嘩~今日一起身,個天就勁大雨....撞鬼咩??屋企又搵唔到遮,諗住衹係過雲雨,只知愈落愈大....返到TKP個時,已經變左隻「落湯雞」....

  小息個時,無聊....江展又無啦啦走過同我搭「傘」....突然之間,我諗起一個想法:不如同江展拗場手瓜,睇下而家d力去到邊先....就係咁,就同江展拗左一場...哈~一開波,又係我慣例---讓人用力先~江展佢用力拗唔低,我即刻講句l「你用咩呀!?」一野,kaka,ko~今次完全可以話係我復仇戰呀~我二月個陣時同佢拗,我用力拗佢唔低,而家角色終於調轉嚕....成班1E,現時只有徐偉杰同廖杰可以拗嬴我??

  上PE堂時,因為今week係校園建設日,所以要練跳大繩....跳呀跳呀~累呀累呀....

  午膳,本來就1:00pm要上家政室做功課,但係因為家政室鎖左+miss ho係校史室,所以今日就匿左係1E度嘻....

  放學,又係要練跳大繩....都係「跳呀跳呀~累呀累呀~」....

  跳完又要去102room留堂,唉~煩呀....7點幾做完功課,miss ho佢叫我默書,我話默第四課,點知佢話小得濟,要默埋家政全四課....咁我就緊係默唔出啦....就係咁,被人罰抄穀類、蛋類+水果三課全部note=.=

  一返到屋企,又係指定活動---上網睇NBA賽果~哈哈~金塊今日嬴馬刺95:89呀....A.I(Anthony&Iverson)組合聯手得61分,AI(Allen Iverson)個人獨得31分呀!!! ＹｅａＨ∼∼∼

Nuggsts加油呀!!!要嬴Spurs,繼續晉級呀~~~

  今日,一早起身就去左和興睇班女丙比賽...全場都無咩特別,衹係,我諗,如果女丙無左鄧天兒,可能真係唔駛比啦....

  睇完,就去左同蔥頭&溫明係華明間大快活食野,但基本上溫明只顧打機,都無食野。呢餐,$28.5,損失慘重....

  食完lunch,諗住返到屋企換完衫先去和興,應該夠鍾....點知,遲到成35分鍾有多,仲累埋徐偉杰....無啦啦咁就俾人罰跑和興個籃球場10圈,但係基本上都好輕鬆,但係始終太耐無練過跑,所以比以前吃力左少少....跑完之後無咩野,係謝(木百)陽要徐偉杰跑多10個圈,其實徐偉杰跑完10圈已經差唔多無哂氣,仲要佢跑多10圈係叫折磨!同謝(木百)陽講,可唔可幫徐偉杰跑,佢又話唔比,即係明玩人姐....搞到我練波已經無咩心機,因為其實成件事係我錯在先,唔關徐偉杰事....

  比賽,謝(木百)陽唔比我同徐偉杰出黎....本來我都幾開心,因為我根本無諗過想出去,只係徐偉杰....到左第二局,謝(木百)陽比我出黎,但係我都無咩點認真,嘻嘻哈哈咁....橫掂都係輸,我出黎已經無用....唔駛俾我出一陣,黎安慰我wo...就係咁,連輸兩局ge姿態輸左俾心誠...輸左唔緊要,但係謝(木百)陽佢先夠煩...講咁耐做咩姐!?算啦....

  謝(木百)陽佢講完野之後,我就自己一個好孤獨咁搭273A返屋企....唉~累,累,累....

  係屋企,無無聊聊...悶,悶,悶....就上下網消磨下時間先~係yahoo見到九型人格,傻傻下咁就做左個九型人格ge測驗....估唔到,原來我係第九型---和平型!?