今日11點同老豆老母出去食野,係太平至彩園條橋見到miss ho,又好似審犯咁審我,問我有無溫書....
食完野,去左商務買返《麒麟滅世-下》睇...一路睇一路行返屋企...
行到返home,肥承就電話俾我,問我去唔去游水...我望下個天,再望下我個荷包,就話唔去嚕...之後魚麟又打比我,問我去唔去天平打波...之後又轉左去紅場打...就係咁,我就同魚麟&肥承黎個「雨中籃球大戰」....d雨係咁落,我地就繼續打...
打左陣,就去左華姐士多坐左陣...坐完,就去天平...問返幾時有場...點知要等到5點(個時大約係2:55)...鬼等佢!去左天平間m記食野...食完就走左去區場打波...點知去到,個場就lock...問個「食q」,佢先開返俾我地...但係,雖然而家無落雨,個場還是一大堆水積呀~正是這樣,我地三人就努力各揸一個剷,努力地剷水...
剷完水,又打得波...一開始玩OUT同三分OUT...點知成日俾魚麟漁翁得利,連嬴幾場...好彩廖杰唔係度,唔係又多左個「成王敗寇」GE請野飲制度...到時就大檸樂...玩完OUT,射左陣波又休息一回....我提議玩1ON1,但係魚麟就話2ON1,咁就應承左佢...一開始係佢對我&肥承...END10:3完場(WE WIN)...之後到我,10:0俾炒=.=再到肥承,10:8(WE嬴)....後來就真係玩1ON1,全場狂笑,唔知點解就係度笑,搞到認真唔到,輸10:7俾魚麟...之後去左借尿遁...返黎又2ON1,我鬥肥承&魚麟...不過,歷史唔有重複...我突然間鬼上身咁,無笑到,可能係諗返起上星期「死仆街」單野,成個人認真哂...JUMPSHOOT、FLY AWAY到了極點...再憑著勇敢GE個人切入,終嬴10:8....打完,肥承話玩15分,咁就應承左...點知唔知係唔係又有人上身,連中七球罰球,WIN左...我同魚麟射極唔入,唔玩...之後肥承又提議玩返3分OUT...哈哈~我突然間造左位個MILLER TIME,三分神SHOOT!屈到肥承T,魚麟OUT埋...本來我可以完美地嬴,點知肥承又黎多個Miller time,屈到我同佢一樣T...後來佢一個Turnover,air左,我終於都嬴返場啦!!打到6點七左右,我地就走左...
本來就大家一齊返home,但係肥承同魚麟佢地話出街食飯,就陪左佢地去大家樂食野...等左陣位,有人走啦~我就第一個衝左去坐...因為兩個原因!一:我睇《麒麟滅世》睇到好累,想坐低休息休息...二:隔離有個人都好似呢個位虎視眈眈,唔坐定咪搞到肥承佢地無位!?就係咁,肥承同魚麟唔知係以嘲笑定多謝ge態度話我「前鋒健」....我一路睇書,一路睇佢地食飯...今次,我直覺話俾我聽:魚麟會食剩野!SO,今次都不例外...我又唔知第幾次造左佢GE垃圾桶...雖然好似搞到我好節墮咁,但係,食得唔好哂MA!
《麒麟滅世》~O!MY LOVE.... |
