好耐冇打過日記啦，數一數都好幾個月啦~里幾個月發生左好多好多野。但係點都好~我咁耐只係做左一個好錯ge決定，亦係令我永不忘記的一個決定。但係我唔會後悔，講真的，我決定同你一齊，雖然我係決定錯，但係都不失係一個美麗ge誤會。

  仲記得我11月尾認識你的，你比我ge印象好深，比我覺得係同一般ge男仔好唔同。由果刻開始，我知我會慢慢愛上你的(聽黎去好似好無稽=3=但係,係事實)。我唔知我係唔係唔應該識你，但係你真係比好多回憶我。12月頭，我唔知點解盲中中咁同你表白左，可笑的事你其實一早知道，只是要我說出來(其實我當時並不笨，一早就知你迫我講出黎=3=)。仲記得你好怕羞咁問我拎電話，當時我真係第一次對住個螢光幕笑得咁甜。第一次同你傾電話，你真係好怕羞，話題唔多。(但，當時的我，已經好足夠了=])識落，其實你係一個搞笑ge人，只不過講野有d刺激性，令到人聽落唔係好舒服。21/12，你同左我一齊，真真正正咁一齊。(當時好開心家=])同你一齊玩勁舞，一齊up lv，一齊開心，一齊嬲過，開心過。msn你同我講過ga野，比過我睇，比過我知ge野，我冇一樣會忘記(係果時)。同你一齊....喊過..笑過..傷過,,好多時我會因為你ge冇心之失，令到我想放棄。但係你次次係我最唔開心最down ge時候會哄番我，令我對你有番d信心。我地一直係勁舞入面，都係人地羨慕ge一對，當時還天真地相信我同你會可以一齊比較耐，我地係段感情放左好多心機好多時間去建立。仲記得，係考試前，你同我講過話想散，我喊左好耐呀，我d fd個個都好心痛，你同我講，你都係！！我個心好暖，一路喊一路笑。我同你一齊過左第一個平安夜，倒數聖誕節，結果你仲早左成個字講『聖誕節快樂』，真係笑死我，我同你過左第一個聖誕節同平安夜。同你一齊倒數新一年，好開心，第一年聽到第一把聲ge係你把聲，我真係好中意你的。

   可惜，你14/2要番上大陸，咁岩我仲要番個，同你係學校傾電話，果時我覺得好sweet家。雖然我未放假，你又要番大陸，但係我好珍惜我地傾ge每一分一秒。一日就咁過左我地ge第一個情人節。假期入面，你都有打電話比我，我知你真係好掛住我。可惜，我做左一件好錯ge事，令我同你之間ge關係愈黎愈差。其實我知道，當時你好想放棄，好唔開心，好想鬧我，好想唔要我，好想唔理我，但係你冇咁做。你仲忍受我，其實果件事唔係我出去係冇發生，可能你講得岩。好番一排，你講左d野，咁岩我心情唔好，你又要激我，終於我地炒大穫，你仲係勁舞解除左情侶，拒絕左好友，更加唔打比我。我果時我唔知應唔應該打比你，雖然果時我冇喊，但係我個心好似比刀吉左一下咁囉，個心真係好痛，但係我驚我打比你，換來ge係比你cut我線，所以我決定唔打比你。

    點知，之後果日我係咁比人嘈，心情好差，你好多日冇打比我，冇理過我。你仲叫人同我講，如果我係你解除情侶果日，我打比你的話可以會接受番我，其實咁勉強既話，不如唔好一齊啦。你仲話係我硬頸，可能真係ge。何況我同你講過，我只係會愛你直至你唔愛我的果一日。既然佢決定左唔要我的話，我都唔會勉強。何況佢比我覺得佢唔激我係唔開心ge，依家佢放棄我，可能對我對佢都有好處，如果你搵到另一個的話，我只好公喜佢。何況你同我一齊都唔開心ge，咁不如我地之間就咁算啦。『勉強冇幸福』，里句我一早就明。『ＩＦ　ＹＯＵ　ＬＯＶＥ　ＨＩＭ　ＬＥＴ　ＨＩＭ　ＧＯ』，我係相信里句的。何況我同你之間都冇關係啦，我祝你可以搵到一個比我更好更體貼ge女仔。可能我同你係2個世界ge人，一世都合唔到。但係，我估唔到你，會因為我係咁比人嘈，你會同我講『抵』，我果刻呆左，算啦反正我同你一齊ge時候，你都唔係好理我ge感受，我都慣了。我同你可能真係冇哂關係了。

    之後你又唔理你d fd，當佢地好似仇人咁，我都唔知點解你會咁囉，因為我唔理佢地，我覺得我好對唔住佢地囉。係咁同佢地講『sor』。估唔到第二日，你同我細佬講番野，佢番黎之後，我同佢好似平時咁講下笑，佢嬲，唔理我。我唔知係唔係你咁叫佢做囉，但係我覺得我細佬同你傾完之後成個人變左囉。我冇左你，你搶埋我個細佬，係，可能係我唔岩，不過我之前識ge細佬唔係咁家。

     係你同我散左ge期間，我寅係好多謝勁舞ge朋友，係你地令我知道，我可以企番起身，咩野都好都可以重生黎過。我好多謝伙地ge鼓勵。你地ge一言一語我都唔會唔記得ga=]  依家ge我，已經重新黎過，唔會再唔開心啦=]  你地可以放心啦=]