今朝一早九點幾就俾廖杰拖左出去紅場打波....打到十點半左右,就返左屋企...因為之前珊話12點去聯和圖書館,所以都要返屋企整整下先...

  12點...琳就打電話俾我,問我去到邊...果時我岩岩搭小巴到左聯和,掙在到圖書館前面個站落車呢個程序...12點08分,我上到圖書館....見到琳,點知睇返四周,原來得佢一個係個,我亦都唔係最遲個個^^...係珊佢地黎之前,我順手攞左本白話二十五史中GE「遼史、金史、元史」同「明史」兩本書睇睇...等到珊佢地黎,一見到我睇緊史書,就係度話我咩「史」同學=.=走個時,大約係1點左右啦...但係我地唔係一出圖書館就返去,係去左海聯買左D凍小食食左緊,之後就飛的返左去雍盛打波....(唉~而家D人有米啦...飛的...我自己有米個時都唔捨得呀~)打左陣,後來珊佢地又話好多蚊,好煩...就咁就去左商場....行到商場個時,既然佢地都話要走,咁我不如去紅場搵返溫明佢地...打電話溫明,點知聽個個係胡梓,講講下又問問下,就咁應承去紅場搵佢地...

  去到紅場,就見到胡梓佢地坐左係個排球場度...見到佢地咁,就一齊坐左係度...坐坐下,無啦啦有三條友行過黎問胡梓佢地:「你地跟邊個嫁?」超就答係小白...條友之後又問:「你地之前係唔係吹雞打人呀?」胡梓就問返佢地係唔係拋我地個波上廁所頂條友...條友就話個條友係佢師弟...最後又問胡梓有無打到,因為胡梓佢係吹雞,無真係打條友...所以胡梓就答左無...條友聽到,就話:「無打到就得啦!」又過左一陣,突然有班人黎左同條友傾計,果時見到有個剷青頭GE大隻佬...超強...睇真D,好似仲勁過我阿哥咁...胡梓驚有事,就叫我同溫明、廖杰、肥承走先...

  踏出紅場,溫明就話去石場搵肥幫...既然廖杰&肥承都話無所謂,而我都無所謂...就咁,四丁友就去左石場打波...四時幾,個太陽熱到想死...我個身愈黎愈興,就除左件衫,坐左係張長凳度休息休息...休息完,又打返波...同石場D人鬥波,俾人問我幾歲,我話十二歲,今年生埋日就13...佢又問我...咁我個六舊腹肌(其實有八舊架~係第七同八係肚臍旁,俾條褲遮住左姐)幾時出黎...我好誠實咁答返天生~家族遺傳,我屋企人又係有六舊&以上,不過無我咁大舊同六神合體左姐...)個個人就講返...唔怪得我F.1都係得152啦...原來咁多肌肉=.=除左腹肌,仲有右手舊二頭肌)其實我都唔想嫁~個六舊我唔練都有,二頭我就更加唔知幾時突出黎(我一直以為係之後拗單簧做成,之前我同人講做掌上壓其實係講下笑,做就做過,不過做左兩、三下就懶做)~

  係屋企,成個夜晚都係執書包同執返屋企D野...唉~執到就死啦...一覺,訓著左~

  一起身,就7點5...死得...返到學校個時都已經差唔多8點=.=一返到去,諗住攞本手冊出黎抄野,點知先發現唔記得帶....個時搵哂成個書包,見無,向後"姪"左一"姪",俾珊罵我,唔好成日嚇佢....

  上中史堂,又發現唔記得中史書,...我五次都係唔記得中史書=.=俾miss choi小息留左係1E度罵左一陣....唉~

  到左演閱,我又發現我唔記得係locker拎返本music書....所以演閱完左個時即刻叫譚程係我locker攞返本music書黎(知我地班排位都知點解我會叫佢啦~)點知佢真係幫我係maths堂個時攞左出黎....真係thx呀...譚程....

  雖然我攞返本music書,但係我仲有支牧童笛留左係home....唉~點解我今日唔記得帶咁多野架....xyz%$%@)*~

  放學個時,miss ho叫我攞返之前溫過個d書出黎默....點知佢話過少,又問我點解星六日係屋企得閒到訓教(又係個張吻系啦!)....唉~又俾人散一餐....後尾佢話攞手冊出黎走得個時,我又無帶手冊,又俾佢散...之後要我抄學生生活守則第十三頁成項字x4次....

  走個時,比平時model time早左兩粒幾鍾....6點走得!?正~就係咁...我同廖杰去左我太平樓下間百佳門口個幾張凳仔傾左陣計...傾到6點50分左右先返home....

唔好灰心呀~Wade!來年仲有機會架....