今日朝早,同魚麟一齊去大埔睇比賽...係火車站落車個陣,我同魚麟講我地打李家誠,佢就即刻衝左去體育館度,話有令女睇...點知去錯館,明明係大埔墟睇錯大埔...搞到搭左架巴士走...點知到左富善個陣真係忍唔住,直接飛的過去大埔墟...
去到,剩返個幾分,我地班女排就俾人ko左...後來,同魚麟坐左係樓下街市食左陣野,就各自返左屋企...
返到屋企打左陣機,胡梓就叫我去睇戲...橫掂無咩搞作,就陪左佢去睇戲...原來係上水同重豹、胡梓、賢&超同我一齊搭火車,點知去到大埔個時就落左車,話要等一個人...後來,無等到,就去左沙田先等...去到沙田,等多條友一陣,佢就黎左啦...因為我唔知佢咩名,剩知佢叫輝,所以就叫住佢輝哥先啦...我地5點左右去到沙田,但係因為比之前個場遲左幾分鍾,所以就要等7點個場...係等個時,我地就去左m記嘻足到6點半...6點半,佢地又話去冒險樂園玩,咪跟佢地去囉...最記得個輝哥...玩個個揼鎚仔個game,話自己要打到99爆game=.=入錢個陣,佢唔知做咩,手滑跌錢,跌到個硬幣唔知去邊,後未多得胡梓幫佢搵返...跟住就俾我地笑佢爆game...
玩到就7點個陣,我地成班人就真係入左UA睇戲啦...勁好睇呀蜘蛛俠3....尤其是係d打鬥場面,極~正....9點半個陣,終於睇完場戲(其實場戲無咁耐,係一開波d宣傳片搞咁耐姐)....唉~又去冒險玩...重豹同和超玩個個世界盃,玩輸一場就5蚊...超就係咁,加埋之前問重豹借d錢,掙左重豹60幾蚊....玩完,諗住走個陣,重豹同個爆game見到有兩條令女(頂級令個隻!一個cute一個索,如果佢地係我地學校,一定做硬校花)~就係咁,重豹就提意邊個猜包剪揼輸左就要移去同兩條女攞手機number...點知,重豹佢自己輸左就賴貓...後來,搵唔返條女...本來就咁算ge,點知又俾我地撞返...跟左佢地一陣,爆game就同重豹移過去問個兩條女電話號碼...最後成功我唔知,我剩係知,我同胡梓對呢d無興趣,同重豹佢地分開兩派姐....個時我見11點幾,但係佢地又係度溝女,而胡梓又話見頭暈,就同我一齊搭火車返左上水....搭火車個陣,我同胡梓提起重豹d野...從佢所講,我先知原來重豹真係異常好打...同上官4個身高17x,大大隻隻geF.3玩4打1(俾人4個打佢一個),都可以禁住人地打,自己一次都未俾人打到...咁仲唔係異常好打!?
返到上水,行到火車站條橋就見到家平,但係唔知佢真唔識我定扮唔識,無應我...行行下,見到油渣麵,就順手買左一兜返去食...好耐未食過油渣麵啦~味道尚算OK...
|
