2005年08月26日:同阿媽一齊返大陸,本來只係諗住返黎探下個啱啱做完手術既姪女。
點知...
晚上既時候,我大哥同佢老婆嘈,原因係大哥發現在一張去廣州既車票,所以就(側)問阿嫂。
大哥仲衝動到入廚房攞刀,喊打喊殺咁,好彩俾工人阻止左,而阿嫂就怕左佢,於是走上天台(里)埋...
雖然我同阿媽仲有二家姐都唔係現埸,但係阿鎪個細佬就成晚打電話過黎同二家姐、阿媽講,個邊點樣點樣咁,但係二家姐同阿媽都無能為力,因為大哥佢份人好硬脛,一直唔肯聽阿媽講野。
最後,阿嫂帶埋佢倆個女一齊俾佢阿哥接走左,而我地依邊都係成晚無訓,除左因為個電話響個不停之外,我諗我地每一個人係個一刻都唔會訓得著......
2005年08月27日:大哥同阿嫂已經結左婚8,9年,有2個女。
大女好可憐咖,唔知係咪因為佢細個食得藥多,自4歲到就有病,一直都要食藥,而且仲做過好幾次腦部手術。
已經有7,8歲既佢,因为佢既病,幼稚園讀左冇幾耐就讀唔到落去,小學就更加唔駛講啦...亦都係因為咁,佢冇咩同年紀既朋友,只係得啲表兄弟姐妹同埋佢妹妹咁,但係妹妹都唔係好大,得2,3歲到。
而係咁多年黎,佢好彩既就係佢爸爸都算有啲錢,能夠承擔佢多年黎既醫藥費。
但係係佢對上個次做手術既時候,佢媽媽居然可以狠心咁留低一句:「媽咪出去買返返黎俾你食。」就咁就走左成個月。個女仲住緊醫院咖!!我真係好唔明白佢點解會做得出咁既事啊?!!
我大哥好愛我阿嫂,一直以黎阿嫂對我大哥既態度都唔係咁好,而我大哥一直都好忍佢,佢離家出走既時候四圍打攞咁搵佢,佢返到黎我大哥亦有話過怪佢,我大哥知佢鍾意玩電腦仲特登係佢出走既時候買左返黎,希望佢開心唔會再走...
同知係前個幾個月我阿鎪又再一次離家出走,今次一走就係三個月,都係前個幾日先返黎...我地屋企人都話咁既女人,就算佢返到黎都唔好要佢啦.叫我大哥清醒啲,但係我大哥仲幫住阿嫂講野,講咩佢只係出去行下散下心好快就返,個次阿媽,佢個女,工人同我都係度,大哥佢都係忍唔住喊左出黎,聽工人講返,原來大哥係屋企成日都(里)埋係度喊...我真係好唔明白啊,點解有咁愛自己既男人、有咁好生活環境、有咁細個既倆個女全部都可以唔要唔埋,咁狠心咁就咁走左去啊?!!
今次返黎,阿嫂要求同大哥離婚,而大哥今次真係認啦...
但係大哥衰衝動,倆個人硬鬧就發生左26日晚既事。
依家大哥先知驚,阿嫂帶走左倆個女,其他乜都冇帶。
大哥驚個大女冇藥食,因為啲藥唔易買.又個晚既事嚇親左倆個女...而家乜都唔理又四圍咁緊佢地......
而二家姐就因為受唔住,行開左出去散心...其實我阿媽都好傷心,阿媽話大哥既時候,講唔夠幾句就話阿媽煩,叫佢唔好理咁多,佢自己會搞掂...阿媽都係關心下個仔啫,點解要咁對阿媽喔!!
2005年08月28日:大哥仲未搵到阿嫂......
今日我大家姐請上荼樓飲荼,食得好飽.
下午我就同阿媽一齊返左黎H.K.,算係叫做暫時離開個個煩惱既地方...比我二姐家好彩,其實佢都一直好煩,但係佢又走唔到......
|
