7月21日
下晝5點鐘由P&C出發去AsiaWorld Exposition <-----to高佬：我查到喇....
即係機場既亞洲國際博覽館，參加「宣道聯合慶典－－歡呼收割、共創高峰」
機場起左咁耐，都唔知有個咁既地方，又或者係巴士經過冇留意到啫。
第一次黎到博覽館，覺得博覽館好大好大，但係淨係計個hall既話，應該細過紅館。
每個位都有一袋小禮物，有BOOM BOOM 棒、吹氣開關燈等等
我地係綠票區，即係新界區，另外仲有港島及離島區、九龍區。
今年係宣道會創會第一百二十週年，到目前為止全港有一百零五個堂會，
所以參加今次慶典既人數眾多，好熱鬧。今次係第一次參加宗教慶典。
全個慶典最正都係一齊唱詩既時間，唱得好high，特別係首主題曲<--好好聽。
同歡~~~~呼收割，同創~~~~高峰~
http://www.cmacuhk.org.hk/version4/activities/0707Mission_year/themesong_1.htm
另外有我地既一段錄音：http://www.megaupload.com/?d=SKVY9LG4
仲有一齊亮燈嗰一刻都好難忘，好靚。
一個人既力量一定做唔到咁既效果，一定要聯合起黎，先可以一齊拼出呢幅咁靚既圖畫。
7月22日
我知道好多人為左呢日已經辛苦左好耐。
唔知點解，成個過程都好似冇人搵我去幫手，(唔會係因為同學錄掛，高佬都有幫手)
到左最後，我要做既就係做好宣傳、做好陪談員，第一次參與籌備佈道會。
於是，我返完祈禱會之後，首先就去派傳單。
今次係我第一次派傳單，起初幾唔慣，後黎適應左，鼓起勇氣衝上寶湖天橋派。
派傳單既工作悲喜交集，
有人show都唔show自己就走左；
有人拎左，行多幾步就扔落垃圾桶；
有人拎左，跟住睇左一眼就扔落地下，風剛好將張傳單吹到佢腳下，一踩= =""；
有人拎左，唔睇就即刻拎黎撥涼；
有人會望下我手上啲咁colorful既單張，但係我俾佢地既時候就即刻走....；
有人拎左會對《十分愛》呢個名感到驚奇，之後見到係佈道會就扔；
有人拎左會keep住，不論有冇興趣；
有人會主動走黎問你，呢啲單張係咩黎，同埋點去佈道會。
最開心既，當然就係見到熟悉既人，因為佢地一定會對住你笑^^
派得7788，就返返去，見到頭先有幾個由我手上拎左單張既人返左，好開心，總算出左力。
你地perform得好好呀！！
佈道會成功！建造教會一小步踏出左。
神曦團又會更加多人。
陪談：芝既細路唔多出聲.....
lb同健好正經咁既..... 我地唔係cpu呀，放鬆啲.....以誠交流，為你們祈禱。
kawa俾我地硬sell神曦團= ="""唔好介意呀，我地班人癲癲地....
只要你能夠有返教會生活就得，邊間都冇所謂 (當然可以試下我地先啦xp)
檢討會未完就返家煮飯，真係好耐冇煮過飯咁••••••
但係好成功呀，又係一餐煮得好好食既晚餐。
有黃金煎蝦餅<---我淨係煎，仲有豆角炒魚蛋，簡單得黎都幾好食，哈哈....
|
