又會無啦啦黎打日記既？因為今日將會成為我一生中好難忘既一日！
今日係我地學校Librarian Club既Trianing Day．課程個名叫「圖書館管理會領袖訓練課程」，英文係「The Successful Management and Legacy Training」←←←直譯應該係：「成功、管理、繼承訓練課程」
我做Librarian都第2年，今年仲要負責train人，但係今日個學既野，對於我黎講真係好充實，唔止Library用得，將來出到黎都一定用得；等我講下今日成個流程啦@v@
我同陳伯9點鐘準時返到，係到hea下hea下，去到10點先開始，我地就去祈禱室
一開始玩個叫「健腦操」既野，玩左好似無玩咁=.="
跟住玩踩氣球，成班女仔圍住KO我，搞到我做左頭5個爆波既人....不過玩完呢個遊戲之後，比D氣球既爆炸聲搞到醒晒
係呢個時候，我地既導師——張文龍就出左黎啦！！個頭都幾．．．．佢都自己將自己個頭比喻成一個數字了．．．
初初佢係咁自己ｕｐ野，又問下我地野，又趁機認下我地ｄ名（點解ｄ名牌得ｄ名既最後２個字既＝．＝，最搞笑都係「凱霖」啦，比文龍話係女仔名）
佢又問下我地ｄ問題，當我地答佢ｄ問題可以令到佢認為值得獎既就會送個信封黎，信封唔可以開住
容姐仲令到文龍比左張２０蚊紙佢
之後我地睇ｓｌｉｄｅ ｓｈｏｗ，聽文龍講野都唔會太悶，最記得以下幾個：
成功 ＝ 成為行業中的ｎｏ．１
成功者永不放棄，放棄者永不成功
Ａ＋Ａ＝ＡＡ，Ａ＋Ｂ＝Ｂ，Ｂ＋Ｂ＝Ｃ
文龍話：你地應該抓緊機會，其實機會周圍都有，唔信？你地凳底都可能會有機會！
我望下凳底，乜都無；跟住陳伯望佢自己個凳底，就有個信封，大大隻字寫住「機會」，陳伯拆開個信封，入面係張２０蚊紙＠．＠
睇完ｓｌｉｄｅ ｓｈｏｗ，我地玩左個好殘酷既遊戲
文龍係台上面掟Ｄ金莎落黎，我地１７個人就要係咁搶；呢個遊戲簡直顯露晒人性自私既一面，果然係「為求目的，不擇手段」，反映現實生活中其實都係一模一樣！！
最後我１粒都拎唔到，原本有１粒同羅梆爭，點知佢搶到＝．＝
陳天龍搶左３粒＝”＝
陳伯都搶左２粒，不過佢一拆開，２粒都係１０蚊紙黎，超ｌｕｃｋｙ
詹芷都搶左粒２０蚊紙
係呢個時候已經係１２：５０ｐｍ，正當我地諗住係食ｌｕｎｃｈ時間果陣，文龍就話：而家比你地休息下，放個１０分鐘ｂｒｅａｋ比你地
１０分鐘．．．．ｏ ｍｙ ｇｏｄ＝口＝！！！
過左１０分鐘，無野落肚，就繼續我地既課程
首先係圍埋一堆聽文龍講野．．．講咩灰色地帶，又咩宗教信仰．．．（果ｐａｒｔ我好多都唔記得晒＝＿＝）
跟住佢派左６枝長短一樣既鉛筆比我地，叫我地砌４個等邊三角形出黎
（大家襯而家未睇答案，都可以試下）
我地砌左好耐，簡直毫無頭諸．．．
直至ｈｅａｔｈｅｒ話：唔一定要平面既．．．
我、家宜同另一個人係無意識既情況下每人拎起一枝筆，就砌左個三角椎體出黎←←←４個等邊三角形！！
呢個活動係想講：我地諗野唔一定要平面諗，亦都可以立體咁諗＜－多角度思考
佢又要我地用１６枝長短一樣既鉛筆，問我地最多砌到幾多個正方形出黎
可能受到之前影響，搞到我地諗到立體晒，計到２００幾個正方形＝ ＝，好明顯係錯架啦
之後我地班男仔就去左塊白板到計，以我咁聰明既數學頭腦，當然計到啦，條ｆｏｒｍｕｌａｒ係咁既（全形字係ｂａｓｅ，半形字係ｐｏｗｅｒ）：
７2＋６2＋５2＋４2＋３2＋２2＋１2＝１４０∼∼我計到架＝ｗ＝
之後玩左個遊戲．．．呢個遊戲全程蒙住眼，又熄晒燈，我地圍住圈，每個人都會有０／１／２張牌，ｄ牌加埋係有規律的，要係我地咩都睇唔到既情況下，推理出究竟多左／少左邊張牌
我地總共用左１８分鐘^^
呢ｄ野要親身感受，非文字所能形容，呵呵
以下呢個遊戲，其實令我覺得好唔公平（或者覺得Ｄ ｔｅａｍ玩野），但係當我知道個遊戲背後既意思，就無咁既感覺了
遊戲規則如下：唔准睇人，唔准出聲，要好ｓｅｒｉｏｕｓ
首先我地每人搵個位先，每人手上有２４枝支牙簽，要砌個９宮格出黎（ｅａｓｙ ｊｏｂ）
之後就要我地拎走其中８枝牙簽，將個９宮格變成２個獨立既正方，１個大１個細
（一樣，襯而家未睇答案，大家都可以試下）
過左１５分鐘左右，我發現我身邊既人都砌好晒，執好晒野企晒係度
我就砌左好多次，舉手問ｔｅａｍ既人岩唔岩，佢地都話唔岩
文龍講左句野：砌完既唔洗企晒係度，可以周圍行架
果陣我已經諗到ｄ野：既然可以周圍行，就黎教下我啦，佢話唔可以講野ｊｅ，可以用身體語言嘛＝．＝
過多２０分鐘左右，羅梆佢地成班人係到玩手機，文龍話佢地，又講埋晒Ｄ咩「Librarian Club原來已經變成咁．．．」，又有ｄ組長係到唔知喊咩．．．
再過多１０分鐘左右，果ｄ砌好既人（都有１０幾個啦＝．＝）黎睇我，係羅梆教我砌架（我果陣突然覺得羅梆好好人－口－），之後我就舉左手，ｔｅａｍ既人話我砌岩左
果陣我第１個反應唔覺得開心，反而有ｄ嬲．．．．ｙｏｕｒ ｍｏｔｈｅｒ，我ｎ之前咪砌過囉，你地又話我錯！！！
當剩返果２∼３個人都砌好之後，我地都係咁樣諗，點解佢地會話我地砌錯，但係大部份人砌都話岩
文龍話：現實就係咁，就算你係「成功」左，但係環境唔容許你成功，你都唔算係成功
哇．．．．．真係好深奧，不過世界就係咁殘酷
（係喎，未講答案；如果你將個九宮格變到個「回」字就岩）
跟住我地分組，４個人一組，文龍派左個ｍｉｓｓｉｏｎ比我地落副堂做，話每個組員都要做到
我地落到副堂，拆開個信封，入面寫住「請讚賞三個人」．．．．．．．．．＝口＝！！
其實呢個活動有點兒無聊的＝．＝
主要目的係上面要ｓｅｔ野
我地完成ｍｉｓｓｉｏｎ後，係樓梯手拖住手，唔准開眼既情況下入返去祈禱室
入面又熄晒燈，不過今次唔係黑晒
中間放左張大檯，上面好多食物，仲有好多蠟燭，個ｆｅｅｌ好舒服
文龍講左ｄ野，之後又話可以食野，不過成個過程都唔准講野，仲要所有野都要人地幫你做，包括食野、飲野、拎汽水、拎叉、拎碟、夾野食等等
比人餵既感覺真的太好了－ｗ－”
不過ｄ壽司全部放晒ｗａｓａｂｉ．．．．搞到我標晒眼淚，要搵人餵我飲可樂－．－
呼∼∼∼∼我地終於係４點鐘有野落肚
終於去到最後一個活動，亦都係最艱苦既一個活動
我地要圍個Ｕ ｓｈａｐｅ，向前伸直晒Ｄ手（要９０度哦），不停做一個「渣」既動作
文龍初初話５０，我地以為５０下，點知佢話係佢數５０聲，我地「下」左之後，都覺得無咩所謂，１秒數１聲，好快捱過的．．．
可惜，邊有咁易既ｔａｓｋ呀；文龍差唔多３０秒∼１分鐘先數１聲，當數到５０既時候，都差唔多成粒鐘，成粒鐘咁不停做同一個動作→渣（仲要ｋｅｅｐ住好快既速度！！）
旁人見到呢個ｔａｓｋ，可能會覺得有ｄ無聊；但其實呢個ｔａｓｋ先係成個課程既精華
假設「渣」到５０下係我地既目標，途中就要遇到非常非常艱辛既過程（其實你做１分鐘已經會覺得麻痺晒）
不過我相信，將來出到黎做野，過程一定會比呢次更艱辛
經過呢個課程，我學到好多野呀！！！！
成功唔係先要諗住行動ｄ咩，係要先諗住犧牲ｄ咩
行動，比思考更重要！
要有一個明確目標，仲要經得起試煉
仲有好多好多既人生道理．．．．．．．唔講住啦＠ｖ＠∼佢地會永遠埋藏係我心入面
今日，我係渣手果個活動訂下左一個目標（唔係度講，想知就問Librarian Club既人），我要達成佢呀！！
當我以後再訂目標既時候，我都會記得今日，特別係呢個渣手活動既「痛楚」！
ｐ．ｓ．陳伯今日賺左６０蚊呀．．．４０蚊銀紙，仲有信封入面果２０蚊Ｍ記既現金券∼＠ｖ＠行財運呢
| 
