好悲哀地講一句....我無左隻牙

唉....我今日就去睇牙啦....

點知發現原來我有一隻牙係乳齒....

而且齒根係超短....仲要係得一隻齒根...

所以係唔可以受力....咁即係唔可以咬硬野.....

牙醫就話我係天生少左一隻牙- -

所以先無換到恆齒.....

咁我爸爸就話順便"莫"埋啦.....反正隻牙都無用....

如此....我就無左隻牙啦.....

牙醫話我遲d就可以鑲假牙啦- -

嗚嗚嗚....我10幾歲炸...咁就要鑲假牙.....

其實"莫"左既果隻牙就純粹裝飾用....

我呢幾個月都已經無用左邊牙食野....

因為食野會好唔舒服.....

講真....遲早都係要"莫"架啦....

反正隻牙都用唔到- -v

點知宜家就"莫"左.....

嗚嗚嗚...多左個窿呀!!!!!!

唉....都係past tense啦....無得後悔.....

but 頭先d麻醉藥超奈先散....差唔多要3個鐘....

搞到我左下邊臉係"旭"唔到....

但係我又要出去同嫲嫲食飯...超唔自然lor....

好痛苦呀...今日.....真係bad day lor!!!!

心情好差....無啦啦無左隻牙....

p.s. 其實有同無都無乜所謂....

只係有窿同無窿既分別....

唉.....點解要宜家"莫"呢??

早知就唔聽我爸爸講啦...佢根本係怕麻煩...想一次搞掂!!!!

本來諗住唔打架....想早d訓....but 算啦...

嵐 arashi A團.....我用過唔同既名叫佢地.....

始終最鐘意係叫A團.....(雖然覺得arashi方便打d)

回想起....都差唔多一年啦....留意到A團.....

果陣....我去到10月幾先開始正式補番A團既番組..劇...con....

就係咁岩....差左1個幾月....

如果再早少少.....如果我無停留係其他J家既人到...

我係唔係可以早d認識你地?

我係唔係可以係10週年既con開始認識你地?

就算係早得半個月....我係唔係可以係10週年結成日就認識你地?

但係好彩......最起碼....你地電視出道既11月3....我已經認識左你地...

仲記得果陣既我.....追你地既野1個月左右....

就已經可以話瞭如指掌.....好記得你地既團愛.....

1年前既結成日.....我仲迷茫緊.....

睇番我一年前既blog....就肯定明白發生過咩事....

我無心去隱瞞....就算俾日音飯睇唔起....我都唔會放棄過去....

雖然我果陣既結果唔多好....但係我始終係開心過瘋狂過....

更加學識左.....宜家應該要點樣做....點樣去鐘意一個明星.....

比起1年前既自己...宜家既我堅定左....

唔係....應該話係更明白自己想要d乜野.....

曾經我對過其他明星話:: 無論佢地變成點...都會一直追佢地....

但係....我後悔啦....

仲有keep住追消息...但係心情變哂......

每一次見到都得番心痛....

跟住我發現...自己都係有底線架.....

今日係A團既結成日.....本來唔應該離題....

只係有d野唔講....個心好唔舒服.....

雖然都係一句承諾....但係....我許諾既內容都係改變左....

因為見過無論幾親密既人都有分開既一日....

所以....我唯一可以許諾既只係.....

只要arashi係5個人.....我會一直追落去.....

我唔想再破壞自己既承諾啦......

因為.....我從來都係團愛....

p.s. 唔係既話....我早就停係p既身邊啦.....

團愛先係會令我感動....

A團....11年啦.....

11年唔係一件簡單既事....特別係宜家既你地.....

所以唔好輕易放開身邊既member.....

arashi.....

對我黎講....一開始係好奇....

因為nino....所以先會開始留意......

演技派既nino.....聰明既nino.....腹黑既nino....毒舌既nino....

每一個nino都證明緊自己有幾咁愛arashi....

一個好奇....令我走入左arashi既世界......

佢地既團愛....係表現出黎俾人睇....同時又係收埋係member先見到既一面....

本來只係咁岩走埋一齊既5個人...就並肩而行左11年.....

點解佢地可以走到呢一步? 明明團入面有咁多人唔想做....

leader話玩厭左....翔君要讀書....nino要去美國....連aiba醬都諗住到20歲就放棄....

就係J桑既一個決定.....佢地就聚埋一齊....

偏偏得潤君無諗過放棄....

5個相差咁遠既人....可以走到呢一步真係奇蹟.....

係佢地努力得黎既奇蹟.....

我好多謝J桑將佢地聚埋一齊...以arashi既名義出道....

即使出道之後既02~04年唔好過....但係就係果段時間....

佢地都長大左.....變成今日既arashi....

正正式式掀起暴風雨.....成為top.....

因為有A團....所以我宜家先可以放低當初既傷痛.....

我宜家先可以放低果個包袱.....果個背負唔起既包袱....

佢地係5個人....真係好好.......

leader.....經常性呆下呆下咁.....

但係....我覺得領sama既形象....

先係真正既leader style....

以前leader雖然係my pace....

但係都算係一個幾活躍既人....會玩到好high....好鐘意跳舞....

宜家既leader....真係訓著左咁....switch已經好奈無on過啦.....

雖然係咁....但係我覺得leader其實一直都係默默關注緊member....

即使翔君先係地下leader....但係leader既重要性無消失過...

leader可能咩野都唔會講出口....

不過.....佢心入面....我唔相信佢有表面上咁唔在意lor....

leader對member既愛.....其實只係內斂......

翔君....本來對佢....真係無乜關注.....

但係一套the quiz show.....完全改觀哂.....

perfect既mc力....偶爾既柔弱.....應該係話角色定位好先岩....

番組既佢....係更加了解佢既背景之後....更加佩服佢....

zero同宿題.....呢對組合真係完美帶出左翔君.....

精英既佢....仲有抽風既佢....最重要係arashi既佢....

睇左9月6既zero....咁岩播左10年國立既news....

翔君既果個害羞樣.....唔係主播既佢...而係idol既佢.......

果句"嚇我一跳".....令我好明白到....arashi入面既翔君....

只有係見到member同arashi既時候先會出現....

果個溫柔既翔君.....係獨一無二架....

除左member....無人會令翔君出現果個樣.....

當然.....我對翔君既印象.....最深既....或者會係保留棱角既佢.....

果個真正既少爺......今日已經變成arashi入面媽媽既角色啦....

aiba醬.....點講呢....本來我真係唔likey天然系架....

無奈.....aiba真係超好動.....

佢既笑容.....係無人能夠拒絕......

佢有d baga既樣....果種無變過既純真....

我明白點解member咁著緊佢....

連nino都會直接話擔心佢.....

因為aiba醬真係好值得去寵....

只係.....出道之前果個寧靜既aiba醬.....

我都忘記唔到.....

一個人由一個極端走到另一個極端係有幾難.....

呢樣野無人會知.....但係我睇到....果種疲累感......

我無辦法話我更鐘意邊個....即使我鐘意既係宜家既A團....

我都無辦法肯定咁話我只係要宜家既A團....

但係我知道....我印象最深既....係果個唔會成日講野既aiba醬.....

nino....點解會簡nino做本命呢....?

或者係因為佢夠聰明....唔會對佢有厭倦既感覺....

其實...唯獨係nino,,,,我唔想打咁多野.....

因為nino既存在....對我黎講係好難講得清楚....

我只係知道...無左nino.....我唔會鐘意arashi...更加唔會留意arashi.....

nino既印象.....其實佢係變得最少果個....

因為從一開始既佢已經係J家既nino....佢都無俾我見過真實既佢....

佢既聰明.....要維持係一件好辛苦既事.....

因為.....越聰明..知得越多....只會越攰.....

聰明.....最明白idol係乜野既人....應該係nino啦.....

潤君.....最早知既人係潤君....偏偏本命唔係佢....

或者真係俾花男呃左啦.....

雖然我係好鐘意睇花男...但係同時都好唔鐘意花男入面既某d部分....

最唔鐘意花男令到潤君既形象定格係浮誇既道明寺.....

潤君係最溫柔架.....以前既包子潤就係最清楚易見.....

潤君既每一個行動...都係好留意到身邊既人....

果種體貼....無人可以抗拒到.....

我鐘意arashi.....係螢幕上既佢地....

亦都係拋開哂定位既佢地......

leader唔一定要switch off....佢都可以好似釣魚畫畫果陣咁high.....

翔君唔一定要咁溫柔....佢都可以好似以前咁直話直說....忘記官方兩個字.....

aiba醬唔一定要咁baga咁keep住high tension....佢都可以好似以前咁idol feel....

nino唔一定要咁多話成日無野搵野講...佢都可以係一邊睇住member既舉動....

潤君唔一定要ore sama.....佢都可以溫柔咁對待每一個人....

arashi唔一定要成為冠軍.....佢地只需要保持自己既本性就夠啦.....

年冠銷量好係會好開心....但係呢d唔重要....

A團係地下室走出黎....一步一步成為top...

所以....即使將來變好變差都好.....佢地都可以再次登上top....

因為....佢地已經走過一段路....一段唔會消失既路......

最近個人懶到死....連blog都唔想打啦....

唉.....拖下先啦....

我嘗試打完A團同人既ch.3果陣打番個blog啦....

今日上phy.....明明上堂都明既野....

今堂就完全唔知做緊乜啦.....

我再係咁...就同上年無分別架啦.....

再hea落去...真係無得救啦....

只係我幾時先會醒....我幾時先唔再搵藉口俾自己?

番到學校就扮哂乖....

番到家又hea番....無所事事咁.....

有功課就拖到10點幾先做...溫書就無左件事咁....

唉.....越變越多....

其實...我係唔係適合做普通人?

中學既時候...揮霍自己多餘既時間.....

將讀書擺埋一邊....成績唔上唔落就得....

點解我要入E班? 點解我要咁俾心機?

唔明.....所以我又搵藉口逃避....

因為我無辦法去說服自己......

我唯一既願望就係活得輕鬆d....每日都開開心心咁過....

我唔鐘意被人逼.....但係唔逼我...我就唔會做好....

矛盾.....我既人生一直係咁矛盾....

黑與白....我總係鐘意企係中間既灰色地帶.....

唉......好辛苦.....

我係唔係真係咁好? 又係唔係真係咁差?

好混亂既自己......

唔打啦.....唔想等陣訓唔著....

宜家都1點幾啦....

明明我11點幾就做好哂d野.....

根本係自己攞黎衰既.....上堂無精神都係抵我死....

講下我篇小說啦....

A團同人....名真係幾長下- -v

正式名係:: 能讓你習慣愛上我嗎

ch.3,,,的確係我想像中咁難打....

因為leader既存在感太弱...好難寫佢係主角....

我只係簡單加左nino既鏡頭....

leader既戲份就被nino完全遮哂......

明明nino既描寫都唔算多...

p.s. 其實都幾多- - 畢竟係我本命....

但係leader好容易被人遺忘...

nino一出現....感覺上就擋哂leader....

我身為寫果個....都覺得nino既出現.....真係搶哂戲份....

leader............好心佢就多d舉動啦...

乜反應都無....要我點寫好wor- -

唉....宜家仲差700~1000字就ok.....

但係有d位又要修...因為nino搶戲....

我唯有更加地減少啦.....

始終呢章既主角係leader.....而且佢後期都xxxxxxx(唔講得住xdd)

而nino係正主角....之後仲有好多佢既野要寫....

宜家cut d都好既.....

宜家仲有兩個場景就完埋呢個ch.

我終於可以動筆寫ch.4啦....

nino既main ch. 期待左好奈啦~~

而呢篇文都寫左我兩個月啦...

p.s. 雖然我基本上都係到玩...暑假果陣....

宜家總共7000字左右.....成績真差- -

但係都就黎追上HP同人啦....真係好...

HP果本...我等買左第一集先再寫...

因為有d伏線要提早擺落去...而我仲差少少誘因....

條伏線收得唔夠令....

所以最近都係打左A團果篇先...夠輕鬆同簡單...

無乜陰謀論可言.....單純好多~~

今日雖然都係熱....但係唔曬....

所以早會都ok可以接受既.....

上到課室就係到hea....無計啦....都無班務做...

鄧sir又無野講....咁就hea左半個鐘,,,,

then上第1堂...maths....

今日鄧sir無尋日咁衰提早上堂....

p.s. 班主任既堂係第一堂都真係幾慘- -

無啦啦早d上堂....我真係寧願拖到最後1min都好......

第2堂chem....依舊唔知吳副校講乜- -v

計就知道跟邊條式計....但係就唔明有咩意義....

第3~4堂係phy....都上得ok呀....慣左miss李教啦....

係就係無聊d....但係專心少少...時間都好快過.....

第5~6堂係eng.....其實呢....miss曾真係教得幾好....

起碼我係有心去聽lor....雖然有d都係聽唔明....

p.s. 好多人都比我叻...真係....我既小聰明只係用到係考試上面...

但係其他人就可以平時就運用自如....比唔上呀....

今年真係要好好打番好個基礎啦...

話哂今年都係F.4啦.....(雖然我無辦法戒左懶散既習慣)

好俾心機上eng堂既結果係....時間真係過得快...

做左幾個listening就放lunch....(其實因為中間有3min既break...輕鬆d)

放break果陣...覺得d班升上黎既人...真係好玩得....

無左佢地....我諗今年4E真係會悶死人....

p.s. 雖然我依舊唔係點講野....基本上係回應人...唔會主動開聲...

當然...esther呀....mingming呀...呢d係例外啦....

lunch果陣....出去買飯真係好煩呀!!!!!!

而且番到學校又難搵位...唉~~~~~

下晝3堂....先係真正既酷刑....

3連堂既通識...仲要教中國內政...

明知我對中國果d假到爆既政治無乜好感架啦....邊有心機聽wor- -

but 好彩....今日聽果d都係多數關於歷史部分...

我最鐘意既始終係歷史....雖然係鐘意世史多n倍...但係中史都ok....

p.s. 畢竟我既中史成績係我自豪既部分.....可惜今年無修到....

因為有歷史內容聽...所以3堂都易過好多....

但係呢....我有d覺得屈太講中史內容既時候...

多左d主觀感覺.....好似係撐中共既感覺....

或者係因為miss鄺教中史無加感情主觀....所以我宜家唔多慣屈太既表達方式啦...

只係...都無得比較既...

miss鄺係主教中史...屈太只係教通識既時候講下中史部分....

then....終於放學...

因為無乜功課...我又攰....

p.s. 尋日睇文睇到2點幾....可惜我今日都係放棄左....

無計啦....篇文咁無聊....個作者自己都教唔清自己佈落既局....

解得唔清唔楚既內容....再加上一個無結局既結局...都係放棄好d....

我覺得應該要早d斷...可能個作者想繼續寫哂所有想寫既野啦....

搞到篇文好拖....明明d事完哂...佢總係要再畫蛇添足.....

唉....幾失望下架.....

本來以為自己可以用挑毛病既方法睇哂...順便提醒自己唔好寫到咁....

可惜都係失敗....我始終唔likey委屈自己.....

放學既時候就同鳳鳳放啦...

佢正班真係好痴線lor....新老師真係唔得架!!!

F.4咁重要都要俾新老師教...好過份lor....仲要係教eng....

所以老師方面既問題....雖然4E有d老師我都唔多鐘意...

但係起碼好過俾乜都唔知既新老師教!!!

鳳鳳....我真係只可以祝福佢.....

then我就買雜誌....都係得大陸既雜誌啦,,,

香港都唔多見有出日本既新聞.....

係J-star....唉....其實我最想買3月果個版....

因為係A團既特輯...但係訂左都係搵唔到...唉....

算啦算啦....

番到家之後....我就播J-star今次既碟啦.....

一首閞8既歌同p既solo con既一部分.....

但係有40幾min....都唔少架啦.....

睇完都差唔多6點.....我就玩電腦啦....

點知乜野都無做到- -

我今日終於搵到A團d舊歌啦!!!!

癲架....難搵到咁~~~

基本上出過碟既歌都應該down左9成啦.....

total係200幾首歌.....真係變態架!!!

一晚就down接近60幾首歌.....

down完....轉埋d格式呀.....對番d歌名呀...咁就搞到勁奈啦.....

無計啦.....我完美主義.....(同潤君一樣)

搞好哂之後...都10點幾啦....

你話有無可能呀....搞左4個鐘...

p.s. 我上堂既時間過得有咁快就好啦- -v

then就上網周圍逛啦....

但係始終搵唔到完整既nino同aiba醬 chu既news.....

睇果個用其他野影低既news...唔太清呀....

nino咁難得係俾人chu既果個....唔睇高清真係唔得架...

p.s. 其實....nino kiss人就多...俾人kiss真係少呀....

好似佢成日"騷擾"leader咁....但係又唔俾leader"騷擾"番佢....真係好衰xddd

今次終於俾aiba醬chu到....真係好啦~~~~~

但係睇另一個news既時候....發覺aiba醬對nino係隨意d架....

08國立首日果陣係咁....(nino真係唔應該講aiba醬條褲既問題)

到10年既國立都一樣.....aiba醬對住nino係自然d.....

但係始終....竹馬不是我的愛....我都係likey Y2同末子.....

跟住就決定放棄尋日睇果篇文....上面都有講....

之後就睇番我一直追緊既另一篇文.....xzozx既文真係寫得幾好....

雖然文筆普通....但係情節結構都做得好....

我就係因為君王無情既自然感...先會開始追父子年上.....

今次係靈異文....我的確係諗起有鬼....因為有鬼係我睇過最好的靈異bl....

之後再睇既都係比唔上....當然....蛋大既能力都係主要因素....

今次xzozx既靈異....兩個男主....一個係正主....

性格同有鬼既兩個男主完全唔同...所以無得比較....

加上第二個男主仲未正式驗明正身....所以...都係等啦...

跟住再hea多陣就打blog lu~~~

其實....我發覺自己有時真係有d記憶係無左....

可能係我發呆既時候.....d時間就過左....我都唔記得自己果段時間做過d乜啦....

聽日....一個星期就過左啦....

我聽日會用瘋言....嘗試講下第一個星期既感受....

因為我覺得當我上學期考完試之後拎埋成績表既時候....

我呢份最初既心.....對果個時候既自己好有用....

就算寫既野有幾幼稚有幾愚蠢都好...

果份心.....我知道將來既自己會理解宜家既自己....

p.s. 因為我好肯定我宜家有既想法....

半年後一定唔記得哂.....

所以.....唯有靠呢個blog啦~~

久違了既小記~~

第一日既全日....感覺唔差....

嗯...我諗應該係開始慢慢適應啦....

朝早就起身....番到學校之後....

發現上年3A既同學們消失哂.....

跟住就去搵人啦....點知個個堆係雨天操場抄功課....

好奈無見過呢個場面啦....真係好唔捨得lor.....

之後就無咁既機會見到d同學聚埋一齊啦

then係早會.....校長真係好煩好煩好煩!!!!

我都唔知點解佢可以咁多野講lor!!!!!

宜家4E果個位....只要早會長少少...就會被太陽哂到正lor....

超想爆粗呀!!!! 又熱又焗....辛苦到死lor!!!!!

終於完左早會....但超不幸....最後一班上課室...

因為要check校服...d老師好無效率呀- -v

上到去就收暑期功課....再次證明KK既好....

今日收功課亂到爆- -v 唉.....真係亂呀.....

但係以前初中三年都無試過咁亂架....

因為我地只係續樣功課向前傳....

KK就續行去收....跟住仲要係KK點埋d功課....

基本上我地傳哂野就無野做啦....幾幸福呀....

KK真係好好....乜都做哂....

所以今日收唔切功課...要小息再叫科長搞.....

第1~2堂....KK堂....我期待左超奈啦

KK教IAE....都係藝術果d野啦....

跟住....真係好掛住KK既教學方式......

簡單直接...而且好自由既感覺....一d壓力都無....

but KK上堂果陣提左呀偉超多次lor....真係笑死....

但係其他班升上黎既人應該唔明啦....

原來...呢樣就係3年既分別.....

跟住KK就講分組project....好正常....3A升上黎既8個加埋emily...

我諗...應該無問題....話哂都有3年基礎啦....

即使唔多熟都好~

p.s. 但係4D應該係最好...因為有半班都係3A升上去既.....

第3~4堂....通識....分組坐....我同mingming一組...

一定要....因為我覺得同mingming一組係最方便我學野....

真係信心保證....

但係其實呢....我都唔多聽得明....

唉....呢科會炒lor...我有咁既預感....

第5~6堂....中文....意外地感覺良好....

因為今日無教書....黃志新又乜都無講...

只係叫我地50min做兩篇閱讀理解.....

幾好呀....真係唔想聽佢講野....煩到死....

p.s. 始終覺得KK好超多....就算其他中文miss都好過黃志新lor!!!

lunch....番家食....點知媽媽就出左去- -

超無奈.....番家好似無乜意義咁...

食完麵之後...就玩左半個鐘電腦....

心情舒服左好多....

或者上晝既堂都係中文教...輕鬆d啦....

加上又番左家一陣....壓力無咁大...

人都心情好好多....

第7堂....chem....吳副校真係真係好煩...又成日走音....

唉...都唔知笑唔笑好....

好彩佢今日無教書炸.....我聽佢介紹HKDSE既時候....

悶到超想訓覺....隻眼都撐唔大lor....

聽日又有佢堂....我真係唔肯定自己會點- -

希望唔好訓著啦...唔係就慘啦

第8~9堂....bio....今堂比上堂感覺舒服好多....

但係我都係勉勉強強跟得住課程....有d內容都抄唔切....

but 因為掉左坐前面....感覺好好多....

有番上年既感覺.....開始適應到啦....

而且mingming係附近....安心好多.....

加上內容唔太多....而且有10min既break....

輕鬆d....感覺課程無逼得咁緊...可以放鬆d....

跟住無幾奈就放學lu~~

番到家後....媽媽爸爸哥哥都放假....真係夾- -

我就照舊開電腦玩....

玩緊電腦既時候....覺得自己仲未似開左學....

好似同放假既心情一樣....好自然....好舒服.....

跟住睇左少少mago嵐同周圍去睇唔同既網....

hea就到7點幾....時間過得真係快~~

我平時上堂可以咁快就過左3個鐘就好啦.....

then食飯.....食完就睇埋重睇既hunter....

睇到10點幾就睇完啦...都係得番幾集...睇得好快...

p.s. 的確...我最愛係西索同伊路米....

其次係奇犽同佢既家族...真係成個家族都好有愛呀~

另外真係好討厭小杰....佢好煩..真係好煩....

雖然我幾愛金....但係身為金既兒子既小杰....太無用啦....

睇完片就沖涼洗頭....媽媽9點幾就訓左- - 我都唔想嘈佢.....

搞好哂d野....就打blog啦.....

p.s. 今年既國立...唔知會收邊幾段呢....

希望唔係只收一場啦.....因為4場入面都好有愛....

有SK(偽?)復活....怪物君出現....仲有無啦啦出現既chu

aiba醬同nino....真係驚訝左....

but 聽講其他人都有chu到...but唔知係臉定係嘴啦~~

係唔係因為上年nino chu左潤君....反應幾好....

所以今年先有限定粉紅?? 唔知...真係唔知呢~~~

嗯...國立4場就完哂....冬季既dome..加油~~