想球員能夠做到既 ~
每次練習完一個form / 上籃動作後 , 都要求隊員快速集合到明sir身邊 ,
( 每次都會讀秒 5-4-3-2-1 .. 球員都不敢怠慢到明sir身邊 )
聽聽下一個訓練的解說。這也是其他隊伍中少見的 ~

練習的時候 , 42號球員不慎"咬柴"

明sir都連忙幫他 , 先做一些初步的治理。
雖然平時明表現得有點惡 , 但係其實教練都好關心球員呀 ~ !
( 其實 , 上圖著緊藍色polo衫的是助教 ~!)
明sir仲會借出私家藥膏比球員搽 ~~
[ 大家真係要記住 , 打波前 , 真係要做足熱身 , 避免不必要的受傷呀 ! ]


佢地係度做緊咩呢 ? !
岩岩先講完 , 天蝠的紀律比較嚴 .....
何以而家個個都拎部電話出黎 , 係甘 禁...禁...禁...呢 ?!

球員們當然唔係係度 send sms / 打電話 la !
其實 , 佢地記低明sir電話 / 隊員各自的電話號碼 ,
因為明sir希望隊員間都要有溝通 , 同埋
如果訓練遲到/缺席個d , 就一定要打電話比佢講番原因 !
(當然其他球隊的隊員遲到 , 都有做番相同的事啦 ~)

後記
練習過後 , 當然唔少得 同明SIR做一個簡短的訪問啦 !
上面都提到 , 明SIR教波時 , 都比較惡 / 嚴厲一點 ~
我都有為此提問 ,

而明SIR既答案係：
其實我係想先急後鬆 ( 先嚴厲 後會放鬆少少) ,
令球員能夠專注係訓練當中 !
另外 , 對他們嚴格些 , 是希望提高他們都服從性及紀律 ,
還有是希望傳達比球員一個目標 !
[ 當然 , 明SIR亦有提到 , 而家既小朋友都比較難教 ,
  所以都想用這種方式來教導 , 藉此令他們明白紀律的重要性~]---

最後 , 又點少得 post照呀 !

祝你地成功啦 !!

天蝠報導完畢 ~
請留意下一篇報導吧 ~~