好突然既消息...
阿黃叔叔死了...
夜晚同阿姨通電話個時知道...
好似係係大陸有交通意外...
唉...好突然呀...
由我小學4/5年級開始佢就做看更
次次返學放學都見到佢,搵佢傾計...
而且又攞過傑出員工獎...
而家我中5啦,識左佢都唔知幾多年啦
可以話係睇住我大,次次入屯門都好想見到佢
因為而家少左見佢...有時入去又見唔到佢
見到佢佢又唔得閒...唉...
知道左呢件事之後,成個人down左...
而家更加明白到,我地應該好好珍惜每次既見面...
所以我地先會學懂珍惜...
阿黃叔叔,或者你唔會記得我...但我1定會記得你!!!

我要享受到尾,所以過左12點先訓
因為過左12點,代表暑假已經結束lu
但其實我12點半訓,到1點半先覺得眼訓...
係張床度碌左成粒鐘...朝早7點起身
7點9打俾阿岑,同大麻佬同阿岑返學
差唔多出門口個陣阿唐打黎...真係少有...
放暑假之前又話會搵我...點知放完假先搵我...
返到學校都差唔多夠鐘,咁岩見到阿唐
吹左2句水就返左去排隊,之後上班房
今年企既位置...好好...有樹蔭,又有蟲仔吊下吊下...
至於課室方面...根本已經預左係邊個課室
不過上到去又要等謝佩慈條鎖匙...搭電梯都仲耐過行樓梯...
真係頂佢唔順...之後坐返係個自閉位,不過唔係第1個
而係第2個...但仍然逃唔出佢既魔掌...之後就係咁派野
順便講埋學號,原來我今年係15,牛奶係14,即係唔使坐頭位啦...
冇幾耐施正心上黎話落得去hall,於是我地落去
入到去,同牛奶坐最出個2個位...今日又有d家長黎
又有d抱住bb黎...點解d bb唔喊架...冇幾耐就開始開學禮啦
唔好聽咁講句,呢個可能係我人生最後1個開學禮...
今年有成6個新老師黎,1位新社工,不過新黎個d老師唔關我事
因為唔會教我,而且硬係覺得有d老師唔見左人咁...
當校長講出某位家長(朱太)個時,我又爆左句:跟住係陳太
點知下1個嗌既真係陳太...坐到成10點10左右,d低form就上得課室
我地仲要聽葉sir講野,又係講教改個d野...真係好煩...
聽到11點2左右就上得課室繼續派野,又講下野咁
整到成12點先走得,之後同牛奶行落青衣城間m記食野...
食食下野+2打黎,於是又等埋佢,等到佢食完已經2點
之後係青衣城行左陣就返屋企,係屋企樓下見到winnie
返到屋企成3點,之後落左樓下影學生相,影完就返屋企訓覺
訓完就同細佬落去睇醫生,之後我就出左荃灣拎身分證
book左8點,但7點9去到,冇咩人,於是可以登記得
整完之後都只係8點,返到屋企太約8點半左右

正正式式係1個中5生,係時候努力啦...

今日下午1樣係要補中文
返到去差少少就2點,差d就遲到...
1坐低就即刻覺得勁眼訓...
唔知係因為個冷氣定還是...
今日講番琴日篇作文,條金魚講
都唔知佢講乜...講野講到1舊舊咁...
今日3點3就放得,琴日就遲左15分鐘
今日就早左15分鐘,岩岩好打和~
補完之後就返屋企,睇漫畫,艾蕾卡3

今日係暑假既最後1日啦,諗起上黎
最充實既咪就係係溫哥華個16日囉
最開心亦係溫哥華個16日囉,識到tamwood班fd
亦識到其他外國人,Bonnie,Nana等等...
今次仲好玩過去澳洲,可能係因為d人玩得掛...
返到黎香港啦...大家有大家既忙,話雖會出黎玩
但我相信唔會人齊...(淨係計香港又好,成team又好)
anyway,今個暑假的確係幾開心,上年個暑假
我仲係係香港無無聊聊咁過,成個暑期俾哂青衣城...(自己睇日記發生咩事)
開左學之後,我地呢班tamwood唔知幾時先可以再見呢...
10月1話就話去玩...但原來1半人都唔夠...
住係同1個香港,但要見面真係難...希望你地開左學之後個個都學業進步啦
你地係時候讀書啦,唔可以再玩啦...如果唔係好似我咁...讀唔切啦...
不過除左去溫哥華個16日之外,我真係好似係暑假裡面咩都冇做過
唔係返學補課就訓覺打機,返學補課返到去只係傾計...
成個暑假...都冇認真咁拎過本書黎睇...
聽日我就正正式式係1個中5生啦,即係1個會考生啦...
但我都而家都仲係好休閒咁...書都未讀過
+2 1年做既野仲多過我2年加埋所做既野...
究竟而家我係中5定佢係中5呀?!點解我仲可以咁懶架?
又話要讀TT,將來要做導遊,但而家呢?連TT都要retake...
不過我而家已經下定決心啦會考TT同英文1定要合格
TT起碼要拎個C返黎...如果唔係連IVE都未必收...
開學啦,我唔可以再係咁懶啦...為左我既理想...
我要讀TT,不過retake完之後唔知王孔鳳俾唔俾我讀...
anyway,新的1年,新年開始,希望所有野都可以從新開始
我亦唔會忘記今年既暑假,tamwood既fd
朋友們,10月1日再見!!!

即使和你分隔很遠　可是我們聯系一起的想法
惡作劇的運命降臨也沒有被破壞
所以我相信  總有一天...我們會再一次相遇......

今日中文補課呀,1定要返
費是俾人屌,下午同屋企人落左金運食野
食完發覺仲有時間,所以返屋企坐...
早知唔換衫住啦...不過有冇時間都好
都要返屋企先,因為我唔記得拎電費單...
唔交既話又俾媽媽鬧啦...坐到1點9就走人
原本諗住返學之前交,點知撞到阿岑
於是放學先交,今日係hall度4班1齊補
跟5C班號坐,但跟4C又好,5C又好,都係冇分別
因為都係同1個學號,今年既學號都係17
又係坐第2個位,牛奶就慘d,16號,又係頭位...
返到黎...又要做閱讀理解...煩,早知唔返啦...
今日仲要遲放tim,3點9先放,仲要返屋企作文...
9月4又要交呢樣,又要交個樣...死得啦,d野都唔見哂...
都唔知點算...放左學就同利永健去左郵局交電費
之後係涌美買野食,之後就返屋企lu
夜晚食pizza hut~

過左幾日就中5啦,我仲係度做緊咩呀?!
點解我仲可以咁休閒架?!

今日借左部N80俾阿媽...
自己要用番部K750i,忽然之間好驚呀
因為有d人話見到K750i會打撚壞佢喎
睇下到時佢夠唔夠薑打撚壞佢囉~
今日下午原本要補eng,仲要只係我地組返
即係牛奶佢地唔洗返啦,既然冇人返
所以我都唔返lu~返到去咪又係冇野做...
我都係度諗,今日會有幾多個返去呢?
分分鐘陸志偉可以休息下喎,因為冇人返ma...
夜晚爸爸去左上海,細佬去左第2度...
屋企得我同阿媽...