哈佬 , 又係我REPORTER 為大家報導我地今次的訪台行程 !

今次第一次上鏡 -,- , 希望大家不要見怪啦 ..

機場前的介紹 ...


去到台灣當地 , 我地第一站 , 就係nike 的employee store !
難得有折 , 我當然都不會放過這樣的機會啦 !
kevin都好似買到心頭好 wor ~
如果大家想知道 kevin 買左d咩 ? 就要去番佢個網 ,
睇下啦 !

之後 , 我地去左士林夜市 , 我地當然唔少得影番張相先啦 !
尼個就係士林夜市喇 !
 

甘我當然係士林夜市都同大家行番轉先啦 !


我地係入面都食了不少檔口的東西呀 ~~
 

這間寵物店 真出位 -,- ,,,


好啦 , 今日暫時都係甘多啦 !
LEBORN JAMES  聽日就會黎到台灣啦 !
想知佢會做D咩 ? 就要留意番我同 Kevin 的BLOG啦 !

經過這一個多月的日子 , reporter 的這份體驗 ,
確實豐富了我的暑假不少。
[ 特別是 要工作的日子原來都不少 , 這是意料之外 ! ]

有時打blog只是想用詞 , 整篇文章的鋪排 , 都可能用上1-2小時 ,
要完成 較為長篇的文章 , 花上 3 -4小時都在所難免 !

其實 , 我想不只是我有這個經驗 , 相信所有reporter都應該有同樣感受 !

每次打完之後 , 都會重看一次自己的文章 ,
睇一睇有無錯字 / 打得不清楚的地方。
不過 , 打完blog , 再用另一角色去看的時候 ,
就總會覺得自己打得不久詳細 , 好快便看完。

不過 , 有時就算篇幅短 , 也可能用上reporter的不少時間 , 精神 , 心血來打的。

[上一篇 , 可能都因為比較長篇 , 都打得比較長時間 ,
 所以看不出有問題 ! 在此 , 我都多講聲抱歉 ! ]

在此 , 亦要多謝一班的nike工作人員 , 有問題的時候 ,
時常都要打擾他們一下 ,  感謝他們的回答 , 幫助 !
亦要多謝教練們 , 肯接受我的訪問 !
縱使 我問的問題可能有點悶 , 有點不著邊際 , 但他們都耐心解答 ,
亦繼續給予我發問的機會 ! 所以在此 , 都感謝他們的體諒 !

一班球員 , 我都多謝你們的每一場的球賽演出 ,
充實我們reporter的內容 !
我更想多謝 u22的球員 , 入camp的幾天 ,
大家都熟識了不少 (我覺得) , 能夠與你們一起同住 ,
哈哈 , 這都是緣份呀 ! 希望 , 之後都有機會見面 !

另外 ,  我都想感謝 每一位在facebook / blog上讚好過的讀者 !
無你的支持 , 我都不能夠堅持打blog 打到今時今日 !
[ 講到好似打左好耐甘添 , haha : ] 真的沒有支持的話 ,
我可能就早早放棄。
(因為家人都不太支持我做這份工作 .. )
特別是讚過 我的文章 的你呀 !!

大家唔介意 都可以 add我fb 呀 ! ( Fung Lo , 有一張好colourful的profile pic. )
希望大家之後都可以做下朋友 ~  (特別係u22的大家)
--------------------------------------------------------------
其實 , 我地特派員之後都會出訪台灣 , 採訪一下 Leborn James的台灣之行 !
究竟會有咩事發生 , 希望大家都會留意我同 kevin的報導啦 !!

今次亦係我有生之來 , 第一次去台灣 ,
第一次出外旅行 , 但係當然不只旅行甘簡單 !
我地首要的 , 都是要為大家帶來有關Leborn 的報導啦 !

報導手法 , 風格亦會有所改變 ,
希望為你帶來新鮮感吧 !
我都要開始執行李啦 !

 

騎士隊 贏左波 , 當然都好開心啦 !
一場大戰過後 , 兩隊球隊都辛苦喇 !


贏波之後 , 就即刻影番張隊相先 !


大家真係爆開心 !

臨入更衣室 , 隊長同我講 ,
佢當時於第4節尾段 5犯離場 , 只能夠係場邊睇住比賽的3次加時 ,
如果係因為甘樣而輸波 , 佢就真係會喊出黎啦 !!!! chok番張相先 !


之後亦都有問德哥 , 當棟梁5犯時 , 有咩感覺 ?
答：會以為自己仲有得打 ....
       但係好快 (一球之後) , 就連自己都5犯出場 , 真係好灰 ...

加時賽追分的最大功臣 ! 亦是攻入最後入球 , 奠定勝局 !
騎士隊 9號梁浩健。
(雖然未加時前 , 表現有點差 ... )


之前答應左我 , 話贏波先比我影他 (6號 - 韓旭健) 和他的家眷。
應該唔使我多講佢地既關係啦 !


騎士隊三巨頭的另外兩位 , 各自都帶埋自己的女朋友到場支持 , 哈哈 ! (真羨慕)


大家都識英雄做英雄 ,
2隊的射手一齊影相 ~ 潘嘉駿 與 施嘉朗


熱火隊 , 我都好支持你地呀 !


其實 , 之後我都有 同番 趙sir 做一個最後的訪問 ,
(一直都覺得趙SIR好惡 , 所以之前都未係好敢走過去做訪問 , 加上今次氣氛又好似有d差 ,
 今次的訪問都是硬著頭皮 去馬 ! )
問：打完比賽之後 , 你覺得球員打成點呀 ? 都打左3次加時 ...
答：ok , 甘昨天我們都進行過2次加時。同埋 , 其實 鄭澤個2球 (罰球) 唔入 ,
        我地就已經無得加時。即係可以說是折磨 , 亦都可以說是一個機會的磨練 !
問：冇冇話邊一球機會把握不到 ? 其實之前都好有機會贏的呀 !
答：如果要講把握得唔好的 , 我地係有好多 ! 譬如我地往往贏緊3分 / 5分 ,
       佢地 (球員) 就好心急想變成7分 / 9分。甘樣就比對方 ,
       將個比分變成3分 / 1分 , 係我地自己隊波d人 無耐性 !
       不過 , 我覺得 , 如我正話係更衣室都講 ,
       唔係甘多好似這樣的機會去比一班球員去磨練 , 或者比個經驗佢地 ,
       衰左 , 下一次應該知道點樣再打 !
       甘我覺得 雖然我地輸左個冠軍 , 但係我地攞左好多經驗 ,
       同埋佢地 (球員) 經過3次加時 , 係好攰好攰 ! 佢地都支持到 , 係好值得欣賞 !

講到這處 , 身旁的謝sir都開開玩笑 , 緩和一下有點失落的氣氛 !
謝sir：我係另外一隊做助教 , 無得去鼓勵球員 ,
            人地可以鼓勵下教練 , 球員 ,自己就乜都做唔到 .. 你話幾慘呀 ~ 
趙sir：佢比我收買左gala ~

之後要返返正題 ,
問：其實之前隊制訓練個陣 , 都講過 , 話輸左波就要 _ _.... 甘你地會點做呀 ?
答：我正話都有講呀 , 唉 比你 (謝sir) 講下啦 !
謝sir：拿 ! 說話要甘講 , 贏左教練 , 贏左球員 , 係輸左隊波姐 ~
            尼d野都賺番哂啦 ! 係咪 ?! 唔使做尼d野ga !

講講下 , 話題又去到旁邊的教練身上 , U16的翼龍隊教練 !

(其實點解我會影佢 ?! 因為我覺得佢好熱血呀 ! 球隊入波 , 佢同成隊波都一齊歡呼 !)
謝sir繼續講：U16個隊 贏左冠軍 , 都剃左頭 !
                         22歲尼班亞冠都剃埋頭 , 打哂喇 !
問：點解呀 ?
謝sir：因為u16贏得唔夠光彩呀 , 未夠殺落去呀 !

訪問至此 , 3位教練都哈哈大笑 ,
似乎 趙sir之前的失落感 消退多了 ,
本來眉頭深鎖的趙sir , 都展現笑容啦 !
今次的訪問亦在笑聲中 , 完結喇 !

至於佢地會唔會剃頭 , 當然就要睇番球員佢地啦 !
我都不便多問啦 ~
--------------------------------------------------------------------------------------------------
今年的nike league 亦都於當天完滿結束啦 !
不過 , 我地特派仲有任務在身 ....
事關 ,,,
聽日先話你知啦 ! 早d訓啦 ~ bye
 

今次即將報導 , 今年度U22的總決賽 !
騎士隊 對 熱火隊 !

本來U22的總決賽 原定於6點30分開始 ,
我想是鑒於近幾日 U22的收看率並不高 ,
所以大會都將U19的決賽放在6點30分 (即今年度 所有組別的最後一場)
作為壓軸 !

不過 , 今年的U22決賽 , 我肯定各位觀眾都睇得相當興奮 !
相對於其他組別來說 , 都應該是最可觀吧 !
因為在最後關頭 , 兩隊的比數都相當接近 !

好啦 ! 去一去番現場情況先 ~
比賽之前 , 都和 熱火隊教練 - 趙SIR 做了一個簡單訪問 ,
問：去到今場決賽 , 會有什麼策略應付騎士隊 ?
答：我諗都係主要針對番 對方的3個得分點 ,
        潘嘉俊 , 蔡龍德 和 韓旭健。
問：前幾場 , 鄭寶揚 / 鄭澤 都早早2 / 3犯 , 今場會唔會特別針對番這點 ,
         特別提醒番佢地呢 ?
答：我諗打左四場波 , 其實佢地22歲組別既球員 ,
       犯規多尼樣野 , 我會比番佢地自己調節啦 !
       其實打左甘多場 , 我地D後備球員都陸陸續續融入球隊 ,
       同埋有表現 , 交到貨。 所以我諗尼個問題都唔會特別大。
問：經過甘多場比賽 , 教練你會對自己隊有什麼評價呢 ? 
答：其實我諗佢地打22歲組別 , 四隊球隊 , 基本上最難打的 ,
      都應該係跟我 gala ~ 因為我會對他們每一樣東西都很挑剔 !
      甘其實之前每一次我都會提佢地gala , 就好似正話開波前一樣 ,
      我會比佢地知道我會挑剔佢 / 鬧佢 / 責備佢 , 但係並不代表我不欣賞他 !
      其實 , 打到黎尼度 (決賽) 佢地都好叻 gala !!

好啦 , 回歸正傳 ~
兩隊的出場介紹 ! 白衫 - 騎士 , 紫衫 - 熱火


開波前 , 兩隊的球員都先先握一握手先 ~


握手過後 , 比賽就立即開始啦 !


開段 , 初期 , 騎士隊 6號隊長 - 韓旭健打得不錯 , 不斷摌籃得分 !
面對3人防守都未驚過 !


不過 , 熱火隊 有近幾場賽事得分唔錯的13號林澤銑 , 追回失分 !
( 雖然前一日的加時賽 , 是因為他放棄罰球而產生 ,
  但是今場都有不錯的發揮。)


騎士隊 3個重要得分點 狂攻 !


雖然騎士隊猛攻 , 但係熱火隊的得分都不弱 ,
第一節打成12：12 ! ( 今次到騎士隊的6號 , 有5犯離場的危險啦 !)"
第一節就已經3犯。


由於甘早就3犯 , 6號隊長都要被換下 , 帶波上前場的 ,
竟然會由最高大的德哥帶 ? !              


熱火隊 - 16號朱其聖籃底射波 , 投籃 !


半場前 , 騎士隊的最後一擊 !

熱火隊 以32：26 , 帶領6分優勢完半場。

半場 , 兩隊人馬都步入更衣室 , 制定下半場的應敵策略 !

 
半場出番黎 , 比賽又開始啦 !
熱火隊 的 2個主要得分 , 17號留棟梁 以及 5號鄭寶揚 都有騎士隊專人防守 !
無論2位球員走到邊到 , 總有一個騎士隊員緊貼其身。
而防守 棟梁的 , 竟然係 身高差成個頭 的騎士隊7號李頌民。


一對孖寶 , 雙鄭 - 鄭澤 , 鄭寶揚攜手出撃 !
鄭寶揚 飛身 半射半上籃 !!           鄭澤無懼蔡龍德防守 , 成功上籃得分 !


第三節即將完結 , 熱火隊仍然領先 ! 52：44 。
犯規數 , 大家都不相伯仲 , 但係騎士隊已有2名球員4犯。要諗諗辨法啦 !


第4節又開始啦 ! 去到最後6分半鐘 , 似乎都有明顯分差 !
熱火領先8分。


熱火隊 13號林澤銑 , 又博得罰球 !   8號施嘉朗上籃 !
 

不過 , 騎士隊的一輪搶攻 , 德哥連攻入5分 , 加上隊長的2分。
騎士隊竟然追回只有一分的分差 ! 實在利害 !



第4節的最後一分鐘 !
全場最緊張時刻 !

不斷追分入波的騎士隊隊長最終5犯離場 ,
而對方 熱火隊 17號棟梁都相同情況。    

開始加時賽啦 !                          


以為蔡龍德可以係籃底打哂 ? ! NONO ~ 因為佢都要5犯離場呀 !


第一次加時 , final minute !


第二次加時 !

原本以為 騎士3巨頭 (主要得分點) 都走左2個 ,
尼場波都會係熱火隊贏多gala ~
點知 ....騎士隊後備入替的11號陳栢陽非常勤力 。
縱使射波唔入 , 但係都非常勇猛的搶回籃板 ,
有時更會博得犯規 , 獲得罰球機會 !
達sir都要提一提佢射罰球 , 應該點做 ~

最段一分鐘 !


最後一加 !

最終騎士隊以 90：92 贏得最後勝利 !!

今晚會出多一篇 有關球員的小小訪問 ,
及熱火隊教練的賽後訪問 , 敬請留意 ~ !

 

今次 , 當然都係以教練為先的報導啦 !
u22的第二場四強賽：熱火 vs 速龍 ~
比賽之前 , 先先為2隊的教練拍一拍照 !
( 黑衫的是熱火隊教練 - 趙sir / 白衫的是速龍隊教練 - 安sir )

其實 , 安sir好早就到現在睇比賽啦 !
當我發現他的時間 , 正是U19的戰狼 對 雄獅 !
亦即時做一做個訪問 ~
問：今次你地將會對住熱火 , 要先輸6分 , 會唔會有壓力呀 ?
       (因上仗是 73：79 , 熱火勝)
答：其實都無既 , 始終相差唔多。
問：你認為今年新的賽例 - 將小姐賽的成績帶入四強 ,
        對於對賽球隊是正面 / 負面 ?
答：就番U22黎講 , 其實各隊的比賽分數相差不大 , 都是一 / 兩球波。
        這例都會增加比賽的緊張程度 , 你見到之前幾場U16 , 19幾場都追得很接近。
        尤其係 天蝠 對泰坦 , 原本在小組賽中贏10分的天蝠 ,
        在4強賽中 , 輸番比泰坦10分 , 變成加時賽 , 仲一加加足3次 !
        所以都真係幾緊張ga !
       不過 , 雖然緊張 , 但係就好似比以前少左一種 ... 應該是刺激吧 ~
       如果小組賽比數相差太遠 , 球員之後的比賽可能會覺得追不了 , 而有所放棄。
       或者 唔想輸太多 , 於小組賽輸 1 / 2分都會任由球隊輸波。
問：今仗會有策略對陣呀 ? 主力球員會否是林凱光 ?
答：今次都會首要封住 留棟樑的籃下攻勢啦 ! 始終身高佔優 ~
        另外 , 其實我會期望 7號 - 區年樂可以入多十分 , 幫助球隊取得更多分數 !
       上幾場 , 他的表現都唔差 , 但係都未達到我的預期得分 ~
       曾偉傑16號 - 表現都不錯 , 得分不差 ,
        希望他能夠守得住 對方 ( 熱火的PF) 16號 - 朱其聖 !
       上幾場 朱其聖都係籃底 , 罰球上進帳不少分數 !

訪問末段 , 趙sir都來了 , 所以才有以上的合照。
原來 , 在以前的nike league , 安sir 與 趙sir都對陣多年 ,
安sir 都概嘆說：上幾年又係對趙sir ,  今年又對番佢 , 真係 ..... ~

既然2位教練都坐埋一齊 , 我都不便打擾啦 !
去比賽啦 !

開波啦 ! 由棟樑 vs 楊文綱 ! 當然 , 就係身高2米的棟樑贏啦 !


17號 - 棟樑 陣守住熱火的籃底 !

開球時 , 大家都扭左一團呀 !                                    熱火的2個控球 - 鄭澤 / 鄭寶揚 !

不過 , 同上幾場一樣 , 鄭寶揚 於第一節的首5分鐘內已有2犯 !
趙sir都講一句：你甘樣打法 , 好難打全場wor！
之後寶揚都有留意自己的個犯 , 去到最完場前都未有5犯。

速龍隊 獲得不少罰球 ~
分別有 12號 - 林凱光 / 7號 - 區年樂 / 16號 - 曾偉傑


進入第2節 ,

速龍稍稍領先 !

熱火隊 16號 - 朱其聖 又站到罰球線上 !
 

速龍隊都好著重籃下防守 !


兩隊的大前鋒對壘 ! 16號的爭鬥 !
 

半場 已是 ...

經過多場加時 , 由u16的一場 3次加時 , u19又一場的加時 ,
今日最後一場 *(就是這場) , 亦因此延後了 ....

第3 與 4節 , 比數始終大家緊貼大家 , 不分上下 !
不如就直接跳落 最後的環節吧 !
去片 !



熱火隊的最後一擊 , 竟然 ..... ?! 射自己籃 ?!
請大家留意 , 係邊一面攻邊一面 !

在此亦為大家解釋一下 ,
如上一篇報導所說 , 小組賽的比數會影響 / 帶入4強賽的比賽 !
不過 , 若然 兩隊在4強賽時打和 , 則不受此限。
亦將要進入加時 !
只有在4強賽時 , 得分有差別時 , 小組賽的得分差才會帶入此賽 !
( 這亦是小弟 有所誤解的地方 , 希望我解釋得清楚吧 ! )

最後都被迫進入加時 !
於加時中 , 大家仍然不分上下 , 打到87：87平手 !
熱火的犯規 , 在這有點顯得危機。


進入第2次加時 !
熱火 16號 - 朱其聖 以及 8號 - 施嘉朗齊齊入波 得4分 ,
務求拉開比數 !
不過 , 施嘉朗5犯 , 被要求離場 !


去片 , 最後一分鐘 !

最後以97：91 , 熱火獲得最後勝利 !!

莫講話打的辛苦 , 就連睇 都睇到辛苦呀 !!!

睇到11點 , 一班觀眾都真的非常支持自己愛隊 !

亦辛苦一班的工作人員 以及 nike staff !