今朝勁特別....5點幾就起左身,見無野做,就即刻開左阿哥部psp玩nba live06,玩埋個仲掙三場 ge season....
返到學校,因為今日係一年一度ge校園建設日(校慶),所以今日都會同平時唔同左好多....返到黎個時,因為唔比上樓,成幾百人堆哂係十周年花園、A場同小食部,熱鬧到不得了....等左幾分鍾,就成村人係A場集隊入禮堂,聽個校園建設日ge開幕儀式....聽完,就又係成村人衝返上課室嘻...等到miss cheung,又係有15分鍾傾返個drama....傾完就逐組出黎做....後來,經大眾ge一致決定後,決定左梁恩慈個組出去"走訪"....基本上,B、C、D三班個drama都無咩特別,係A班個個drama先怪雞....做左一個關於灰姑娘ge故仔,sale一對"玻璃鞋"(其實係白飯魚)!?同校慶有咩關係?唔明...
係上面睇完drama後,又要落去跳大繩嚕~練左陣,先輪到我地跳...不過,真係如miss cheung所講,通常都係文sir個班win,今年都係(入繩人數:廿九人)....後尾頒獎,講到f.2,估唔到2A居然有三十五人....差一個就平左校史紀錄!?仲係要今年全校第一??有無咁強呀....
校慶完左,曲終人散嚕~本來迪爺佢地拉大隊去上水食LUNCH GE....但係因為等唔切徐偉杰,所以自己拉左一班"無義之人"走左佬...我就同雞哥、蔥頭&李肇尉係田家炳繼續等...等左成三十分鍾,入返去兩次,miss cheung先肯俾徐偉杰三十分鍾去食lunch....點解徐偉杰會俾人留?因為佢之前係度講笑,講左句「底褲」,就咁俾搵到個藉口留佢....同佢地去完嘉福間茶餐廳食完野,徐偉杰就要返去繼續留,而雞哥同李肇尉都自己返左屋企,我本來都諗住返屋企,但係蔥頭話要去石湖墟,所以就帶佢行到馬會,就真係返到屋企...
係屋企,本來都諗住訓陣覺先...但係琳就無啦啦打電話黎問我去唔去雍盛,既然有人約我,哪有拒絕的理由!?就咁,我就搭左273A去雍盛....搭到清河個時唔小心訓左覺,到左華明先起返身,不過好彩我識起身姐,唔係就大濟....到左,打左陣波,就去左OK買野食...買完,就陪佢地去左雍華後面個公園仔傾計,傾得幾開心,仲影左一D相添....傾左大約一 粒鍾,先各散東西....
行到嘉福時,阿媽無啦啦打電話黎,問我出唔出街食飯,既然阿媽出到聲,哪有拒絕的理由!?(不過今個星期居然有兩日出街食,少見少見~)食完,返到屋企上MSN,琳就SD返 D相俾我,發現自己載眼鏡個樣真係有D搞笑=.=
|
