2015年6月18日 晚上

依加係葡萄牙晚上九點, 天色開始變暗,

花左一整日黎整理行李同房間,

萬事充足, 只欠東風~

聽日一早出發到機場,

目的地其實唔係澳門, 而係法蘭克福,

前往參加遊東歐的旅行團..

諗起前幾日先遊完西歐,

第一站去左西班牙 巴塞隆那,

第一次訓機場大酒店,

第一次比人打荷包,

第一次生果食到飽..

第二站去左法國 巴黎,

漫步凱旋門, 香榭利舍大道, 品嚐著名馬卡龍,

遠眺近看巴黎鐵塔, 速遊羅浮宮, 觀賞蒙娜麗莎..

第三站去左德國 法蘭克福,

進入香腸世界, 

散步城市每個角落, 尋找哥德式教堂..

第四站去左德國 科隆,

科隆大教堂威風凜凜站立在火車站前,

走不完的購物大道和生平第一件比基尼..

第五站去左荷蘭 阿姆斯特丹,

探訪著名風車村, 遊運河,

參觀博物館, 到處都是美景..

第六站去左比利時 布魯塞爾,

大廣場上被金燦燦的建築包圍,

朱古力博物館嚐新鮮朱古力,

十秒看完的尿尿小童...

期待下次東歐的旅程~