今日,考體能...聽到阿sir話溫明跑26個,我就真係跑到26...本來我想同佢一齊上榜,點知傑pat強到有28...唉!輸得好攞皮添...點解無啦啦有班女係度跑架!?點解梁泊會抽筋架!?我跑到26已經好樣衰啦!仲要有班女陪跑阻住!?玩我呀...跑完又做完sit up之後,我突然右側大脾右側同腰肚都抽筋抽到好勁,但係過左陣無事,咩都收收埋埋...(其實我跑時頭幾圈腰都痛,頂硬上咋!因為,你就我的努力之源~)

  午膳係樓下食完兜麵,上去搵溫明...溫明話佢做柔軟度有8marks,掙2marks先夠江展黎...所以溫明就同我呻:「如果鄭舜傑同江展鴻無返學就好嚕~」雖然跑12分鍾同柔軟度溫明都落敗,但係佢sit up起碼係我地f.1最高,7x下...但係,我而家仲好介意梁泊個句-如果蘇子你唔係做sit up做多左d動作,應該會有6X至7X下...(我54下~)不過故係梁泊講姐,我估我其實同7X下無緣....

  放學,又俾個MISS HO sm...叫我默第二課家政note ge食物金字塔、健康指標(九點)、第一課同第三課ge貯存同選擇+中文五感描寫同擬人擬物(除中文,全中英對照)...默完,有一次我去搵佢講今日我會溫咩,之後佢跟住我一齊返左102室...我特登行得好正經(平時我係彎腰咁行)黎講俾大家知miss ho係我後面,但係邱家威唔明,搞到俾miss ho見到佢出貓....之後,因為廖杰係借本NOTE俾邱家威,搞到佢地雙雙被罵+記野....SOR呀...我唔想架!係你地唔明我行路GE意思,而且最重要係,我無報串....之後,廖杰同邱家威走左,我同MISS HO講返我地聽日要參加升旗禮,所以午膳黎唔到...點知,俾佢見到我3袋收埋左張貓紙,好彩佢只係罵得我好勁同懷疑我,唔係我又好似邱家威咁嚕...

  離校,去左我樓下間百佳買甜筒食...點知我居然抽到可以再NO$食多次...呢D係唔係叫「安慰獎」呢!?

傑PAT看著吧!我一定會下次嬴返你架!!!唔係我唔叉姓蘇~我對唔住阿哥....

  朝早7點幾就起身...又係靠阿哥部psp黎消磨時間....

  11點左右,廖杰無啦啦打電話,叫我出紅場...去到,又係無野做,剩係係度睇handball d比賽...

  睇到1點左右,走左去彩園打食野...行到火車站去彩園條橋個時,見到蔡欣意同一個人,我同廖杰扮睇佢唔到,直行直過....

  2點左右,同廖杰去左粉嶺圍搵魚麟打波...打到3點10,琳就電話黎,佢問我係邊,我答佢係粉嶺圍,佢就話無野收左線(姐係點?)....3點29,溫明又打電話黎,又問我係邊,之後又話無野收左線...

  4點左右,跟住魚麟、陳丹同趙志豪去左佢地間中學-FLSS玩....正~搬d野係籃底,之後企上去玩灌籃....人生第一次,就係心誠....玩左一陣,佢地無啦啦行左入女更衣室度,嘩~個女更衣室...仲有d女d香氣留底,個陣都聞到呀...行左出黎,坐底左係心誠個壁畫梯度「show野」....廖杰,無庸置疑,「黑森林」....不過廖杰我一早知左好耐,無咩咁神奇,但係唔到,我早左魚麟生毛兩三個月(大約係1年),佢而家d毛居然仲多過我...係我發育慢定佢發育快呢?唉...

  到左5點2,廖杰就電話俾yung,問黎唔黎得...佢地講咩我唔知,廖杰剩係傾完之後就叫我去雍盛...去到雍盛,又唔見佢地人影,姐係點?同廖杰行到花都華明個頭時,yung無啦啦sd sms俾我,問我到底黎唔黎....我話黎,佢就話佢地已經歸家去了=.=之後順水推舟,問返3點2個時打俾佢地打俾我做咩...原來係話「可能」(可能!?)去上水同蔥頭買禮物....

  返到6點45,廖杰話要搵梁泊做返畫簿,咁就叫左梁泊落黎...傾左陣計,廖杰就返左去,得返我同梁泊...後未再傾多幾分鍾,梁泊就話要返屋企溫書,又走埋...無哂人,我唯有返屋企嚕...

  係屋企,娘親話唔煮飯,俾底$我出去玩排骨飯...今次連食兩兜排骨飯,飽哂...