續上回，我比德瑪西亞既人打傷左
所以曠課返屋企補HP+SAVE進度
第二日休息過後起身返到學
見到有一忽爛左
我即時心諗：「校長你用完鳳翼天翔都要整返好間學校架......」
不過我只係希望佢唔好出通告「籌款」姐
我一路行一路聽歌
直到我入課室門口之前
突然感覺到濃烈既殺氣
但無乜理由係我班傻仔同學掛
我偷偷地潛入黑影入面
希望睇下入面到底發生咩事......
唉，早知唔睇，原來我果班又有一個超能者
今次真係又有架打
點解？因為果條友原來小五果陣蝦過我
我緊係搵人還佢拖啦，唔通報個仇都現真身咁浪費MP咩
估唔到呢條友原來都係超能力者
但睇到條友坐到成個大帝咁真係好想偷襲佢
所以我即刻係佢後面扯低佢
再爆大技令佢永遠沉淪係惡夢當中
點知原來條友既真身係劫！
睇真啲原來係蘭斯洛特，但佢既腕力真係好變態
我果陣真係太大意，結果比佢勒住我條頸
呢個時候，有個攞住菜刀既男人衝埋黎救左我
睇真正原來係帶住三把刀，有把係個口到咬住
我：「把刀咁短就咪扮卓洛啦！口咬住果把仲要用黎裝飾既......」
小次郎：「早知唔救你啦，諗住型啲登場都唔得。」
我：「話說你乜水？你點知我有危險？」
小次郎：「我叫小次郎，主要係黎調查下呢間學校既超能力者事件。」
我：「點解你唔係講日文既？」
小次郎：「我都無話我係日本人......話說你地學校既校長同老師都好有可疑，你有無線索？」
我：「校長？呢條老坑琴日已經顯露左真身啦，同埋到底點分邊個超能力者係正，邊個係惡？」
小次郎：「好簡單，平日傻下傻下，但無啦啦最近先有超能力既咪衰人囉，好啦，依家分頭行事啦∼」
之後果個小次郎就好似風咁閃左......
我第一件事緊係清理左我班上面果班花生友先啦，岩岩食花生都唔走，肯定係奸，但都怕殺錯好人，所以我大叫一句：「想殺我既就快啲殺！唔係就碌返屋企打你既飛機！」
哇，唔係掛，成班有27人，岩岩有件訓低左，估唔到仲有20件係奸既！
呢個時候，橡膠超人又救左我一命，當然係拉走我啦......
然後果20條友掛住殺我，係六樓都跳落黎......
總算對手得返三個......唔通真係要二對三？
待續 |
