今朝一起身,就要即刻返學校奮進...唉~簡直就係浪費時間...

  返到屋企,又係即刻開msn...3x分鍾之後,見到肥承on左,就問佢打唔打波...佢亦都好順歎咁應承左...先行去紅場,見無位,再走左去區場打...途經陳融個陣,居然俾我同肥承見返「屎王」...唉~肥承都同我講:「都唔明點解屎王會咁樣衰!!我真係好想兜巴車落佢塊面呀!!」當然,我亦有同感...係區場打左一陣,我就向炎炎ge太陽舉左白旗,叫埋肥承去天平M記休息一回...之後,溫明魚麟陸續打過黎...都係話而家黎緊...食左一陣,肥承D陳朱FD就黎左...佢介紹佢其中一個FD個時,真係估唔到佢咁勁...世界跳繩團體賽冠軍!?港隊!?全港第二勁!?30秒可以跳到1XX下!?咁咪即係跳左30秒已經好似雞哥跳左一分鍾咁多!?有無咁勁呀....?

  食完,肥承就叫埋黃浩昇一齊埋我地去到區場...去到,就見到魚麟同陳丹係度...之後溫明同肥承GE一個陳朱FD都黎埋...射左陣波,陳丹就走左...佢走左,我地就鬥波...打左一陣...又係玩3分OUT....唉~20投0中?球球揼釘...釘王之王!?

  打左陣,就去左石湖墟個處買返條校褲同皮鞋...買完就即刻飛返屋企換3...搭278X去荃灣~去到,剩係上二樓個展覽廳排隊,講名+簽名,就好快咁拎左個兩個獎,搭返278X返歸...經過華明,就落左車,行左雍盛兜左一轉,買左支筆,就搭273A回到太平...

  去到太平,就行左去PARKn買大可樂...擺左個10蚊係可樂樽頭上,點知一震,個10蚊就跌左,好令地穿左落個籌款箱度...無錢,我點買呀!?俾個客仔同個收銀員笑我:「細路你都好準wo~」後未,個客仔就施捨左10蚊俾我,我先可以有錢買返支可樂...(黑仔到爆)

  係屋企食完飯,老豆就逼我陪阿媽一齊出惠康買野...係惠康兜兜下,居然撞到家榮...唔係係度撞到佢,我都唔記得家榮佢住平靜添...阿媽一買,就買足$2xx ge戰利品返屋企...重到就死啦...點解會有咁多野架!?

  8點幾個時,zero就打電話俾老豆,問我黎唔黎花都食m記...佢出到聲,我緊黎啦~黎到,騙了一個加大ge 9件麥樂雞餐+兩隻脆香雞翼後,再奉爹親口說下的「聖旨」,再拎多兩個脆香雞翼餐返屋企...10點幾先返到home...咁就係出面搞足兩粒鍾左右....時間過得真的很快哦~

  係屋企,又係開msn....溫明無啦啦@我,問我今日我係荃灣拎獎點,之後又帶到蔥頭今日同黎宛鈴係彩園出現,最後更加拉到我呢邊...溫明ge「愛情心理輔導time」又黎...聽完溫明講,我心裡愈來愈矛盾了!!該怎樣做才對呢?真的不知道...