首先道個歉先，因為種種原因，咁遲先打返。
我覺得感受既野始終都係打/寫出黎，好過講出黎。
-------------------------------------------------------------------------------------------------------
6/7 (五)
由於應承左ms lam要一早返去學校趕多陣工同交貨，於是我10點左右返到去，做到11點3左右先走。
返到屋企，便是不快的「啞忍事件」，感謝神俾我有忍耐 (在「現在會」中分享了)。
對唔住呀，第四組組員－－瓜、KIAN、SING、wafa、黑傑，
因為我既遲到，攪到自己組要扣一分 by 「準時遲到乖寶寶」
其實亦都係因為咁，我下定決心之後既環節一定要加倍努力！
集合完成後，即刻玩第一個game－－解難合作鬥快跑
講解下啦：有4組，每組抽個信封，裡面有一定金額，用限定既金額到達目的地。
我地抽，抽左最少錢既信封得$50，但有6個人要去沙田既突破青年村。
即係每個人只可以用$8左右，點去呀！！
其他組當時抽到信封之後，都飛奔左出去，得返我地組仲商議緊。
最初都真係幾亂，又想坐火車，之後怕貴，又轉坐巴士，但又追唔到車，又坐返火車....
不過我覺得我地既合作性係一直存在：
一齊傾點去最平、分頭打電話、先到者買飛、後到者衝閘等等……
最後，東鐵(大圍)--->馬鐵(石門)--->taxi(青年村)
可能大家會覺得奇怪，咁少錢點飛的？
其實要多謝黑傑，佢勇敢地去問月台上既人借錢，而香港人亦好好心，結果籌到$24左右。
更好彩既係，在馬鐵上遇到個唔識既大叔，佢洞悉到我地玩緊game，又借錢又教我地點去！！
雖然仍然係最後一組到，但成功完成已經好滿足。
以為成日係電視上睇人玩類似既game，但無真實體驗過，
經過今次，又令人生豐富一點，再次體會到「友誼」的溫暖。
抵步後，到體育館打左陣羽毛球，同Adam打@@ 初次接觸。
原本見佢咁高大，我同佢好難溝通.......但原來佢係好nice架！！！不錯的接觸
之後放啲野去118活動室 (以後稱為118)，就去high tea，係青年村裡面既第一餐。
正，泰式墨魚丸、洋蔥圈，未食過咁正既tea，對青年村既膳食有好大期望！！
(的確，之後既膳食都令我地極為滿意！！激讚)
then the next game is coming－－越過難題鬥一番
第一難題，搵岩人，增加彼此既認識，老實講這game我認為較為失色。
靠運氣分勝負的感覺，而增加認識的效果不太突出。 (上城睇到唔好打我- -""")
但我俾Adam配中，令Adam認識到我，imean叫佳佳Orz
之後玩過河、影相、話劇等等，我地組可能經歷過兩次失敗，更加團結，一齊發力！
過河裡面，我地組既腦力同合作都好fit，不少人模仿；影相，分工最good，timing get得到位；話劇的爆肚感覺不錯。
最後3個game既result都唔錯！！感謝神，俾我體會到團隊精神的可貴！
then入宿舍，再一次激讚！！
有兩層(有人話叫做複式)，有兩個獨立洗手間、3間雙人房、一間設備齊全既廚房、
一個大廳(真係好大架喇 對campsite黎講)：大廳開揚，又有電腦、
電視機、空氣清新機、冷氣機等，而且不限上床睡覺時間！！
從未住過咁正既campsite，可媲美酒店呀！！
青年村無論係膳食、宿舍、營地景觀等等，都係香港campsite中既top one，無得彈！！
滿意的dinner過後，是「過去會」的分享。
感謝神，在過去一直在我身上動工，只係自己一直冇去回想。
若然沒有
朝暉將不可得再現
若然沒有
清風也不可再吹
若然沒有你
世界將充斥了惡事
若然沒有你
世界再不可有愛
這世界會消失盼望
若是沒有神大愛 又怎可走過
傷心苦痛的歲月
若然沒有你
這生將找不到意義
若然沒有你 根本也不可有我
若然沒有你，究竟今日我會係點？應該係繼續抗拒基督教，做一個獨來獨往既人。
上年春令會既一幕，印象真係好深刻，被一班同學圍住，一齊唱著詩歌返宿舍。
冇諗過信主既一刻係咁美！
仲有，透過金姐帶領下，展開左p&c既教會生活！！
其實當晚講得唔好，
影響信仰既唔止係派入CPU的派位証，
還有一樣東西，不是帶來，是自己入camp的。
就是屬靈上的朋友，
沒有他們，可能跌倒後便永遠跌倒。多謝你地！
「過去會」完滿結束，更認識你們。
之後沖完涼，仲要用電腦打埋篇《編者的話》！！
悲乎，入camp都要辦公......
待續
|
