今日一大早起身,

去刷牙洗臉,

點知我細佬已經出左去啦!

搞掂曬...

之後去出發囉!

由於我唔行開另一邊架地鐵站,

所以有d行錯路,

不過有驚無險終於到達地鐵站e出口,

之後,

就到左目的地囉!

換埋鞋,

坐左一陣就開始我做服務生啦!

初初有d搞唔明,

但後來帶人上線,

帶下帶下就上手囉!

初時都幾踴躍,

但後來都係系張椅子到坐,

觀看一下賽事,

都幾輕鬆下,

不過,後來真係唔好彩呀!

竟然落雨喎!

好彩果度有大傘,

遮到幾個人,

不過把傘有d滴水,

好彩我站果邊無姐,

後來還有雨衣著,

都幾lucky架!

 今日體育堂,

考水運會d野,

oh!大多數都唔識做呀!

之後下半堂就出左去...

傾左一d選科架事同大陸讀架野,

唉!

到而家都唔知自己想點,

唔知想讀邊科好,

睇住每個人都已經揀左自己選架科,

唔會改變主意,

而我自己卻優柔寡斷,

心大心細,

唔知揀邊科咁...

真係心灰呀!

尋日系學校玩左一陣uno,

咁多局中嬴左一局而已,

之後等埋麗珊就走人啦!

返屋企食完飯後又要返學,

去果個家長晚會(中四選科果d),

本來打算同呀媽一齊來,

但佢一d都唔緊張咁,

還絲絲然系度食飯,

無辦法啦!

反正佢7:30分先到,

自己一個行先囉!

一路行一路同黃佩儀傾計,

到ok果度同佢會合,

第一次見到佢呀媽,

之後一齊返學,

去到還見到toby同梁潔露系到等緊佢地家長,

我就同埋佢地一齊,等埋我家長先入去,

聽完之後都覺得無幫助,

之後我呀媽問jim sir我岩讀咩科,

之後jim sir話我入咩班都得,

但我數學唔好,

入理科會吃力一d,

附加數真係好難...

唔通真係要讀文商?

p.s.唔知大家覺得我岩讀咩科呢?

 今日去atec,

整個環保袋,

系車野果度,

我首先車個整袋仔果塊布,

車完之後,

發覺d線唔係直線,

睇返個衣車,

 原來果度係12度,

直線係13度呀!

搞到我又要拆線,

之後charles系我拆線期間用左我部衣車,

之後我拆完線去幫下佢啦!

佢整完之後,

就到我車返啦!

之後d線又唔岩,

原來佢整估我,

搞左8度呀!激死我呀!

又要拆過,

之後又俾佢手上支針剌親,

唉!今日真係被人玩透啦!

之後果堂,

我終於完成左個陶瓷啦!

但個蓋同鎖匙扣就油唔曬啦!

就咁上埋果d油算啦!

放學之後要留低,

要discussion,

mity佢地講得好流暢呀!

令我十分佩服

睇來我都要努力啦!

我呢個禮拜已經留左三次堂啦!

唉!真係慘呀!

 唉!無辦法啦!

又係俾人催架關係,

又要打多一篇啦!(其實好唔願意的>.<)

我換左blog果首歌啦!

你地唔可以聽到咁好聽架歌囉!

呢首歌可能無上次果首咁好聽,

anyway,大家都要接受架啦!嘻嘻...

其實我覺得有一首歌比上一首歌還好聽架!

又係果個歌手,歌名叫<愛你的早晨>,

皆因搵唔到少於2 mb架wma,

所以擺唔到上blog俾你地聽,

so大家不防去搵呢首歌試聽下..

放學後去圖書館還書,

順便借多兩本書,

唔要呀!我已經有六本書咁多啦!

我唔要再入圖書館啦!

我驚我又係忍唔住借多幾本,

我個學生證會無曬位架啦!

今日如常留低幫我地班某d人補習,

其實都無咩姐,

補返我地學過果d...

the end

p.s.請不要再催我打日記啦!無幾個禮拜都唔好叫我打日記呀!!!